2023 - جىلى 1 - ماۋسىمداعى ىلە وبلىسىنىڭ كەلەلى نىساندارىندا شوعىرلى جۇمىس باستالدى، جۇمىس قالپىنا كەلتىرىلدى
ىلە ەكونوميكاسىنىڭ جوعارى ساپالى دامۋىنا پارمەندى قوزعاۋشى كۇش ۇستەدى
تىلشىلەرىمىز حۋاڭ جيڭ، جاڭ چيڭحۋا، ما چىڭلۋ، لۋ جۇڭ، لي يافىڭ، شۇي جيەجى حابارلايدى. 3 ـ ايدىڭ 7 ـ كۇنى 2023 ـ جىلى 1 ـ ماۋسىمداعى ىلە وبلىسىنىڭ كەلەلى نىساندارىندا شوعىرلى جۇمىس باستاۋ، جۇمىستى قالپىنا كەلتىرۋ سالتى قورعاس ەكونوميكالىق اشۋ رايونىنىڭ وڭتۇستىك كاسىپ باقشاسىندا وتكىزىلىپ، ىلەنىڭ قاۋىرت ەسىك اشۋ، قاۋىرت دامۋ، كەڭ كولەمدى قۇرىلىس جۇرگىزۋ دابىلىن قاعىپ، ەكونوميكانىڭ جوعارى ساپالى دامۋىن جەدەلدەتىپ، كوركەم ىلە قۇرۋعا بەرىك نەگىز قالادى.
ىلە وبلىستىق پارتكومنىڭ شۋجيى ياڭ شيۋلي قورعاس ەكونوميكالىق اشۋ رايونىنداعى نەگىزگى ٴماجىلىس الاڭىندا جۇمىس باستاۋ، جۇمىستى قالپىنا كەلتىرۋ سالتىنا قاتىناستى ٴارى 2023 - جىلى 1 - ماۋسىمدا ىلە وبلىسىنداعى كەلەلى نىساندار شوعىرلى جۇمىس باستاپ، جۇمىستى قالپىنا كەلتىرگەندىگىن جاريالادى؛ ىلە وبلىستىق پارتكومنىڭ ورىنباسار شۋجيى، قورعاس قالالىق پارتكومنىڭ شۋجيى حاۋ جيانمين ٴسوز سويلەدى؛ ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى جۋ بين جۇمىس باستاۋ، جۇمىستى قالپىنا كەلتىرۋ سالتىن باسقاردى؛ ىلە وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى سۇن حۇي جۇمىس باستاۋ، جۇمىستى قالپىنا كەلتىرۋ سالتىنا قاتىناستى.
بيىل ىلە وبلىسىنا توتە قاراستى ورىندار 5 ميلليون يۋاننان جوعارى 998 نىساندى اتقارىپ، جالپى 284 ميلليارد 600 ميلليون يۋان قارجى قوسۋدى، جىل سوڭىنا دەيىن 101 ميلليارد 600 ميلليون يۋان قارجى قوسۋدى جوسپارلادى، مۇنىڭ ىشىندە 298 جالعاستى سالىناتىن، 325 جاڭادان سالىناتىن، 375 زاپاس، كادەگە جاراتۋ نىسانى بار.
سول كۇنى ىلە وبلىسىنا توتە قاراستى اۋدان - قالالاردا 2023 - جىلى 1 - ماۋسىمداعى كەلەلى نىسانداردا شوعىرلى جۇمىس باستاۋ، جۇمىستى قالپىنا كەلتىرۋ سالتى ٴبىر ۋاقىتتا وتكىزىلدى، وسى رەتكى شوعىرلى جۇمىس باستاعان، جۇمىسى قالپىنا كەلتىرىلگەن 416 نىسان قاتىناس نەگىزدىك قۇرىلعىلارى، اۋىل شارۋاشىلىعى، ورمان شارۋاشىلىعى، سۋ يگىلىگى، ەنەرگيا، حالىق تۇرمىسى، ەكولوگيالىق ورتانى قورعاۋ، كەلەلى كاسىپ سالاسى سياقتىلاردى قامتىپ، 1 - ماۋسىمدا 3 ميلليارد 960 ميلليون يۋان قارجى قوسۋ جوسپارلاندى، مۇنىڭ ىشىندە ٴجۇز ميلليون يۋاننان جوعارى قارجى قوسىلاتىن 256 نىسان بار.
ىلە وبلىسىنا توتە قاراستى اۋدان - قالالاردىڭ 2023 - جىلى 1 - ماۋسىمداعى كەلەلى نىسانداردا شوعىرلى جۇمىس باستاۋ، جۇمىستى قالپىنا كەلتىرۋ سالتىن ٴبىر ۋاقىتتا وتكىزۋى − ىلە وبلىستىق پارتكوم مەن ۇكىمەتتىڭ پارتيا 20 - قۇرىلتايىنىڭ رۋحىن، باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ جانە ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي دايەكتىلەندىرۋ، تياناقتاندىرۋداعى ماڭىزدى شاراسى، اۆتونوميالى رايوندىق 10 - كەزەكتى پارتكوم جەتىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىقتىڭ پايداسىن، ساياساتتىڭ پايداسىن جاپپاي جارىققا شىعارىپ، جوعارى ساپالى دامۋدى جەدەلدەتىپ، 1 - ماۋسىمدا «جاقسى باستاما اشۋدى» جۇزەگە اسىرۋداعى ناقتى ارەكەتى.
