باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
اۋىل - قىستاق ەلەكتروندىق ساۋداسىن اۋىل - قىستاقتى كوركەيتۋدىڭ جاڭا قوزعالتقىشىنا اينالدىرۋ كەرەك
2022-02-14 11:31:11     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

لۋ جۇڭ، لي يافىڭ (ٴوز تىلشىلەرىمىز)


2021 - جىلى 2 - ايدا «2021 - جىلعى جۇڭگو اۋدان وڭىرلەرىنىڭ ەلەكتروندىق ساۋدا باسەكەلىك قۋاتىنداعى 100 مىقتىنىڭ تىزىمدىگى» جاريالانىپ، شينجياڭ بويىنشا 2 قالا قاتاردان ورىن الدى، مۇنىڭ ىشىندە تەكەس اۋدانى تىزىمدىككە ٴىلىنىپ، 58 - ورىندى يەلەگەن. 

ۇعىسۋعا قاراعاندا، قازىر وبلىس بويىنشا 908 اۋىل - قالاشىقتا (قىستاق) ەلەكتروندىق ساۋدا ىستەرىنە قىزمەت وتەۋ پۋنكتى قۇرىلعان، مۇنىڭ ىشىندە وبلىسقا توتە قاراستى ورىنداردا 353 پۋنكت، تارباعاتاي ايماعىندا 392 پۋنكت، التاي ايماعىندا 163 پۋنكت بار، اۋىل - قالاشىق جەدەل جولداما توراپ ٴتۇيىنىنىڭ جالپىلاسۋ مولشەرى %100 كە جەتىپ، اۋىل - قىستاق ەكونوميكاسىنىڭ ومىرشەڭدىك قۋاتى مەن دامۋ تەبىنى ۇزدىكسىز ارتتى.

وبلىستىق حالىق قۇرىلتايىنىڭ ۋاكىلى گۇلميرا سارسەنباي قىزى − تەكەس اۋدانى ناز مادەنيەت مەديا شەكتى سەرىكتەستىگىنىڭ جاۋاپتىسى، سەرىكتەستىك نەگىزىنەن از ۇلت قولونەر بۇيىمدارىن مانەرلەۋمەن شۇعىلدانادى. بۇل سەرىكتەستىك ٴدال وسى ەلەكتروندىق ساۋدا تەكشەسىنىڭ جەلىدەگى جانە جەلىدەن تىسقى ۇلگىسى ارقىلى قولونەر بۇيىمدارىنىڭ ساتىلۋ سوماسىن ميلليون يۋاننان اسىرىپ، ٴداستۇرلى قولونەر بۇيىمدارىن بۇكىل ەلگە بەت الدىرىپ، قاراستى وڭىردەگى 50 نەشە ايەلدى ورنىقتى جۇمىستاندىرعان. 

ۇكىمەت قىزمەتىنەن باياندامادا مىنالار العا قويىلدى: قالا - اۋىل تۇتىنۋ تورابىن كەمەلدەندىرىپ، ەرەكشە ساۋدا شەڭبەرى مەن ەرەكشە كوشە رايونىن دامىتىپ، قالا - اۋىل ساۋدا توراپ تۇيىندەرىنىڭ ورنالاسۋىن ساپالىلاندىرىپ، اۋىل - قىستاق زات اينالىمى جۇيەسى قۇرىلىسىن جەدەلدەتىپ، قالا - اۋىل زات جەتكىزۋىنىڭ «ەڭ سوڭعى ٴبىر شاقىرىمىن» اشۋ كەرەك. بۇل گۇلميرانىڭ كاسىپورىننىڭ بولاشاعىنا دەگەن سەنىمى مەن ٴۇمىتىن ونان ارى كۇشەيتتى.

«كاسىپورنىمىز اۆتونوميالى وبلىستىڭ ەلەكتروندىق ساۋدا قۇرىلىسىن سۇيەمەلدەۋ ورايىن مىقتى يگەرىپ، ٴوندىرۋ، ساتۋ، زەرتتەۋ ٴبىر تۇلعالانعان دامۋ ۇلگىسىن ورناتۋ ارقىلى ماركا جالپىلاستىرۋ ستراتەگياسىن كۇش سالا اتقارىپ، ٴداستۇرلى ەرەكشە ونىمدەردى ينتەرنەتكە سۇيەنىپ وركەندەتەدى» دەدى گۇلميرا. 

