باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جۇڭگو حالىق ساياسي ٴماسىليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتى 1 - ٴماجىلىسىنىڭ ساياسي قاۋلىسى
2022-02-13 12:52:38     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

(2022 - جىلى 2 - ايدىڭ 12 - كۇنى اۆتونوميالى وبلىستىق ساياسي كەڭەس 14 - كەزەكتى كوميتەتىنىڭ 1 - ماجىلىسىندە ماقۇلداندى)


جۇڭگو حالىق ساياسي ٴماسىليحات كەڭەسى ىلە قازاق اۆتونوميالى وبلىستىق 14 - كەزەكتى كوميتەتىنىڭ 1 - ٴماجىلىسى 2022 - جىلى 2 - ايدىڭ 9 - كۇنىنەن 12 - كۇنىنە دەيىن قۇلجا قالاسىندا وتكىزىلدى. 

اۆتونوميالى وبلىستىق پارتكومنىڭ شۋجيى چيۋ شۋحۋا قاتارلى اۆتونوميالى وبلىستىڭ باسشىلارى ماجىلىسكە قاتىناسىپ، جينالىستاعى لەبىزدەردى تىڭداپ، بىرىككەن گرۋپپا تالقىسىنا قاتىناسىپ، مۇشەلەرمەن رەفورما، دامۋ، ورنىقتىلىق جونىندەگى كەلەلى جوسپاردى كەڭەسىپ، ساياسي كەڭەس قىزمەتىنە وسكەلەڭ ٴمان بەرەتىندىگىن جانە ساياسي كەڭەس مۇشەلەرىنە شىنايى قامقورلىق جاسايتىندىعىن تولىق ايگىلەدى. ماجىلىستە سەرجان ۇعىباي ۇلىنىڭ ساياسي كەڭەس ىلە قازاق اۆتونوميالى وبلىستىق 13 ـ كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، نۇراحىمەت زۇنۇن جولداستىڭ ساياسي كەڭەس ىلە قازاق اۆتونوميالى وبلىستىق 13 ـ كەزەكتى كوميتەتى تۇراقتى كوميتەتى اتىنان جاساعان ۇسىنىس جوباسى قىزمەتىنىڭ جاعدايى جونىندەگى بايانداماسىن قاراپ بەكىتتى، اۆتونوميالى وبلىستىق 14 ـ كەزەكتى ساياسي كەڭەستىڭ ٴتوراعاسىن، ورىنباسار ٴتوراعالارىن، باس حاتشىسىن جانە تۇراقتى مۇشەلەرىن سايلاپ شىعىپ، ٴتۇرلى مىندەتتەردى تابىسپەن ورىندادى. مۇشەلەر ىلە قازاق اۆتونوميالى وبلىستىق 15 ـ كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسىپ، ەلشات تۇرسىنباي ۇلىنىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسىنىڭ، اۆتونوميالى وبلىستىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالارىن اقىلداسىپ تالقىلادى، جوعارىداعى باياندامالاردى قۇپتايتىندىقتارىن ٴبىلدىردى ٴارى ۇسىنىس ـ پىكىر بەردى. مۇشەلەر ۇكىمەت ٴىسىن  كەڭەسۋگە قىزۋ ىنتامەن، وسكەلەڭ جاۋاپكەرشىلىكپەن ىشكەرىلەي ارالاسىپ، اقىل - كەڭەس بەرىپ، ورتاق تانىمدى كەڭىنەن ۇيىستىرىپ، جاڭا كەزەكتى ساياسي كەڭەس مۇشەلەرىنىڭ كەلبەتىن تولىق ايگىلەدى. ٴماجىلىس ناقتى، جوعارى ٴونىمدى، پاك ستيلدى، دۇرىس سالتتى، تولىق تابىستى بەينەلەگەن، تۋدى بيىك ۇستاپ، ىنتىماققا جىگەرلەندىرىپ، دەموكراتيانى ساۋلەلەندىرىپ، شىندىققا جۇگىنىپ، ناقتى ىستەر ىستەپ،  ٴورىس اشا العا ىلگەرىلەۋگە جۇمىلدىرعان ٴماجىلىس بولدى.