ۇعىسۋىمىزشا، ىلە وبلىسى 1 - ماۋسىمدا يتاي ىلە كەن كاسىبىنىڭ 4 ميلليون 500 مىڭ توننالىق كومىر كەنى سياقتى نىسانداردا جاڭادان قۇرىلىس جۇمىسىن باستاعان؛ قۇلجا كەن رايونى سولتۇستىك ٴوڭىر 7 - ٴنومىرلى كەن قۇدىعىنىڭ جىلدىق ٴوندىرىسى 3 ميلليون توننالىق ٴبىرىنشى مەرزىمدىك كەلەلى بەلگى سيپاتتى نىسانداردا قۇرىلىس جۇمىسىن قالپىنا كەلتىرگەن؛ G577 لەنياسىنداعى موڭعۇلكۇرە - مۇزارت نىسانىنىڭ الدىڭعى مەرزىمدىك قىزمەتىن ورنىقتى ىلگەرىلەتكەن؛ G577 لەنياسىنداعى جىڭ - قۇلجا سياقتى جالعاستى سالىناتىن نىسانداردى جەدەل ىلگەرىلەتكەن. وسى توپتاعى نىسانداردىڭ ٴساتتى جۇمىس باستاۋى كاسىپ سالاسى قۇرىلىمىن اناعۇرلىم ساپالىلاندىرىپ، دامۋ نەگىزىن بەكەمدەپ، ەكونوميكانىڭ جالپى مولشەرىن زورايتىپ، بۇقارانىڭ ٴوندىرىس - تۇرمىس دەڭگەيىن جوعارىلاتۋدا ماڭىزدى جەبەۋ رولىن اتقارىپ، ىلە ەكونوميكاسىنىڭ جوعارى ساپالى دامۋىنا پارمەندى قوزعاۋشى كۇش قوساتىنى داۋسىز.
حاڭتيان (شينجياڭ) عىلىم - تەحنيكا زەرتتەۋ ورنى شەكتى سەرىكتەستىگىنىڭ جاۋاپتىسى دۋ حايتاۋ جۇمىس باستاۋ، جۇمىستى قالپىنا كەلتىرۋ سالتىندا مىنانى ٴبىلدىردى: ىلەنىڭ شوعىرلى بايلىعى، ابزال ەكولوگياسى، وڭىرلىك ساياسات باسىمدىعى قاباتتاسقان، بۇل كاسىپورىنداردىڭ بۇدان كەيىنگى دامۋىنا ٴتيىمدى. سەرىكتەستىگىمىز تەحنيكالىق زەرتتەۋ مەن ونىمدەردى وندىرۋگە دەن قويىپ، ەل ٴىشى جانە حالىقارالىق بازاردى بەلسەنە كەڭەيتىپ، حاڭتيان كاسىپ سالاسى باقشا رايونى قۇرىلىسىن مىقتى يگەرىپ، ونى شينجياڭنىڭ سيفرلى ەكونوميكاسىن دامىتۋداعى جەتەكشى رايونعا، ىلە وبلىسىنىڭ جوعارى، جاڭا تەحنيكا كاسىپ سالاسىنداعى بەلگى رايونعا، قورعاستىڭ نىسان قۇرىلىسىنداعى كورسەتكىش رايونعا اينالدىرىپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىنا تىڭ دا اناعۇرلىم زور ۇلەس قوسادى.
جۇمىس باستاۋ، جۇمىستى قالپىنا كەلتىرۋ سالتىنا قاتىناسقان باسشىلار ٴتۇيىندى نىسانداردا جۇمىسىن باستاۋ، قالپىنا كەلتىرۋدىڭ ىرگە تاسىن قالادى.
ىلە وبلىسىنداعى قاتىستى تاراۋلاردىڭ جاۋاپتىلارى، قورعاس قالاسىنىڭ باسشىلارى جانە قاتىستى تاراۋلاردىڭ جاۋاپتىلارى، شوعىرلى جۇمىس باستاعان، جۇمىستى قالپىنا كەلتىرگەن نىسانداردىڭ جاۋاپتىلارى، سونداي - اق قىزمەتكەر ۋاكىلدەرى قورعاس نەگىزى ٴماجىلىس الاڭىندا جۇمىس باستاۋ، جۇمىستى قالپىنا كەلتىرۋ سالتىنا قاتىناستى.
3 - ايدىڭ 7 - كۇنى ىلە وبلىستىق پارتكومنىڭ شۋجيى ياڭ شيۋلي قورعاس ەكونوميكالىق اشۋ رايونى نەگىزگى ٴماجىلىس الاڭىندا جۇمىس باستاۋ، جۇمىستى قالپىنا كەلتىرۋ سالتىنا قاتىناستى. جاڭ چيڭحۋا فوتوسى