باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ٴماجىلىسى ٴتوراعالار القاسىنىڭ 4 - رەتكى جيىنىن وتكىزدى
2022-02-14 11:22:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز كاميلا حالمۇرات حابارلايدى. 2 - ايدىڭ 13 - كۇنى تۇستەن بۇرىن اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ٴماجىلىسى ٴتوراعالار القاسىنىڭ 4 - رەتكى جيىنىن وتكىزدى.

ٴماجىلىس ٴتوراعالار القاسىنىڭ تۇراقتى ٴتوراعاسى چيۋ شۋحۋا جيىندى باسقاردى. تۇراقتى ٴتوراعالارى جاۋ تيانجيە، نياز اشىم، ۋي جيانگو، جاڭ يان، ليۋ شينلي، جۋ بين، رازبەك قامزا ۇلى، ٴرازيا ابليز، سۇن پىڭ جانە ٴتوراعالار القاسىنىڭ باسقا دا مۇشەلەرى جيىنعا قاتىناستى.

جيىندا ٴماجىلىس حاتشىلار باسقارماسىنىڭ ۋاكىلدەر ۇيىرمەلەرىنىڭ ٴار قايسى مىندەت ورنى كانديداتتارى ۇسىنىستىق ەسىمدىگىن اقىلداسۋ، تالقىلاۋ، كورسەتۋ احۋالى جونىندەگى دوكلادى تىڭدالىپ، جالپى ماجىلىستە سايلاۋعا ۇسىنۋ ۇيعارىلدى؛ ٴماجىلىس حاتشىلار باسقارماسىنىڭ ۋاكىلدەردىڭ اۆتونوميالى وبلىستىق حالىق قۇرىلتايىنىڭ، سوت مەكەمەسىنىڭ، پروكۋراتۋرانىڭ قىزمەت بايانداماسىن قاراۋ جاعدايى جونىندەگى دوكلادى تىڭدالدى؛ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، سوت مەكەمەسىنىڭ، پروكۋراتۋرانىڭ قىزمەت بايانداماسى جونىندەگى قاۋلىلار (جوبا نۇسقا) قارالىپ، ماقۇلدانىپ، ٴتۇرلى قاۋلىلاردى (جوبا نۇسقا) ٴارقايسى ۋاكىلدەر ۇيىرمەسىنىڭ قاراۋىنا ۇسىنۋ ۇيعارىلدى.

جيىندا زاڭ - ٴتۇزىم كوميتەتىنىڭ «ىلە قازاق اۆتونوميالى وبلىسىنىڭ <جۇڭحۋا حالىق رەسپۋبليكاسىنىڭ ۇيلەنۋ زاڭىن> اتقارۋ جونىندەگى قوسىمشا بەلگىلەمەسى (وزگەرىس ەنگىزىلگەن نۇسقاسى)»، «ىلە قازاق اۆتونوميالى وبلىسىنىڭ ارناۋلى ەرەجە جاساۋ ٴتارتىبى جونىندەگى بەلگىلەمەسى»، «ىلە اڭعارىنداعى شينجياڭ قوڭىر ارا بايلىعىن قورعاۋ ەرەجەسى» سياقتى جەرگىلىكتى 3 زاڭ - ەرەجەنى (ارناۋلى ەرەجە) كۇشىنەن قالدىرۋ جونىندەگى كەڭەس جوباسىنىڭ تۇسىنىگى تىڭدالدى؛ «ىلە قازاق اۆتونوميالى وبلىسىنىڭ ارناۋلى ەرەجە جاساۋ ٴتارتىبى جونىندەگى بەلگىلەمەسى» سياقتى جەرگىلىكتى 3 زاڭ - ەرەجەنى (ارناۋلى ەرەجە) كۇشىنەن قالدىرۋ جونىندەگى ۇيعارىم (جوبا نۇسقا) قاراپ ماقۇلداندى ٴارى ٴارقايسى ۋاكىلدەر ۇيىرمەسىنىڭ قاراۋىنا ۇسىنۋ ۇيعارىلدى.

ماجىلىستە تاعى اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ماجىلىسىندە ۋاكىلدەر ورتاعا قويعان كەڭەس جوبالارىن تەكسەرۋ دوكلادى تىڭدالدى جانە قارالىپ ماقۇلداندى.