جاۋاپكەرشىلىگىن ادا ەتكەن ەكى ٴماجىلىستىڭ قىزمەت وتەۋ اترەتى

ۋاڭ ليلي (ٴوزٴتىلشىمىز)

1 - ايدىڭ 3 - كۇنى ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى اشىلعان العاشقى كۇن، الايدا ٴماجىلىستىڭ ينفورماتسيالىق قىسقا حابار گرۋپپاسى، ۇسىنىستىق جوبا گرۋپپاسى 2022 - جىلى 12 - ايدىڭ ورتا شەنىنەن باستاپ ٴماجىلىستىڭ قاتىستى دايىندىق قىزمەتتەرىن ورىستەتكەن ەدى.

سول كۇنى ٴماجىلىستىڭ ينفورماتسيالىق قىسقا حابار گرۋپپاسى مەن ۇسىنىستىق جوبا گرۋپپاسىنداعىلار حابار ينفورماتسيالارىن جۇيەلى رەداكسيالاپ، ۇسىنىستىق جوبالاردى جيناقتادى.

ٴماجىلىستىڭ ينفورماتسيالىق قىسقا حابار گرۋپپاسىندا 22 قىزمەتكەر بار، ولاردىڭ كوپ ساندىسى 90 - جىلدىڭ تۇلەكتەرى بولىپ، وسىنداي كولەمدى ٴماجىلىس ىستەرىنە ٴبىرىنشى رەت قاتىناسىپ وتىر، ولار ىستەي ٴجۇرىپ ۇيرەنۋ پوزيتسياسىمەن ساياسي كەڭەس مۇشەلەرىنىڭ ۇسىنىسىن مۇقيات جيناقتاپ، حابار ينفورماتسيالاردى دەر كەزىندە جازدى. قىزمەتتى ٴونىمدى ورىنداۋعا كەپىلدىك ەتۋ ٴۇشىن، كوپشىلىك ٴار كۇنى ۇستەمە قىزمەت ىستەدى، شارشاپ - شالدىققاندارىنا قاراماي، جاس كادرلاردىڭ جاۋاپكەرشىلىك جانە مىندەت ارقالاۋىن تولىق ايگىلەدى.

ٴماجىلىستىڭ ينفورماتسيالىق قىسقا حابار گرۋپپاسىنىڭ ورىنباسار باستىعى شۇي بين بىلاي دەدى: «2022 - جىلى 12 - ايدىڭ باس شەنىندە ٴبىز ٴماجىلىس كەزىندە ٴماجىلىس ينفورماتسياسىن قالاي رەداكسيالاپ تاراتۋ جوسپارىنا كىرىسىپ، ساياسي كەڭەس مۇشەلەرىنىڭ الىمدى اقىل، كەلەلى كەڭەستەرىنە قىزمەت وتەۋدى قامتاماسىزداندىرۋدى ويداعىداي ىستەدىك، ٴماجىلىس كەزىندە ماجىلىسكە قاتىناسقان مۇشەلەردىڭ پىكىر - ۇسىنىستارىن جيناقتاۋ، رەتتەۋ، رەداكسيالاۋ، سونداي - اق ينفورماتسيالىق قىسقا حابار فورماسىندا جالپى ساياسي كەڭەس مۇشەلەرىنە اڭىس ەتۋ ارقىلى يدەيالىق تانىمدى كەڭ كولەمدە بىرلىككە كەلتىردىك، 1 - ايدىڭ 3 - كۇنىنە دەيىن 8 سان ينفورماتسيالىق قىسقا حاباردى رەداكسيالاپ باسىپ شىعاردىق». 

بيىل كۇيتۇن قالالىق ساياسي كەڭەستەن كەلگەن ۋاڭ مياۋدىڭ ٴماجىلىستىڭ ينفورماتسيالىق قىسقا حابار گرۋپپاسى قىزمەتىنە 5 - رەت قاتىناسۋى، ول: «ٴار رەت ماجىلىسكە قاتىناسىپ، قامتاماسىزداندىرۋ قىزمەتىن وتەگەنىمدە دەرلىك تىڭ ناتيجەگە يە بولامىن، بۇل مەن ٴۇشىن تاپتىرماس ۇيرەنۋ ورايى» دەدى. 

«وسى رەت ٴماجىلىستىڭ ۇسىنىستىق جوبا گرۋپپاسى 30 نەشە كاسىپتىك تىرەكتى كادر شىعارىپ، ۇسىنىستىق جوبالاردى جيناقتاۋ جانە العاشقى تەكسەرۋ قىزمەتتەرىنە قاتىناستىردى، 1 - ايدىڭ 1 - كۇنى تۇستەن بۇرىن بۇل كادرلارعا كاسىپتىك بىلىمدەردەن ارناۋلى كۋرس ۇيىمداستىرىلىپ، قىزمەتكە جابال كىرىسۋدىڭ دايىندىعى ويداعىداي ىستەلدى. جيناقتالعان ۇسىنىستاردى تىزىمگە الۋ، تۇرگە ايىرۋ، العاشقى تەكسەرۋ ارقىلى 1 - ايدىڭ 3 - كۇنى ساعات 19 عا دەيىن جالپى 308 نۇسقا ۇسىنىستىق جوبا تاپسىرىپ الىندى. وسى رەتكى ماجىلىستەگى ۇسىنىستىق جوبانىڭ جالپى تۇلعالىق ساپاسى دەرلىكتەي جوعارى، ۇسىنىستىق جوبا مازمۇنى اۆتونوميالى وبلىستىڭ قوعامدىق، ەكونوميكالىق دامۋىنىڭ ٴتۇرلى جاعىنا سايىپ، ساياسي كەڭەس مۇشەلەرىنىڭ ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ بورىشى مەن جاۋاپكەرلىگى بەينەلەنگەن» دەدى وبلىستىق ساياسي كەڭەس ۇسىنىستىق جوبا كوميسسياسىنىڭ ورىنباسار مەڭگەرۋشىسى جاڭ باۋپيڭ.