اۋىل - قىستاق ەلەكتروندىق ساۋداسىن قايتكەندە اۋىل - قىستاقتى كوركەيتۋدىڭ جاڭا قوزعالتقىشىنا اينالدىرۋعا بولادى؟ بۇل جونىندە گۇلميرا مىناداي ۇسىنىس بەردى: «قازىرگى تەكشەدەن جانە ساياساتتان ويداعىداي پايدالانىپ، ەرەكشە اۋىل شارۋاشىلىق ونىمدەرىنىڭ ەلەكتروندىق ساۋدا تەكشەسى، كاسىپ سالاسى شوعىرلانعان وڭىرلەردىڭ زات اينالىمى، جەتكىزۋ سياقتى تەكشەلەرىنىڭ دامۋىن جەدەلدەتىپ، ۇكىمەتتىڭ جەتەكشىلىك رولىن تولىق ساۋلەلەندىرىپ، قاراجاتپەن قامتاماسىز ەتۋ، ەلەكتروندىق ساۋدانى جەتىلدىرۋ، قارىز ارقىلى سۇيەمەلدەۋ، ورتا ازىرلەۋ سياقتى جاقتاردا سايكەستى سۇيەمەلدەۋ ساياساتتارىن شىعارۋ كەرەك. سونىمەن بىرگە، ەلەكتروندىق ساۋدا دارىندىلارىن جەتىلدىرۋ تەبىنىن ارتتىرىپ، ەلەكتروندىق ساۋدا كاسىپورىندارى اراسىنداعى بايلىقتان ورتاق يگىلىكتەنۋدى، سەلبەستىك پەن اۋىس - كۇيىستى كۇشەيتىپ، دامۋدىڭ بىرىككەن كۇشىن قالىپتاستىرۋ كەرەك». 

ساياسي كەڭەستىڭ مۇشەسى ابدىمانەن احىمەتقالي ۇلى مىنانى ۇسىنىس ەتتى: ەڭ جوعارى دەڭگەيدە جوبالاۋ مەن كۇشتى ٴبىر تۇتاس جوسپارلاۋدى كۇشەيتىپ، جاستاردىڭ ەلەكتروندىق ساۋدا ارقىلى يگىلىك جاراتۋ ساياساتىن ٴبىر تۇتاس جوسپارلاۋدى اۆتونوميالى وبلىس دەڭگەيىندە كۇشەيتىپ، كاسىپ سالاسىنىڭ ورنالاسۋىن كەمەلدەندىرىپ، ٴار دارەجەلى ورىندار، تاراۋلار بار كۇشپەن قولداپ، بىرىككەن كۇش قالىپتاستىرىپ، ەلەكتروندىق ساۋدا جالپىلىق قىزمەت وتەۋ تەكشەسىن جەدەل كەمەلدەندىرىپ، اۋىل - قىستاقتى گۇلدەندىرۋ مەن ەلەكتروندىق ساۋدا ارقىلى يگىلىك جاراتۋ ساياساتىن ۇشتاستىرۋدى ويداعىداي ىستەپ، ەلەكتروندىق ساۋدانىڭ دامۋىن ىلگەرىلەتەتىن تاراۋلاردىڭ بىرىككەن كۇشىن قالىپتاستىرۋ كەرەك. ساياسات، قارجى جاعىنان قولداۋ تەبىنىن ارتتىرىپ، قاتىستى تاراۋلار مەن فينانس قۇرىلىمدارىنىڭ كوپ ساتىلى، كوپ نەگىزدى فينانستىق قولداۋ ٴتاسىلىن ورتاعا قويۋىن ىلگەرىلەتىپ، جاستاردىڭ ەلەكتروندىق ساۋداداعى «العاشقى قارىز اقشانى الۋى قيىن بولۋ» ماسەلەسىن ٴتۇيىندى تۇردە شەشۋ كەرەك. ەلەكتروندىق ساۋدامەن شۇعىلدانۋشى جاستاردىڭ كاسىپتى اۋىل شارۋاشىلىعى، اۋىل - قىستاق، شارۋالار سالاسىنا قاراي كەڭەيتۋىنە جەتەكشىلىك ەتۋ ٴۇشىن اۋىل شارۋاشىلىعىنىڭ ماۋسىمدىق سيپاتى كۇشتى، قارجى سۇرانىمى مەزگىلدىك بولۋ ەرەكشەلىگىن تولىق ەسكەرىپ، اۋىل شارۋاشىلىق ونىمدەرى ەلەكتروندىق ساۋداسىن ارناۋلى سۇيەمەلدەۋ قورىن قۇرۋ جونىندە ىزدەنىس جاساۋ كەرەك. زات اينالىمى ارناسىن ونان ارى ىركىلىسسىزدەندىرىپ، زات اينالىمىن، توراپتى نەگىزگى ساتىعا قاراي كەڭەيۋگە جەتەكتەپ، جاستاردىڭ يگىلىك جاراتۋداعى العاشقى قادامى وڭاي بولۋ، بۇقارا جالپىلىق قاجەتسىنۋ، اسىرەسە، ەگىنشى - مالشىلاردى كىرىستى ارتتىرىپ، اۋقاتتانۋعا باستاۋ ابزالدىقتارى بار ەرەكشە اۋىل شارۋاشىلىق ونىمدەرى ەلەكتروندىق ساۋداسىنا قاراتا سالىقتى، اقىنى ازايتۋ، كەشىرىم ەتۋ، قوسىمشا قاراجات بەرۋ سياقتى ساياساتتار ارقىلى بەلگىلى قولداۋ كورسەتۋ كەرەك. التاي ايماعىنىڭ زات اينالىمى وزىندىك قۇنىنىڭ ٴبىرشاما جوعارى بولۋ رەالدىعىن كوزدە ۇستاي وتىرىپ، زات اينالىمى ارناسىن ىركىلىسسىزدەندىرۋگە جەتەكشىلىك ەتۋگە ٴارى بايلىقتى بىرىكتىرىپ، جەتكىزۋ ونىمدىلىگىن جوعارىلاتىپ، ەلەكتروندىق ساۋدا مەن زات اينالىمى كاسىپورىندارىنىڭ تەڭ يگىلىككە كەنەلۋىن جۇزەگە اسىرۋعا بولادى، سونداي - اق جاعدايعا قاراي بەلگىلى زات اينالىمى قوسىمشا قاراجاتىن بەرىپ، شابىتتاندىرۋ بەتالىسىن قالىپتاستىرۋعا بولادى. جاس ەلەكتروندىق ساۋدا دارىندىلارىن جەتىلدىرۋدى كۇشەيتىپ، ساياساتتىق بەيىمدەلۋ ارقىلى تاربيەلەۋدى كۇشەيتىپ، جوعارى ساپالى ەلەكتروندىق ساۋدا دارىندىلارىن باۋراپ، جەرگىلىكتى جاستاردىڭ ەلەكتروندىق ساۋدا ىستەرىنىڭ سەركەسى بولىپ، باستاماشىلىق ەتۋ، جەتەكتەۋ رولىن ساۋلەلەندىرۋ كەرەك. 

