”بانكە - سالىق تاراۋلارى ىقپالداسىپ“ تۇتاس شينجياڭداعى شاعىن، ۇساق كاسىپورىندارعا 12 ميلليارد 800 ميلليون يۋان قارىز اقشا بەردى

  • كەلۋ قاينارى: تيانشان تورى
  • 04:22:35 22/03/2021

 

   انار بۇلت / شينجياڭ گازەتىنىڭ ءتىلشىسى ميھىرگۇل ناسىر 3 - ايدىڭ 19 - كۇنى ۇرىمجىدەن حابارلايدى. شينجياڭ سالىق ىستەرى مەكەمەسىنەن ۇعىسۋعا قاراعاندا، 2015 - جىلى 4 - ايدان باستاپ ”بانكە - سالىق تاراۋلارىنىڭ ءوزارا ىقپالداستىعى“ ورىستەتىلگەننەن بەرى شينجياڭ سالىق ىستەرى تاراۋلارى بانكە قامسىزداندىرۋىن باقىلاۋ تاراۋلارىمەن، بانكە كاسىبى فينانس قۇرىلىمدارىمەن سەلبەسۋدى ۇزدىكسىز كۇشەيتىپ، ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەسىن شەشۋىنە كومەكتەستى. 2020 - جىلدىڭ سوڭىنا دەيىن جيىنى سالىق تاپسىرىلعان امانات - قارىزدان 24 مىڭ 945 نۇسقاسىنىڭ ءبىتۋىن جەبەپ، امانات - قارىز سوماسى 12 ميلليارد 800 ميلليون يۋانعا جەتىپ، كاسىپورىن ءوندىرىسىن ”ناق اقشامەن“ قولدادى.

    شينجياڭ سالىق ىستەرى مەكەمەسى سالىق تاپسىرۋعا قىزمەت وتەۋ باسقارماسىنىڭ ورىنباسار باستىعى ۋاڭ ۋي بىلاي دەپ تانىستىردى: باسقا امانات - قارىزبەن سالىستىرعاندا، ”بانكە - سالىق تاراۋلارىنىڭ ءوزارا ىقپالداستىعىنداعى“ امانات - قارىزدىڭ ءوسىمى اناعۇرلىم تومەن، ءبىتىرۋ بارىسى اناعۇرلىم قولايلى، قارجى قۇراۋ ۋاقىت شەگى اناعۇرلىم ۇزاق بولىپ، شاعىن، ۇساق كاسىپورىنداردىڭ شۇعىل قارىز الۋ، سوماسى شاعىن بولۋ، اينالىم تالابى تەز بولۋ قاجەتىن ءونىمدى شەشتى. سونىمەن بىرگە، ەلەكتروندى سالىق مەكەمەسىنىڭ ”بانكە - سالىق تاراۋلارىنىڭ ىقپالداستىعى“ ۇلكەن ساندى مالىمەت زەردەلى تۇعىرىن قۇرۋىنا سۇيەنىپ، ”بانكە - سالىق تاراۋلارىنىڭ ىقپالداستىعىنىڭ“ قامتىم كولەمىن ۇزدىكسىز كەڭەيتىپ، شاعىن، ۇساق كاسىپورىنداردىڭ قارىز اقشا الا الۋ مۇمكىندىگىن كورنەكتى تۇردە جوعارىلاتتى.

    بانكە - سالىق تاراۋلارىنىڭ ينفورماتسياسىن ءوزارا اۋىستىرۋ ”ينتەرنەت جەلىسىنەن تىسقارىدان“ ”ينتەرنەت جەلىسىنە“ كوشىپ، قارىز اقشا الۋعا ءوتىنىش بەرۋدەن، باعالاۋدان، سەنىمدىلىكتەن وتۋدەن قارىز اقشا بوساتۋعا دەيىن ينتەرنەتتە ”ءبىر بەكەتتىك“ ءبىتىرۋدى جۇزەگە اسىرىپ، تيىمدىلىككە كەنەلگەن كاسىپورىنداردىڭ سالىق تاپسىرۋ سەنىمدىلىگى A دارەجەلى كاسىپورىننان M دارەجەلى كاسىپورىنعا دەيىن كەڭەيىپ، قارىز اقشا ءوتىنىش ەتۋدەن ەسەپكە كىرگەنگە دەيىن بۇرىنعى ورتا ەسەپپەن 7 قىزمەت كۇنىنەن تەزدەپ، ەڭ تەز بولعاندا 10 مينۋت ىشىنە قىسقارىپ، ەسەپكە تەز ارادا كىرۋىن جۇزەگە اسىردى. شاعىن، ۇساق كاسىپورىندار تاماشا سالىق تاپسىرۋ سەنىمدىلىك ەستەلىگىنەن پايدالانىپ، ۇيدەن شىقپاي - اق توراپتا قارىز الۋ ءوتىنىشىن تولتىرىپ، ەڭ تەز بولعاندا 10 مينۋت ىشىندە ەڭ جوعارى بولعاندا 5 ميلليون يۋان قارىز اقشا الا الاتىن بولدى.

    قازىر ”بانكە - سالىق تاراۋلارىنىڭ ىقپالداستىعى“ اياسىندا سەلبەسكەن بانكە ”جاقسى سالىق قارىزى“، ”بۇلت سالىق قارىزى“ ”شاعىن، ۇساق E قارىزى“ سياقتى كوپ ءتۇرلى قارىز ونىمدەرىن تانىستىرىپ، ۇقساس تۇردەگى امانات - قارىز ءوسىمى نەگىزىندە قارىز اقشا ءوسىمىن تومەندەتىپ، اقشا قۇراۋ ۋاقىت شەگىن ۇزارتتى.

جاۋاپتى رەداكتور: جازيرا بولاتباي قىزى