پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، ناقتى ءىس ىستەپ بۇقارانىڭ كوڭىلىنەن شىقتى

  • كەلۋ قاينارى: ىلە گازەتى
  • 05:19:39 06/04/2021

 

    موڭعۇلكۇرە اۋداندىق ەلەكترمەن قامداۋ سەرىكتىگى:

    پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، ناقتى ءىس ىستەپ بۇقارانىڭ كوڭىلىنەن شىقتى

 

    ەرىكتى ءتىلشى ۋاڭ رۇي حابارلايدى. تاياۋدان بەرى موڭعۇلكۇرە اۋدانىنىڭ جەر – جەرىندە شارۋالار شاتتىعى ساياجايى، حالىقتىق تۇسەلحانا سياقتى ساياحاتقا قىزمەت وتەۋمەن شۇعىلداناتىندار ساياحاتشىلاردى ويداعىداي قارسى الۋعا دايىندالا باستادى. ساياحات كاسىبىنىڭ دامۋىن جەبەۋ، ساياحاتقا قىزمەت وتەيتىن ورىنداردىڭ ەلەكتردەن حاۋىپسىز پايدالانۋى ءۇشىن مەملەكەتتىك ەلەكتر تورابى موڭعۇلكۇرە اۋداندىق ەلەكترمەن قامداۋ سەرىكتىگى پارتيا مۇشەلەرىنىڭ قىزمەت وتەۋ اترەتىن ۇيىمداستىرىپ، ەسىك الدىنا بارىپ قىزمەت وتەپ، ەلەكتر جولدارىن تەكسەرىپ، جوندەپ، كومەسكى كىناراتتاردى الاستاپ، پارتيا تاريحىن ۇيرەنۋ تاربيەسى ونىمدىلىگىن حالىققا قىزمەت وتەۋ ناتيجەسى ارقىلى امالياتتا ايگىلەپ، ساياحات كاسىبىمەن شۇعىلدانۋشىلاردىڭ رازىلىق دارەجەسىن جوعارىلاتتى.

    موڭعۇلكۇرە اۋدانى – تۇڭعىش توپتاعى مەملەكەتتىك تۇتاس وڭىرلىك ساياحاتتان ۇلگى كورسەتەتىن رايون، جاقىن جىلداردان بەرى ءار ۇلت بۇقاراسى ءتيىمدى ساياساتتان پايدالانىپ، موڭعۇلكۇرە اۋدانىنىڭ تابيعي ەكولوگيالىق ابزالدىلىعىنا سۇيەنىپ، شارۋالار شاتتىعى ساياجايى، حالىقتىق تۇسەلحانا اشىپ، قالتالارىن قامپايتتى. ساياحات ماۋسىمىندا ساياحاتشىلار ءبىرشاما كوپ بولاتىندىقتان، ەلەكتر كوپ ىستەتىلەدى. ساياحات كاسىبىمەن شۇعىلدانۋشى شيۇڭ گاڭنىڭ شارۋالار شاتتىعى ساياجايىندا ۇنەمى ەلەكتر توقتاپ قالاتىن. وسى جولى ەلەكترمەن قامداۋ سەرىكتىگىنىڭ پارتيا مۇشەلەرى قىزمەت وتەۋ اترەتى ونىڭ ەسىك الدىنا بارىپ قىزمەت وتەپ، ەلەكتردەن حاۋىپسىز پايدالانۋىنا كەپىلدىك ەتتى. شيۇڭ گاڭ: «بىرنەشە جىلدان بەرى ساياحات ىستەرىنىڭ دامۋى وتە جاقسى، وڭىرلىك ساياحاتتىڭ تۇيىنىنە اينالدىق، سول ءۇشىن ەلەكترمەن قامداۋ ءبىزدىڭ تيجارات جۇگىزۋىمىزدىڭ نەگىزى. ەلەكترمەن قامداۋ سەرىكتىگىنىڭ قىزمەتكەرلەرى ەسىك الدىمىزعا كەلىپ قىزمەت وتەپ، بۇدان كەيىنگى تيجارات جۇرگىزۋىمىزدەگى قيىن تۇيىندەردى شەشتى» دەدى.

    مەملەكەتتىك ەلەكتر تورابى موڭعۇلكۇرە اۋداندىق ەلەكترمەن قامداۋ سەرىكتىگى پارتيا تاريحىن ۇيرەنۋ تاربيەسىن ورىستەتۋدە «بۇقارا ءۇشىن ناقتى ىستەۋ» قيمىلىن كورنەكتىلەندىرىپ، پارتيا مۇشەلەرى قىزمەت وتەۋ اترەتىن شارۋالار شاتتىعى ساياجايى، حالىقتىق تۇسەلحانا سياقتى ورىندارعا قىزمەت وتەۋگە ۇيىمداستىرىپ، تۇتىنۋشىلاردىڭ ەلەكتر جولدارىن، ۋاقىتتىق وندىرىسكە پايدالانعان ەلەكتر جولدارىن مۇقيات تەكسەرىپ، كومەسكى قاتەردى ۋاعىندا ءبىر جاقتى ەتتى. سونىمەن بىرگە، تۇتىنۋشىلاردىڭ ەلەكتردەن پايدالانۋ كولەمىن، ەلەكتر ىستەتۋ مولشەرىن ىشكەرىلەي ۇعىسىپ، ولاردىڭ ۇسىنىس – پىكىرىن تىڭداپ، تۇتىنۋشىلاردىڭ سۇرانىسىنا قاراي قىزمەت وتەۋ فورماسىنا دەركەزىندە وزگەرىس ەنگىزىپ، ەلەكتر تۇتىنۋشىلارىنىڭ قاجەتىن قاناعاتتاندىردى.

    مەملەكەتتىك ەلەكتر تورابى موڭعۇلكۇرە اۋداندىق ەلەكترمەن قامداۋ سەرىكتىگى پارتيا مۇشەلەرى قىزمەت وتەۋ اترەتىنىڭ باستىعى، تيجارات ءبولىمىنىڭ باستىعى ما جۇڭجۇن: «ءبىز وتباسىلارىنا دەيىن بارىپ قىزمەت وتەۋدە ەلەكتر تۇتىنۋشىلاردىڭ ەلەكتردەن پايدالانۋ جاعدايىنا تەكسەرۋ جۇرگىزىپ، ولارعا ۇسىنىس – پىكىر بەرىپ، ماسەلەلەردى ۋاعىندا تەكسەرىپ، ولاردىڭ ەلەكتردەن پايدالانۋداعى قيىن تۇيىندەرىن شەشەمىز» دەدى.

جاۋاپتى رەداكتور: گۇلدەن ماقسات قىزى