ٴتىلشىمىز جاڭ لياڭ حابارلايدى. 2 - ايدىڭ 12 - كۇنى اۆتونوميالى وبلىستىق 15 - كەزەكتى حالىق قۇرىلتايى 1 - ٴماجىلىسى گرۋپپالارعا ٴبولىنىپ، وبلىستىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى دارەجەلى حالىق سوتى ىلە وبلىستىق بولىمشەسىنىڭ جانە وبلىستىق  پروكۋراتۋرانىڭ قىزمەت بايانداماسىن قارادى.

ۋاكىلدەر ٴبىر اۋىزدان بىلاي دەدى: بەس جىلدان بەرى اۆتونوميالى وبلىستىق پارتكومنىڭ پارمەندى باسشىلىعىندا، ۋاكىلدەردىڭ باقىلاۋىندا اۆتونوميالى وبلىستىق 14 - كەزەكتى حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، حالىق قۇرىلتايى ۋاكىلدەرى تۇزىمىندە تاباندى بولۋ جانە ونى كەمەلدەندىرۋدىڭ ٴتۇبىرلى تالابىن مىقتى يگەرىپ، حالىق قۇرىلتايىنىڭ جاۋاپكەرلىگىن، بورىشىن باتىل ارقالاپ، قىزمەت مىندەتىن بۇلجىتپاي اتقارىپ، مىقتى يگەرىپ، ناقتى ىستەپ، حالىق قۇرىلتايى تۇراقتى كوميتەتىنىڭ فۋنكتسيالىق رولىن ٴونىمدى ساۋلەلەندىرىپ، ىلەنىڭ قوعام ورنىقتىلىعى مەن باياندى تىنىشتىعىن پارمەندى قامتاماسىزداندىردى.

   ۋاكىلدەر اۆتونوميالى رايوندىق جوعارى دارەجەلى حالىق سوتى ىلە وبلىستىق  بولىمشەسىنىڭ قىزمەت بايانداماسىن قاراعاندا بىلاي دەپ اتاپ كورسەتتى: بەس جىلدان بەرى وبلىستىق سوت قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، جالپى جاعدايعا قىزمەت ەتىپ، ٴادىليانى حالىق ٴۇشىن اتقارىپ، نەگىزگى زاڭ مەن زاڭدار جۇكتەگەن جاۋاپكەرلىگىن ادالدىقپەن ورىنداپ، ٴار ۇلت بۇقاراسىنا تەڭدىكتى، ادىلدىكتى سەزىندىردى.

  ۋاكىلدەر اۆتونوميالى وبلىستىق پروكۋراتۋرانىڭ قىزمەت بايانداماسىن قاراعاندا بىلاي دەپ اتاپ كورسەتتى: بەس جىلدان بەرى وبلىستىق پروكۋراتۋرا وزەكتى قىزمەتتى تىعىز توڭىرەكتەپ، ارىز - شاعىمدى باقىلاۋ، قىلمىستىق ارەكەتتەرگە سوققى بەرۋ، جازالاۋ مەن قىزمەتتىك قىلمىستان ساقتانۋ جاقتارىندا كورنەكتى تابىستارعا قول جەتكىزىپ، ىلەنىڭ ەكونوميكالىق جانە قوعامدىق دامۋ جالپى جاعدايىن پارمەندى ٴادىليالىق كەپىلگە يە ەتتى.

 التاي ايماعىنان كەلگەن وبلىستىق حالىق قۇرىلتايىنىڭ ۋاكىلى جاڭ جىگو بىلاي دەدى: «بەس جىلدان بەرى وبلىستىق سوت پەن وبلىستىق پروكۋراتۋرانىڭ قول جەتكىزگەن تابىستارى جۇرتقا ايان، وزگەرىستەردەن تەرەڭ اسەرگە يە بولدىم. <ەكى مەكەمەنىڭ> الداعى جەردە رەفورمانى اناعۇرلىم تەرەڭدەتىپ، باسقارۋ ادىسىندە جاڭالىق اشىپ، ادامدى ارقاۋ ەتۋدە تاباندى بولىپ، جاراسىمدى ىلە ٴۇشىن تاماشا زاڭمەن وڭاۋ ورتاسىن جاراتۋىن ٴۇمىت ەتەمىن».

 قۇلجا اۋدانىنان كەلگەن وبلىستىق حالىق قۇرىتايىنىڭ ۋاكىلى ياڭ ۋىنجىن بىلاي دەدى: «حالىق قۇرىلتايى تۇراقتى كوميتەتىنىڭ قىزمەت بايانداماسى مەن <ەكى مەكەمەنىڭ> قىزمەت بايانداماسى وتكەن بەس جىلداعى قىزمەتتەردى وبيەكتيۆ جاقتان قورىتىندىلاعان، اسىرەسە 15 - كەزەكتى حالىق قۇرىلتايى تۇراقتى كوميتەتىنىڭ الداعى قىزمەتتەرىنە وتە تاماشا ۇسىنىس - پىكىرلەر بەرىلگەن. <ەكى مەكەمەنىڭ> بولاشاقتاعى قىزمەت جونىندە ايقىن وي جەلىسى جانە نىساناسى بار، ونىڭ ۇستىنە بۇل نىسانالار شىنايى ٴارى جاڭا جاعدايداعى قىزمەتتىڭ تالابىنا ۇيلەسەدى».