ماجىلىستە بىلاي دەپ قارالدى: وتكەن ٴبىر جىل پارتيا مەن مەملەكەت تاريحىنداعى بەلەستىك مانگە يە ٴبىر جىل بولدى. جۇڭگو كوممۋنيستىك پارتياسى 100 جىلدىق مەرەي تويىن قارسى الدى، پارتيا 19 ـ كەزەكتى ورتالىق كوميتەتىنىڭ التىنشى جالپى ٴماجىلىسى پارتيانىڭ 3 - تاريحي قاۋلىسىن قاراپ ماقۇلدادى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، 100 جىلدىق وزگەرىس پەن عاسىرلىق ىندەت جاعدايىنا بايىپتىلىقپەن توتەپ بەرىپ، سيرەك كەزدەسەتىن حاۋىپ ـ قاتەر مەن سىن ـ سايىستاردى جەڭىپ، ٴبىرىنشى 100 جىلدىق كۇرەس نىساناسىن ۋاعىندا جۇزەگە اسىرىپ، جاپپاي دوڭگەلەك داۋلەتتى قوعام قۇرۋدىڭ جەتىستىكتەرىنەن جالپى حالىقتى يگىلىكتەندىرىپ، جۇڭحۋا ۇلتىنىڭ ۇلى گۇلدەنۋىنىڭ وشپەس ەسكەرتكىشىن سومداپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي جورىق جاساۋدىڭ جاڭا ساپارىن باستادى. اۆتونوميالى وبلىستىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ،  وبلىستاعى ٴار ۇلت حالقىن باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق پارتكومنىڭ تالاپتارىن باتىل تياناقتاندىرىپ، ەكونوميكانى دامىتۋدا ماڭىزدى قامال الىپ، حالىقتىڭ ىرىس - قۇتىن ۇزدىكسىز ارتتىردى، ىندەتتەن ساقتانۋ - تىزگىندەۋ قىزمەتى تىڭعىلىقتى دا پارمەندى، قوعامدىق جالپى جاعداي ورنىقتى بولىپ، ٴتۇرلى ىستەردە تىڭ ىلگەرىلەۋشىلىكتەرگە، تىڭ تابىستارعا قول جەتكىزىلدى، ەرەكشە مەزگىلدە پارتيا ورتالىق كوميتەتى الاڭسىز، بۇقارا رازى بولاتىن ەمتيحان تاپسىردى. اۆتونوميالى وبلىستىق پارتكومنىڭ پارمەندى باسشىلىعىندا، بۇكىل وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە مۇشە ورىندار، ٴار ۇلت، ٴار سالا ساياسي كەڭەس مۇشەلەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تياناقتاندىرۋعا قىزمەت وتەۋ سىندى قىزمەت نەگىزگى جەلىسىن مىقتاپ يگەرىپ، جالپى بارىستىق دەموكراتيانى بەلسەنە جۇزەگە اسىرىپ، پارتكومنىڭ وزەكتى قىزمەتىن نەگىز ەتىپ، مىندەتىن، جاۋاپكەرشىلىگىن اتقارىپ، قوعام ايىرىقشا كوڭىل ٴبولىپ وتىرعان يدەيالىق ساياسي جەتەكشىلىكتى كۇشەيتۋدى قاداعالاپ، ارناۋلى كەڭەس قۇرىلىمى قۇرىلىسىن مىقتى يگەرىپ، قىزمەت ساپاسىن، ونىمدىلىگىن كۇشەيتىپ. «14 - بەسجىلدىقتىڭ» تاماشا باستاماسىن جۇزەگە اسىرۋعا ماڭىزدى ۇلەس قوستى.

ماجىلىستە بىلاي دەپ اتاپ كورسەتىلدى: بيىل جۇڭگو كوممۋنيستىك پارتياسىنىڭ 20 - قۇرىلتايى اشىلادى. بيىلعى قىزمەتتەردى ويداعىداي ىستەۋدىڭ ٴمانى زور. تۇتاس وبلىستاعى ٴار دارەجەلى ساياسي كەڭەس ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ٴار رەتكى ماجىلىستەرىنىڭ رۋحىن، ورتالىقتىڭ ساياسي كەڭەس قىزمەتى ٴماجىلىسىنىڭ، ورتالىقتىڭ ەكونوميكا قىزمەتى ٴماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ، تياناقتاندىرىپ، «ەكىنى تۇراقتاندىرۋدى» باتىل قورعاپ، «ەكىنى قورعاۋدى» ادالدىقپەن امالياتتا ايگىلەپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دۇرىس دايەكتىلەندىرۋدى توڭىرەكتەپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاستىرا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ، شينجياڭدى گۇلدەندىرىپ، شينجياڭدى باياندى كوركەيتىپ، ىندەتتەن ساقتانۋ - تىزگىندەۋ مەن ەكونوميكانى،  قوعامدى دامىتۋدى، دامۋ مەن حاۋىپسىزدىكتى ٴبىرتۇتاس جوسپارلاپ، ارناۋلى كەڭەس قۇرىلىمىندىق ەرەكشەلىكتى كورنەكتىلەندىرىپ، قوس باعىتتا كۇش سالۋداي ابزالدىقتى ايگىلەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋى، بۇكىل وبلىستاعى ٴار ۇلت حالقىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرلىكتى شىنايى، باتىلدىقپەن ارقالاپ، جاڭا ەمتيحان تاپسىرۋ جولىندا تىڭ بەينە، تىڭ ىسكەرلىك كورسەتۋى كەرەك.

