ٴتىلشىمىز كاميلا حالمۇرات حابارلايدى. 2 - ايدىڭ 13 - كۇنى تۇستەن كەيىن اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ٴماجىلىسى ٴتوراعالار القاسىنىڭ 5 - رەتكى جيىنىن وتكىزدى.

ٴماجىلىس ٴتوراعالار القاسىنىڭ تۇراقتى ٴتوراعاسى چيۋ شۋحۋا جيىندى باسقاردى. تۇراقتى ٴتوراعالارى جاۋ تيانجيە، نياز اشىم، ۋي جيانگو، جاڭ يان، ليۋ شينلي، جۋ بين، رازبەك قامزا ۇلى، ٴرازيا ابليز، سۇن پىڭ جانە ٴتوراعالار القاسىنىڭ باسقا دا مۇشەلەرى جيىنعا قاتىناستى.

جيىندا ٴماجىلىس حاتشىلار باسقارماسىىنىڭ ۋاكىلدەردىڭ ٴتۇرلى قاۋلىلاردى (جوبا نۇسقا) قاراۋ جاعدايى جونىندەگى مالىمەتى تىڭدالىپ، ٴتۇرلى قاۋلىلاردى (جوبا نۇسقا) جالپى جيىندا داۋىسقا سالۋعا ۇسىنۋ ۇيعارىلدى؛ زاڭ - ٴتۇزىم كوميتەتىنىڭ ۋاكىلدەردىڭ «ىلە قازاق اۆتونوميالى وبلىسىنىڭ <جۇڭحۋا حالىق رەسپۋبليكاسىنىڭ ۇيلەنۋ زاڭىن> اتقارۋ جونىندەگى قوسىمشا بەلگىلەمەسى (وزگەرىس ەنگىزىلگەن نۇسقاسى)»، «ىلە قازاق اۆتونوميالى وبلىسىنىڭ ارناۋلى ەرەجە جاساۋ ٴتارتىبى جونىندەگى بەلگىلەمەسى»، «ىلە اڭعارىنداعى شينجياڭ قوڭىر ارا بايلىعىن قورعاۋ ەرەجەسى» سياقتى جەرگىلىكتى 3 زاڭ - ەرەجەنى (ارناۋلى ەرەجە) كۇشىنەن قالدىرۋ جونىندەگى قاۋلىنى (جوبا نۇسقا) قاراۋ جاعدايى جونىندەگى مالىمەتى تىڭدالدى ٴارى قاۋلىنى (جوبا نۇسقا) جالپى جيىندا داۋىسقا سالۋعا ۇسىنۋ ۇيعارىلدى.

جيىندا تاعى باس بەلەت باقىلاۋشىنىڭ، بەلەت باقىلاۋشىلاردىڭ (جوبا نۇسقا) ەسىمدىگى قارالىپ ماقۇلداندى؛ ەسىمدىكتى (جوبا نۇسقا) جالپى جيىندا داۋىسقا سالۋعا ۇسىنۋ ۇيعارىلدى.

جيىندا تاعى نەگىزگى زاڭ الدىندا باستاپ سەرت بەرەتىن ادام بەلگىلەندى.