اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى ٴتوراعالار القاسىنىڭ 3 - رەتكى جيىنىن وتكىزدى

ٴتىلشىمىز كاميلا حالمۇرات حابارلايدى. اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى 1 - ايدىڭ 6 - كۇنى ٴتوراعالار القاسىنىڭ 3 - رەتكى جيىنىن وتكىزدى. 

 ٴتوراعالار القاسىنىڭ تۇراقتى ٴتوراعالارى پۋ شۋەمەي، جاۋ تيانجيە، نياز اشىم، ٴرازيا ابليز، اقجول انەش ۇلى، ابليكىم نۇرانبەك، سۇن پىڭ، جاڭارسىن نۇراش ۇلى، دۇڭ شاۋفەي جانە ٴتوراعالار القاسىنىڭ باسقا مۇشەلەرى جيىنعا قاتىناستى.  جيىندى نياز اشىم باسقاردى.

 جيىن ٴماجىلىس حاتشىلار باسقارماسىنىڭ ۋاكىلدەردىڭ ۇكىمەت قىزمەتىنەن بايانداما مەن جوسپاردى، مەجە ەسەپ بايانداماسىن (جوبا نۇسقا) قاراۋ احۋالى جونىندەگى مالىمەتتى تىڭدادى؛ جوسپاردى تەكسەرۋ مالىمەتى مەن مەجە ەسەپتى تەكسەرۋ مالىمەتىن (جوبا نۇسقا) تىڭدادى جانە قاراپ ماقۇلدادى؛ ۇكىمەت قىزمەتىنەن بايانداما جونىندەگى قاۋلىنى (جوبا نۇسقا)، 2022 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جونىندەگى مالىمەتىن جانە 2023 - جىلعى اۆتونوميالى وبلىستىڭ حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى (جوبا نۇسقا)، 2022 - جىلعى اۆتونوميالى وبلىستىڭ قازىنا مەجە ەسەبىنىڭ اتقارىلۋ جاعدايى جانە اۆتونوميالى وبلىستىڭ 2023 - جىلعى قازىنا مەجە ەسەبى جونىندەگى قاۋلىنى (جوبا نۇسقا) قاراپ ماقۇلدادى، سونداي - اق ٴتۇرلى قاۋلىلاردى (جوبا) ٴارقايسى ۋاكىلدەر ۇيىرمەسىنىڭ قاراۋىنا تاپسىرۋدى ۇيعاردى.

جيىن تاعى زاڭ - ٴتۇزىم كوميتەتىنىڭ ۋاكىلدەردىڭ «ىلە وزەنى الابىندا جەر اشۋدى باسقارۋ ەرەجەسىن» كۇشىنەن قالدىرۋ جونىندەگى ۇيعارىمدى (جوبا نۇسقا) قاراۋ جاعدايى جونىندەگى مالىمەتتى تىڭداپ، ماجىلىسكە داۋىسقا سالۋعا تاپسىرۋدى ۇيعاردى.