ماجىلستە مىنالار باسا دارىپتەلدى: حالىق ساياسي كەڭەسى  ارناۋلى كەڭەس قۇرىلىمى بولىپ، پارتيا باسشىلىعىنداعى ساياسي ۇيىم  جانە دەموكراتيا ۇلگسى، سونداي - اق جالپى بارىستىق حالىق دەموكراتياسىن دامىتۋداعى ماڭىزدى تۇزىمدىك ورنالاستىرۋ. ساياسي قۇرىلىستى كورنەكتىلەندىرىپ، پارتيا تاريحىن ۇيرەنۋ تاربيەسى جەتىستىكتەرىن بەكەمدەپ جانە كەڭەيتىپ، پارمەندى ساياسي قۇرىلىس ارقىلى ىنتىماقتاسا كۇرەس جۇرگىزۋدىڭ دۇرىس باعىتىنا كەپىلدىك ەتىپ، پارمەندى يدەيالىق قۇرىلىس ارقىلى ٴبىر نيەت، ٴبىر تىلەكتە بولۋ يدەيالىق نەگىزىن بەكەمدەپ، پارمەندى ۇيىمدىق قۇرىلىس ارقىلى سەلبەسە ورتاق ىستەۋدىڭ تۇلعالىق بىرىككەن كۇشىن ۇيىستىرىپ، پارمەندى ستيل قۇرىلىسى ارقىلى زەيىن - زەردە مەن كۇش - قۋاتتى ۇيىستىرۋ يقۋاتىن ارتتىرىپ، ساياسي كەڭەس جۇيەسىندەگى پارتيا قۇرىلىسىنىڭ تىڭ دەڭگەيگە كوتەرىلۋىن جاپپاي كۇشەيتۋ كەرەك. ساياسي كەڭەس قىزمەتىن پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دۇرىس تياناقتاندىرۋ بارىسىمەن بىرگە جوسپارلاۋدا، ىلگەرىلەتۋدە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى توڭىرەكتەپ، شينجياڭدا ٴسىلام ٴدىنىن جۇڭگوشالاندىرۋدى ىلگەرىلەتىپ، شينجياڭدى مادەنيەتپەن نارلەندىرۋ ينجەنەرياسىن اتقارۋ سياقتى ۇزاق بولاشاققا ساياتىن ماسەلەلەر جونىندە كەڭەسىپ، ۇكىمەت ىسىنە كەڭەس بەرىپ، زەيىندى جيىپ، كۇشتى شوعىرلاندىرىپ،  قوعام ورنىقتىلىعى مەن باياندى تىنىشتىق باس نىساناسىنا قىزمەت وتەۋ جانە تياناقتاندىرۋدا اناعۇرلىم زور رول اتقارۋ كەرەك. تىڭ دامۋ كەزەڭىن تياناق ەتىپ، تىڭ دامۋ ۇستانىمىن دايەكتىلەندىرىپ، تىڭ دامۋ ارناسىنا توعىسىپ، «ەكى قورعاس، ەكى قۇلجانى» ٴبىر تۇلعالاندىرىپ دامىتۋدى توڭىرەكتەي وتىرىپ، ىلە ەرەكشەلىگىنە يە، ٴار ۇلت بۇقاراسىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن وسى زامانعى كاسىپ جۇيەسى قۇرىلىسى، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى ٴتۇيىنى قۇرىلىسى، قالا مەن اۋىلدى ٴبىر تۇتاس جوسپارلاپ دامىتۋدى ىلگەرىلەتۋ سياقتى جاقتاردا اقىل - كەڭەس بەرىپ، تۇلعالىق ەكونوميكانىڭ، وتكەل ەكونوميكاسىنىڭ، ساياحات ەكونوميكاسىنىڭ دامۋىن جەبەۋگە ات سالىسۋ كەرەك. «سىرتتان كىرۋدەن، ىشتە قايتا بەلەڭ بەرۋدەن ساقتانۋ» جالپى تاكتيكاسى مەن «اۋقىمدىق اداقتاۋ» باس باعىتىندا، زاڭ بويىنشا، عىلمي، دۇرىس ساقتانۋ - تىزگىندەۋدە تاباندى بولىپ، ىندەتتەن ساقتانۋ - تىزگىندەۋ شارالارىنىڭ تياناقتانۋىن ىلگەرىلەتۋ كەرەك.

