اۆتونوميالى  وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى ٴتوراعالار القاسىنىڭ 2 - جيىنىن وتكىزدى

ٴتىلشىمىز كاميلا حالمۇرات حابارلايدى. اۆتونوميالى  وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى 1 - ايدىڭ 5 - كۇنى تۇستەن بۇرىن ٴتوراعالار القاسىنىڭ 2 - جيىنىن وتكىزدى.

ٴتوراعالار القاسىنىڭ تۇراقتى ٴتوراعاسى جاۋ تيانجيە جيىندى باسقاردى. تۇراقتى ٴتوراعالارى ٴرازيا ابليز، اقجول انەش ۇلى، ابليكىم نۇرانبەك، سۇن پىڭ، جاڭارسىن نۇراش ۇلى، دۇڭ شاۋفەي جانە ٴتوراعالار القاسىنىڭ باسقا مۇشەلەرى جيىنعا قاتىناستى. 

جيىن ٴماجىلىس حاتشىلار باسقارماسىنىڭ اۆتونوميالى وبلىستان اۆتونوميالى رايوندىق 14 - كەزەكتى حالىق قۇرىلتايىنا قاتىناساتىن ۋاكىلدەردى سايلاۋ، اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ مۇشەلىگىنە تولىقتىرىلاتىن كانديداتتاردىڭ جاعدايى جونىندەگى تۇسىندىرمەنى تىڭدادى؛ كانديداتتاردىڭ ەسىمدىگىن داۋىسقا سالىپ، ٴارقايسى ۋاكىلدەر ۇيىرمەسىنىڭ اقىلداسۋىنا، تالقىلاۋىنا ۇسىندى؛ ۋاكىلدەردىڭ بىرلەسىپ كانديدات كورسەتۋ ۋاقىتى 2023 - جىلى 1 - ايدىڭ 6 - كۇنى ساعات 18 گە دەيىن بولاتىندىعىن ۇيعاردى. 

جيىن تاعى زاڭ - ٴتۇزىم كوميتەتىنىڭ «ىلە وزەنى الابىندا جەر اشۋدى باسقارۋ ەرەجەسىن» كۇشىنەن قالدىرۋعا ۇسىنۋ جونىندەگى تۇسىندىرمەنى تىڭداپ، «ىلە وزەنى الابىندا جەر اشۋدى باسقارۋ ەرەجەسىن» كۇشىنەن قالدىرۋ جونىندەگى ۇيعارىمدى (جوبا نۇسقا) قاراپ ماقۇلداپ، ٴارقايسى ۋاكىلدەر ۇيىرمەسىنىڭ قاراۋىنا ۇسىندى.