ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى جەڭىسپەن جابىلدى

پۋ شۋەمەي، ەلشات تۇرسىنباي ۇلى، جاۋ تيانجيە، نياز اشىم، حاۋ جيانمين، جۋ بين ماجىلىسكە قاتىناسىپ قۇتتىقتادى

سۋرەتتە: 1 - ايدىڭ 6 - كۇنى تۇستەن كەيىن ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى ٴتۇرلى كۇن تارتىپتەرىن تابىسپەن ورىنداعاننان كەيىن ىلە وبلىستىق مادەنيەت - كوركەمونەر قيمىل ورتالىعىندا جەڭىسپەن جابىلدى.     لاي يۇينيڭ فوتوسى

تىلشىلەرىمىز لۋ جۇڭ، ۋاڭ ليلي حابارلايدى. 4 كۇنگە جالعاسقان ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى ٴتۇرلى كۇن تارتىپتەرىن تابىسپەن ورىنداعاننان كەيىن 1 - ايدىڭ 6 - كۇنى تۇستەن كەيىن ىلە وبلىستىق مادەنيەت - كوركەمونەر قيمىل ورتالىعىندا جەڭىسپەن جابىلدى.

ەڭ الدىمەن ماجىلىستە سايلاۋ وتكىزىلدى. وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ٴتوراعا جياۋ ي - مين ٴماجىلىستى باسقاردى. وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعا سەرجان ۇعىباي ۇلى، وبلىستىق پارتكومنىڭ تۇراقتى مۇشەسى، وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى ٴنابيجان يبىرايىم، وبلىستىق ساياسي كەڭەس باسشىلارىنان لي شينجۇن، گۇلبارشىن سەرىكباي قىزى، نۇراحىمەت زۇنۇن، جوۋ ليشين، چولىم چۇيحۇڭ، اسپيدەن سىمەت ۇلى، كۇڭ ليڭشىڭ ٴتوراعالار مىنبەسىنىڭ الدىڭعى قاتارىنان ورىن الدى.

ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ 2 - ماجىلىسىنە قاتىناسۋعا ٴتيىستى مۇشە 307 ادام، قاتىناسقانى 261 ادام، بۇل بەلگىلەنگەن ادام سانىنا ۇيلەسەدى.

ماجىلىستە «ساياسي كەڭەس ىلە قازاق اۆتونوميالى وبلىستىق 14 -  كەزەكتى كوميتەتى 2 - ٴماجىلىسىنىڭ سايلاۋ ٴادىسى» جانە ساياسي كەڭەس ىلە قازاق اۆتونوميالى وبلىستىق 14 -  كەزەكتى كوميتەتى 2 -ٴماجىلىسىنىڭ باس بەلەت باقىلاۋشىسىنىڭ، بەلەت باقىلاۋشىلارىنىڭ ەسىمدىگى ماقۇلداندى، ٴنابيجان يبىرايىم، زوۋ جىگاڭ ساياسي كەڭەس اۆتونوميالى وبلىستىق 14 - كەزەكتى كوميتەتىنىڭ تۇراقتى مۇشەسى بولىپ سايلاندى. جاڭادان سايلانعان تۇراقتى كوميتەت مۇشەلەرى ساحنا الدىندا مۇشەلەرمەن جۇزدەستى. وسىدان كەيىن جابىلۋ ٴماجىلىسى وتكىزىلدى، پۋ شۋەمەي، ەلشات تۇرسىنباي ۇلى، جاۋ تيانجيە، نياز اشىم، حاۋ جيانمين، جۋ بين، رازبەك قامزا ۇلى، جياۋ شياۋفان، قايرات اشىك ۇلى قاتارلى باسشىلار، تارباعاتاي، التاي ايماقتىق ساياسي كەڭەستىڭ باسشىلارى ٴتوراعالار مىنبەسىنەن ورىن الدى.

ماجىلىسكە قاتىناسقانداردان تاعى ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس تارباعاتاي، التاي ايماقتىق ساياسي كەڭەس قىزمەت كوميتەتى پارتيا باسشىلىق گرۋپپالارىنىڭ شۋجيلەرى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەلەرى جانە ىلەدە تۇراتىن مەملەكەتتىك ساياسي كەڭەستىڭ مۇشەلەرى، قۇلجا قالاسىندا تۇراتىن اۆتونوميالى رايوندىق ساياسي كەڭەستىڭ مۇشەلەرى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىستىق ساياسي كەڭەس ارناۋلى كوميتەتتەرىنىڭ مەڭگەرۋشىلەرى جانە وبلىستىق ٴتارتىپ تەكسەرۋ، باقىلاۋ - تەكسەرۋ كوميتەتىنىڭ وبلىستىق ساياسي كەڭەس ورگانىندا تۇراتىن ٴتارتىپ تەكسەرۋ، باقىلاۋ - تەكسەرۋ گرۋپپاسىنىڭ باستىقتارى؛ ساياسي كەڭەس وبلىستىق 14 - كەزەكتى كوميتەتىنىڭ مۇشەسى ەمەس وبلىسقا توتە قاراستى اۋداندىق، قالالىق ساياسي كەڭەس پارتيا باسشىلىق گرۋپپالارىنىڭ شۋجيلەرى جانە وبلىستىق ساياسي كەڭەسكە قاتىناسۋشى ورىنداردىڭ جاۋاپتىلارى بار.

