”اناعۇرلىم كوپ قىستاق تۇرعىندارىن بايۋعا باستايمىن“

  • كەلۋ قاينارى: تيانشان تورى
  • 10:40:09 07/04/2021

    انار بۇلت / شينجياڭ گازەتىنىڭ تىلشىلەرى حي حۇڭۋي، جاڭ جىلي

    

    ءدال كوكتەمگى تۇقىم ءسىڭىرۋ كەزى، تۇتاس شينجياڭدا ماقتا تۇقىمىن ءسىڭىرۋ جۇمىستارى جاپپاي ورىستەتىلدى. 4 - ايدىڭ 4 - كۇنى مارالباسى اۋدانى اقساقمارال اۋىلىنىڭ جيگىداكول قىستاعىنداعى كولەمدى ەگىمشىلىكپەن اينالىساتىن شارۋا مامۇت مامەتتىڭ ماقتا اتىزىندا وسى زامانعى اۋىل شارۋاشىلىق ماشينالارى سالالى اتىزدا ارلى - بەرلى جۇيتكىپ، ماقتا تۇقىمىن ءسىڭىرىپ، ءۇمىت تۇقىمىن سەبۋدە.

    45 جاستاعى مامۇتتىڭ ماقتامەن اينالىسقانىنا 20 نەشە جىل بولدى. 1998 - جىلى جوعارى تەحنيكۋم بىتىرگەننەن كەيىن ول قالادا قالىپ تۇراقتى جۇمىس تابۋدى تاڭداعان جوق، قايتا قىستاققا قايتىپ ماقتا ەكتى. ”كىشكەنتايىمنان ماقتانى ۇناتاتىنمىن، وقىپ جۇرگەندە وقۋدان تاراعان سايىن ماقتا اتىزىنا بارىپ ويناۋشى ەدىم. عىلىم - تەحنيكا ارقىلى ماقتا ەگىپ، ماقتانى ءبىزدى بايىتاتىن داقىلعا اينالدىرۋدى ويلادىم“.

    اۋىلعا قايتقاننان كەيىن مامۇت 100 مۋ ماقتا اتىزىن كوتەرمەگە الىپتى. ”ول كەزدە ماقتانىڭ ءتۇسىمى تومەن بولاتىن، مۋ باسىندىق ءونىم مولشەرى نەبارى 200 كيلوگرام اينالاسىندا عانا ەدى، تاعى قىرۋار ۋاقىت جانە كۇش كەتەتىن“، - دەگەن مامۇت ءسوزىن ساباقتاي ءتۇستى، - ول كەزدە ماقتا ەگۋدىڭ تەحنيكالىق ورەسى شەكتى بولعانىمەن، ەكونوميكالىق ونىمدىلىگى تومەن ەمەس ەدى.

    جەردى اينالىمعا سالۋ سياقتى ساياساتتاردىڭ اتقارىلۋىنا بايلانىستى، مامۇت ەككەن ماقتانىڭ كولەمى دە جىل سايىن ارتتى. 2012 - جىلى ول 800 مۋ ماقتا اتىزىن كوتەرمەگە الدى، ”ماقتانىڭ ساپاسى بارعان سايى جاقساردى، ماقتا ەگىمشىلىگىندە تامشىلاتىپ سۋارۋ قولدانىلا باستادى، تۇقىم ءسىڭىرۋ، ءدارى ءشاشۋ، ماقتا تەرۋ سياقتى بۋىنداردىڭ ماشينالاسۋ دەڭگەيى دە بارعان سايىن جوعارىلادى، وعان ۇكىمەتتىڭ ماقتاشىلارعا بەرەتىن قوسىمشا قاراجاتىن قوسقاندا، ماقتا ەگۋ شارۋالاردىڭ باستى تالعامىنا اينالدى“، - دەدى مامۇت.

    2017 - جىلى مامۇت ماقتانى ماشينالاندىرىپ ەگۋدى تەگىس جۇزەگە اسىردى. ”بۇرىن تۇقىم ءسىڭىرۋ ءۇشىن قادا شانشۋ، ءجىپ تارتۋ قاجەت بولاتىن. بۇل كۇندەرى ماشينالاندىرىلىپ ەگىلەدى، جۇرگىزۋشى تەك تۇقىم ءسىڭىرۋ تالاپتارى بويىنشا قاتىستى ساندى مالىمەتتەردى ويداعىداي بەلگىلەسە بولعانى، تراكتور جاساندى سەرىكتىك باعدار نۇسقاۋ جۇيەسىنىڭ ءجون سىلتەۋىندە جوبالانعان جەلى بويىنشا اۆتوماتتى جۇرەدى ءارى دالمە - ءدال، مولشەرلەپ تۇقىم سىڭىرەدى“، - دەدى ول، ونىڭ ايتۋىنشا، ماقتا تۇقىمىن سىڭىرۋدەن، سۋارىپ، تىڭايتقىش بەرۋدەن تەرۋگە دەيىن، ءاربىر بۋىن تۇگەلدەي ماشينامەن ىستەلەدى، اسىرەسە، تەرۋ بۋىنىندا، ماشينامەن جۇمىس ىستەۋ تەرۋ ونىمدىلىگىن ايرىقشا جوعارىلاتىپ، ەڭبەك كۇشەمەلىلىگىن باسەڭدەتىپ، ماقتانىڭ ءونىم مولشەرىن ارتتىرىپ، وزىندىك قۇنىن تومەندەتكەن، ”بىلتىر ماقتانىڭ مۋ باسىندىق ءونىم مولشەرى 550 كيلوگرامعا جەتتى“.

    مامۇت تىلشىگە مىناداي ەسەپ جاساپ كورسەتتى، ءبىر مۋ ماقتا اتىزىندا ادام كۇشىمەن تەرۋگە كەتەتىن قاراجات 800 يۋاننان اسادى، ماشينامەن تەرىلسە 160 يۋان اينالاسىندا عانا بولادى. مۇنان تىس، ماقتانىڭ جەتىلۋ مەزگىلى بىركەلكى بولمايتىندىقتان، ادام كۇشىمەن ماقتا تەرۋدە 3 رەت ىستەۋ كەرەك، ۋاقىتى ءبىر ايعا سوزىلادى، ال ماشينامەن تەرۋدە ءبىر مۋ جەرگە نەبارى ءبىر ساعات ۋاقىت جۇمسالادى.

جاۋاپتى رەداكتور: جازيرا بولاتباي قىزى