كوكتەمگى ساياحات ورلەۋىنىڭ جوعارىلاۋ مولشەرى جاعىندا شينجياڭنان ءتورت ورىن الدىڭعى ون ورىننىڭ قاتارىنا ەندى

  • كەلۋ قاينارى: ىلە گازەتى
  • 03:13:09 18/03/2021

 

    ىلە وبلىسىنىڭ كوكتەمگى ساياحات ورلەۋى %317 جوعارىلاپ، ەل ءىشى بويىنشا الدىڭعى قاتارعا شىقتى

 

    شينجياڭ گازەتىنىڭ حابارى (ءتىلشى ياۋ گاڭ). تاشقورعان تاجىك اۆتونوميالى اۋدانىندا ساياحات لەنياسىن تەكسەرىپ جۇرگەن شينجياڭ قارعالداق گۇلى حالىقارالىق ساياحات قوعامى شەكتى سەرىكتىگىنىڭ ورىنباسار باس ديرەكتورى ۋىن لۇڭ 3 – ايدىڭ 10 – كۇنى تەلەفوندا سۇحپاتتاسقاندا بىلاي دەدى: «ساياحات قوعامىمىزدىڭ 3 – ايداعى قىزمەتتەرى ورنالاستىرىلىپ بولدى، مۇندا نەگىزىنەن ىشكى ولكەلەردىڭ ساياحات قاينارى نەگىز ەتىلدى».

    «قىزۋ ورلەۋگە كوتەرىلۋ» - ۋىن لۇڭنىڭ شينجياڭنىڭ ساياحات بازارى جونىندەگى تۇسپالى عانا ەمەس، قايتا انىق ساندى مالىمەتپەن دالەلدەۋدىڭ ايعاعى. مافىڭۋو ساياحات تورابى تىڭشۇن مادەنيەت – ساياحات تەكشەسىمەن بىرگە جۋىردا 2021 – جىلعى كوكتەمگى «ساياحات باعدار كەستەسىن» جاريالاپ، ءىرى ساندى مالىمەت تەكشەسى ارقىلى ەل ءىشى – سىرتىنداعى 100 ورىننىڭ ساياحات ورلەۋىنىڭ وزگەرىسىنە تالداۋ جاسادى، مۇندا كورسەتىلۋىنشە، ىلە قازاق اۆتونوميالى وبلىسىنىڭ ساياحات ورلەۋى %317 جوعارىلاپ، كوكتەمگى ەل ءىشى ساياحاتىنىڭ ورلەۋگە كوتەرىلۋ دارەجەسىنىڭ ەڭ جوعارعى شەگىنە جەتكەن. مۇنان تىس، تۇرپان قالاسى، قاشقار ايماعى، قىزىلسۋ قىرعىز اۆتونوميالى وبلىسى الدىڭعى 10 ورىننىڭ قاتارىنا ەنگەن.

    ءار جىلعى كوك شىبىق مەرەكەسىنەن كەيىن جۇڭگوداعى «10 ءىرى تاماشالاۋ كورىنىسىنىڭ» ءبىرى بولعان ىلە ورىك گۇلى قۇلپىرا اشىلىپ، اڭعاردى توتىداي تۇرلەندىرەدى. توراپتاعى ساندى مالىمەتتە كورسەتىلۋىنشە، كەزەكتە شينجياڭ ورىك گۇلى ساياحات ونىمدەرىن الدىن الا تاپسىرىس ەتكەن ادام سانىنىڭ سالىستىرماسى 2019 – جىلداعىدان %90 ارتقان.

    شينجياڭ كاڭتاي ساياحاتى حالىقارالىق ساياحات قوعامى ىلە باعدارىنىڭ گۇل ساياحاتى لەنياسىن اشتى. ساياحات قوعامىنىڭ باس ديرەكتورى ياڭ مەي بىلاي دەدى: «قازىر ساياحاتشىلار تاماقتانۋ، قونۋ، ساپارلاۋ جاعىندا، قولايلىلىققا كوڭىل بولەتىن بولدى. تاماقتانۋ جاعىندا، ءبىز ىلەنىڭ ەرەكشە ءدامدى تاعامدارىن توپتىق تاماقتانۋ اسىنا اينالدىرىپ، ساياحاتشىلاردىڭ تاماق ءىشۋ ءۇشىن وزگە جەرگە بارماۋىنا مۇمكىندىك جاراتتىق؛ قونۋ جاعىندا، تازا تازالىق بولمەسىنەن تىس، قوناق ۇيلەرىنىڭ قولايلى بولۋىن كورنەكتىلەندىردىك؛ ساپارلاۋ جاعىندا، كۇنەس اۋدانىنىڭ تۇرگەن اۋىلىنداعى ورىك گۇلىن تاماشالاتۋدان تىس، ءبىز قورعاس اۋدانىنىڭ داشيگوۋ اۋىلى مەن سايرام كولىن جول لەنياسىنا ەنگىزدىك».

    بەيجيڭدىك لۇڭ فاميليالى ساياحاتشى 3 – ايدىڭ 25 – كۇنىنەن باستاپ شينجياڭدا 8 كۇن ساياحاتتايتىن بولدى. «بالا كەزىمدە كىتاپتان تۇرپاننىڭ، قاشقاردىڭ قۇرىلىستارىنىڭ ەرەكشە ەكەندىگىن كورەتىنمىن، وسى جولى وڭتۇستىك شينجياڭدى ءتۇيىندى تۇردە ساياحاتتايمىن، گۇل تاماشالاۋدان تىس، جەرگىلىكتى ورىننىڭ سالت – ساناسىن، مەيماندوستىعىن ءتۇسىنۋدى ويلاستىرىپ وتىرمىن» دەدى ول تىلشىگە.

جاۋاپتى رەداكتور: گۇلدەن ماقسات قىزى