ماجىلىستە مىنالار باسا دارىپتەلدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت ەتىپ، ٴبىر نيەتپەن ىنتىماقتاسىپ، جاڭا داۋىردەگى جاڭا ىلە قۇرۋ - جاڭا داۋىردەگى وبلىستىق ساياسي كەڭەستىڭ تاريحي جاۋاپكەرلىگى جانە قاسيەتتى بورىشى. ساياسي تۇرعىنى اناعۇرلىم جوعارىلاتىپ، «ەكى جالپى جاعدايدى» كوكەيدە ساقتاپ، «مەملەكەتتىڭ زور ٴىسىن» ەستەن شىعارماي، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق فاكتورلاردى بەلسەنە جۇمىلدىرىپ، باس شۋجي شي جينپيڭنىڭ ٴبىز ٴۇشىن جاساعان ۇلى جوباسىن نىق قاداممەن تاماشا رەالدىققا اينالدىرۋىمىز كەرەك. پارتيانىڭ باسشىلىعىندا تاباندى بولۋدى ساياسي كەڭەستىڭ بارلىق قىزمەتىنە بۇلجىتپاي ٴسىڭىرىپ، قىزمەتتى اۆتونوميالى وبلىستىق پارتكومنىڭ جاپپاي باسشىلىعىندا تاباندىلىقپەن، باتىلدىقپەن ورىستەتىپ، پارتكومنىڭ ورنالاستىرۋىن ساياسي كەڭەس تياناقتاندىرۋ، پارتكومنىڭ تالابىنا ساياسي كەڭەس سايكەسۋ، پارتكوم نۇسقاۋ بەرسە ساياسي كەڭەس ارەكەتكە كىرىسۋ، پارتكومنىڭ وزەكتى قىزمەتى قايدا بولسا، ساياسي كەڭەس قىزمەتى سوندا بولىپ، اقىل - پاراسات پەن كۇش - قۋاتتى سول اراعا شوعىرلاندىرۋ؛ ورتاق تانىمدى ۇيىستىرۋ قىزمەتىن ىشكەرىلەي ويداعىداي ىستەپ، ماڭىزدى بازانى، ماڭىزدى تۇعىردى بەكەمدەپ، ماڭىزدى ارنالاردى ىركىلىسسىزدەندىرىپ، ٴبىر نيەت، ٴبىر تىلەكپەن، پارتياعا ىلەسۋدىڭ قۇدىرەتتى كۇشىن كەڭ كولەمدە توعىستىرۋ؛ ارناۋلى كەڭەس قۇرىلىمى قۇرىلىسىن ىلگەرىلەتىپ، كەڭ كولەمدە تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، ۇكىمەت ٴىسىن ىشكەرىلەي كەڭەسىپ، ناقتى دەموكراتيالىق باقىلاۋ جۇرگىزىپ، اۆتونوميالى وبلىستىڭ رەفورما، دامۋ، ورنىقتىلىق ىستەرىن جۇزەگە اسىرۋعا زەيىن - زەردەنى شوعىرلاندىرىپ، اقىل - كەڭەس بەرۋگە كۇش شىعارۋ كەرەك. مۇشەلەردىڭ جاۋاپكەرلىك ارقالاۋىن، جۇيەلى ويلاۋىن كۇشەيتىپ، شىندىقتى ٴىس جۇزىنەن ىزدەپ، بارلىق ىستە ٴىس جۇزىندىكتى شىعار ٴتۇيىن ەتىپ، «جاۋاپكەرلىكتى باتىل ارقالاۋ» سانالىلىعىمەن، «جاۋاپكەرلىكتى ارقالاۋعا شەبەر بولۋ» قابىلەتىمەن، «شىنايى جاۋاپكەرلىك ارقالاۋ» ارەكەتىمەن حالىق ساياسي كەڭەسى ٴتۇزىمىنىڭ ات سالىسۋشىسى، امالياتتا ايگىلەۋشىسى، ىلگەرىلەتۋشىسى بولۋ كەرەك. 

ٴماجىلىس مىنانى ۇندەدى: وبلىستاعى ٴار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ورىندار مەن ساياسي كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسى ۇلى تۋىن بيىك كوتەرىپ، اۆتونوميالى وبلىستىق پارتكومنىڭ پارمەندى باسشىلىعى مەن اۆتونوميالى وبلىستىق حالىق ۇكىمەتىنىڭ پارمەندى قولداۋىندا، قايراتتانا العا ۇمتىلىپ، استە بوساڭسىماي، ىنتىماقتى دا جاراسىمدى، گۇلدەنگەن، باياشات، وركەنيەتتى دە العا باسقان، حالىق الاڭسىز تىرشىلىك ەتەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭنىڭ ىلەسىن قۇرۋعا تىڭ دا اناعۇرلىم زور ۇلەس قوسىپ، پارتيا 20 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الايىق!