اۆتونوميالى رايوننىڭ جاڭا داۋىردە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى ماجىلىسىندە مىنالار تالاپ ەتىلدى

  • كەلۋ قاينارى: تيانشان تورابى
  • 08:45:55 03/03/2021

    ماڭگى تۇراتىن قىزمەت اترەتىن قۇرىپ، پارتيانىڭ شينجياڭدا بيلىك جۇرگىزۋ نەگىزىن بەكەمدەۋ كەرەك

 

    انار بۇلت/ شينجياڭ گازەتىنىڭ ءتىلشىسى جاڭ يانفاڭ 3 - ايدىڭ 1 - كۇنى ۇرىمجىدەن حابارلايدى. 3 - ايدىڭ 1 - كۇنى اۆتونوميالى رايوننىڭ جاڭا داۋىردە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى ءماجىلىسى اشىلدى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي ماجىلىسكە قاتىناستى ءارى ءسوز سويلەدى.

    ءماجىلىس مىنالاردى اتاپ كورسەتتى: جاڭا داۋىردە قىستاقتا تۇرۋ قىزمەتىن ويداعىداي ىستەۋدە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جالپى بەتتىك دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن تياناقتاندىرىپ، قىستاق دارەجەلى كۇشتەردى ءبىر تۇتاس جوسپارلاپ، ونان ويداعىداي پايدالانىپ، ماڭگى تۇراتىن قىزمەت اترەتىن قۇرىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەۋ كەرەك.

    ءماجىلىس مىنالاردى باسا دارىپتەدى: 7 ءتۇرلى ءتۇيىندى مىندەتتى تياناقتاندىرۋ كەرەك، ياعني: تۋى ايقىن تۇردە ساياسيدى دارىپتەپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ؛ نازاردى باس نىساناعا شوعىرلاندىرىپ، كەشەندى شارانى ويداعىداي جۇرگىزىپ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن ساقتاۋ؛ جۇڭحۋا ۇلتى ورتاق تۇلعا تانىمىن بەرىك سومداپ، ۇلتتار ىنتىماعى، العاباسارلىعىن بەكەمدەۋ، كۇشەيتۋ؛ شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جەبەۋ؛ يدەولوگيا سالاسى قىزمەتىن ىشكەرىلەي ويداعىداي ىستەپ، شينجياڭ حيكاياسىن بار كۇشپەن ويداعىداي بايانداۋ؛ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، حالىق تۇرمىسىن بار كۇشپەن قامتاماسىز ەتۋ، جاقسارتۋ؛ نەگىزگى ساتىنى يگەرىپ، نەگىز قالاپ، نەگىزگى ساتى پارتيا ۇيىمى قۇرىلىسىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن پارمەندى جاۋىنگەر قورعانعا اينالدىرۋ كەرەك. جاڭا داۋىردەگى جۇڭگوشا سوتسياليستىك شينجياڭ قۇرۋعا پارمەندى ۇيىمدىق كەپىل ازىرلەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى. ماجىلىستە 2018 - جىلدان بەرى قىستاقتا تۇرۋ قىزمەتى بارىسىندا كوزگە تۇسكەن وزات كوللەكتيۆتەر مەن وزات جەكەلەر ماداقتالىپ - سيلاندى.

جاۋاپتى رەداكتور: جازيرا بولاتباي قىزى