سەرجان ۇعىباي ۇلى ٴماجىلىستى باسقاردى.

ماجىلىستە ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسى، ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ساياسي كەڭەس وبلىستىق 14 - كەزەكتى كوميتەتى 1 - ٴماجىلىسىنىڭ ۇسىنىس جوبا قىزمەتى جاعدايىنان جاساعان بايانداماسى جونىندەگى قاۋلىسى، ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ساياسي كەڭەس وبلىستىق 14 - كەزەكتى كوميتەتى 2 - ٴماجىلىسىنىڭ ۇسىنىس جوبالارىن تەكسەرۋ جاعدايىنان جاساعان مالىمەتى، ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 2 - ٴماجىلىسىنىڭ ساياسي قاۋلىسى ماقۇلداندى.

سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى تۇراقتى كوميتەتى اتىنان ماجىلىستە پوزيتسيا ٴبىلدىرىپ، ٴسوز سويلەدى. ول بىلاي دەدى: ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتىنىڭ 2 - ٴماجىلىسى — بۇكىل وبلىستا جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسى مەن ورتالىقتىڭ اۋىل - قىستاق قىزمەتى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكوم 3 -، 5 -، 6 -، 7 - جالپى ماجىلىستەرىنىڭ جانە اۆتونوميالى وبلىستىق پارتكوم قىزمەت ٴماجىلىسىنىڭ رۋحىن دايەكتىلەندىرىپ، تياناقتاندىرىپ جاتقان جاعدايدا اشىلعان اسا ماڭىزدى ٴماجىلىس. ٴماجىلىس كەزىندە بارشا ساياسي كەڭەس مۇشەلەرى جالپى جاعدايدى كوكەيدە ساقتايتىن بيىك تۇرعىمەن، دامۋعا دەگەن قويۋ سۇيىسپەنشىلىكپەن، قۇلشىنا ىسكەرلىك كورسەتەتىن تاماشا كۇيمەن شىن نيەتپەن اقتارىلا اقىل قوسىپ، ناقتى شارا ۇسىنىپ، ساياسي كەڭەس مۇشەلەرىنىڭ كۇشتى جاۋاپكەرشىلىگىن كورنەكتىلەندىرىپ، ساياسي كەڭەس قىزمەتىنىڭ جالىندى ومىرشەڭدىك قۋاتىن ايگىلەدى. ٴماجىلىس − ىنتىماقتاسا ەكپىندەي ىلگەرىلەگەن، شىندىققا ۇمتىلىپ، ناقتى ٴىس ىستەگەن، ناتيجەسى قوماقتى بولعان، تۋدى بيىك ۇستاپ، زەيىن - زەردەنى، كۇش - قۋاتتى ۇيىستىرعان ٴبىر رەتكى ٴماجىلىس بولدى. ٴماجىلىستىڭ جەڭىسپەن جابىلۋى بۇكىل وبلىستىڭ بيىلعى ەكونوميكالىق، قوعامدىق دامۋىنىڭ نىسانا - مىندەتتەرىن جۇزەگە اسىرۋ، جوعارى ساپالى دامۋدى ىلگەرىلەتۋ، قوعامنىڭ جاراسىمدىلىعى مەن ورنىقتىلىعىنا دەم بەرۋ جاعىندا سەنىمدى ارتتىرىپ، ورتاق تانىم ۇيىستىرىپ، كۇش - قايراتتى تاسقىنداتتى. وبلىستىق ساياسي كەڭەس وبلىستىق پارتكومنىڭ پارمەندى باسشىلىعىندا، ٴبىر نيەتپەن ىنتىماقتاسىپ، شىنايى يگەرىپ، ناقتى ىستەپ، حالىق ساياسي كەڭەسىنىڭ ارناۋلى كەڭەستىك قۇرىلىم رولىن اناعۇرلىم ويداعىداي ساۋلەلەندىرىپ، ىلەنىڭ جوعارى ساپالى دامۋىنا تىڭ دا زور ۇلەس قوسادى.

ٴماجىلىس ايبىندى مەملەكەت ٴانى ىشىندە جەڭىسپەن جابىلدى.