اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى ٴتوراعالار القاسىنىڭ 4 - رەتكى جيىنىن وتكىزدى  

ٴتىلشىمىز كاميلا حالمۇرات حابارلايدى. اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ٴماجىلىسى 1 - ايدىڭ 6 - كۇنى ٴتوراعالار القاسىنىڭ 4 - رەتكى جيىنىن وتكىزدى.

 ٴتوراعالار القاسىنىڭ تۇراقتى ٴتوراعالارى پۋ شۋەمەي، جاۋ تيانجيە، نياز اشىم، ٴرازيا ابليز، اقجول انەش ۇلى، ابليكىم نۇرانبەك، سۇن پىڭ، جاڭارسىن نۇراش ۇلى، دۇڭ شاۋفەي جانە ٴتوراعالار القاسىنىڭ باسقا مۇشەلەرى جينعا قاتىناستى.  جيىندى نياز اشىم باسقاردى.

 جيىن ٴماجىلىس حاتشىلار باسقارماسىنىڭ ۋاكىلدەردىڭ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، سوت مەكەمەسىنىڭ، پروكۋراتۋرانىڭ قىزمەت بايانداماسىن قاراۋ جاعدايى جونىندەگى مالىمەتتى تىڭدادى؛ اۆتونوميالى وبلىستىق حالىق قۇرىلتايى تۇراقتى كوميتەتىنىڭ، سوت مەكەمەسىنىڭ، پروكۋراتۋرانىڭ قىزمەت بايانداماسى جونىندەگى قاۋلىلاردى (جوبا نۇسقا) قاراپ ماقۇلداپ، ٴارقايسى ۋاكىلدەر ۇيىرمەسىنىڭ قاراۋىنا ۇسىنۋدى ۇيعاردى؛ اۆتونوميالى وبلىستىق 15 - كەزەكتى حالىق قۇرىلتايى 2 - ٴماجىلىسى ۋاكىلدەردىڭ كەڭەس جوباسىن تەكسەرۋ مالىمەتىن تىڭدادى جانە قاراپ ماقۇلدادى.

جيىن تاعى ٴماجىلىس حاتشىلار باسقارماسىنىڭ ٴارقايسى ۋاكىلدەر ۇيىرمەسىنىڭ ٴارقايسى كانديداتتاردى اقىلداسۋ، تالقىلاۋ، كورسەتۋ جاعدايى جونىندەگى مالىمەتىن تىڭداپ، ٴارقايسى رەسمي كانديداتتاردىڭ ەسىمدىگىن تۇراقتاندىرىپ، جالپى ماجىلىستە سايلاۋعا ۇسىنۋدى ۇيعاردى.