 2021 - جىلى قورعاس شەكارا اتتاعان ەلەكتروندىق ساۋدا تاۋارلارى سەلبەستىك ورتالىعىنىڭ «اۋە - قۇرلىق كوپىرى» ارقىلى جيىنى ٴبىر مىڭ 465 تيەۋىش قوراپتى تاۋار ەكسپورت ەتىلدى، ەكسپورت ەتىلگەن زاتتاردىڭ تالون سانى 59 ميلليون 860 مىڭ، ەكسپورت سوماسى ٴبىر ميلليارد 690 ميلليون يۋان بولدى.

وبلىستىق ساياسي كەڭەستىڭ مۇشەسى جاڭ حۇڭپيڭ بىلاي دەدى: «ىلە مەن ورتا ازيا ەكونوميكاسىنىڭ ٴبىرىن - ٴبىرى تولىقتاۋ سيپاتى وتە كۇشتى، شەكارا وتكەلىنىڭ ابزالدىعىنا سۇيەنىپ، ىلە <ٴبىر بەلدەۋ، ٴبىر جول> قۇرىلىسى ورايىن مىقتى يگەرىپ، سىرتقا باعىتتالعان ەكونوميكانى، جەمىس - جيدەك، كوكونىس سياقتى كوپتەگەن ونىمدەردىڭ ورتا ازيا، ەۆروپا بازارىنا ساتىلۋىن زور كۇشپەن دامىتتى. شەكارا اتتاعان ەلەكتروندىق ساۋدانىڭ دامۋىنا ۇكىمەت ساياساتتىق قولداۋ كورسەتىپ جانە بەيىمدەلىپ، قازىنا، باجى، فينانس جاعىنداعى ساياساتتىق قولداۋدى كۇشەيتىپ، شەكارا اتتاعان ەلەكتروندىق ساۋدانىڭ دامۋىن ىلگەرىلەتىپ، شەكارا اتتاعان ەلەكتروندىق ساۋدادان ۇلگى كورسەتۋ سىناق ٴتۇيىنى قالاسىن قۇرۋعا قۇلشىنۋ كەرەك. سونىمەن بىرگە، سىرتقى ساۋدا جاڭا كاسىپ كۇيىنىڭ دامۋىنا ونان ارى دەم بەرىپ، شەتەلدەگى قامبالار مەن شەكارا سىرتىنداعى ساۋدا ورىندارىن قۇرۋ ۇلگىسىن ورناتىپ، شەتەل سەلبەستىك ساۋدا ورىندارىمەن ينفورماتسيا جانە ساۋدا بايلانىسىن جۇرگىزۋ كەرەك. دارىندىلاردى جەتىلدىرۋگە ٴمان بەرىپ، تاربيەلەۋ ۇلگىسىندە جاڭالىق اشىپ، شەكارا اتتاعان دارىندىلارعا قىزمەت وتەۋ تەكشەسىمەن، ەل ٴىشى - سىرتىنداعى جوعارى مەكتەپتەرمەن سەلبەسىپ، ٴوندىرىس پەن وقىتۋدى توعىستىرۋ ۇلگىسىن قالىپتاستىرىپ، وزگە قالا، وڭىرلەرگە سۇيەنىپ كاسىپ جەتىلدىرىپ، ىرگە تەپتىرىپ، شەكارا اتتاعان حالىقارالىق ەلەكتروندىق ساۋدا دارىندىلارىن جەتىلدىرۋ كەرەك».