”بۇكىل ەلدە ارالاپ قىزمەتكەر قابىلداۋ جينالىسىنىڭ“ شينجياڭ ايالداماسىنداعى ارناۋلى قيمىلدا

وبلىسقا توتە قاراستى ورىندارداعى كاسىپورىندار مىڭعا جۋىق قىزمەت ورنىمەن قامداپ، مەكتەپ بىتىرگەن وقۋشىلاردىڭ جۇمىستانۋىنا دەم بەردى

ٴتىلشىمىز حان شاشا، ەرىكتى ٴتىلشى ۋاڭ شىڭساي حابارلايدى. 3 - ايدىڭ 28 - كۇنى ٴتىلشىنىڭ ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ۇعىسۋىنشا، 2023 - جىلى جوعارى مەكتەپ بىتىرەتىن وقۋشىلارعا، بۇرىن جوعارى مەكتەپ ٴبىتىرىپ جۇمىستانباعان وقۋشىلارعا جانە ادام ىستەتۋشى ورىندارعا قامداۋ - قاجەتسىنۋ جاعىنان قىزمەت وتەۋ تۇعىرىن قۇرۋ ٴۇشىن، وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىمەن، اۆتونوميالى رايوندىق الەۋمەتتىك جۇمىستانۋعا قىزمەت وتەۋ ورتالىعىمەن، اۆتونوميالى رايوندىق وقۋ - اعارتۋ مەڭگەرمەسىمەن جانە اۆتونوميالى رايونداعى جوعارى مەكتەپتەرمەن بەلسەنە ۇشتاسىپ، 3 - ايدىڭ 25 - كۇنىنەن باستاپ شينۋىن كەن كاسىبى، تيانميان توقىماشىلىعى، گۋانتۇڭ بيولوگياسى سياقتى ىلە وبلىسىنا توتە قاراستى ورىندارداعى ٴتۇيىندى كاسىپورىنداردى ”بۇكىل ەلدە ارالاپ قىزمەتكەر قابىلداۋ جينالىسىنىڭ“ شينجياڭ ايالداماسىنداعى ارناۋلى قيمىلعا قاتىناسۋعا ىركەس - تىركەس ۇيىمداستىرعان.

”بۇكىل ەلدە ارالاپ قىزمەتكەر قابىلداۋ جينالىسى“ نەگىزىنەن جوعارى مەكتەپ بىتىرگەن وقۋشىلار شوعىرىنا باعىتتالعان، جۇمىس ورنى سايكەسىمدىلىگىن جوعارىلاتۋ ٴۇشىن، وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى الەۋمەتتىك جۇمىستانۋعا قىزمەت وتەۋدىڭ ساپالى بايلىعىنان تولىق پايدالانىپ، وبلىسقا توتە قاراستى ورىندارداعى تاراۋلارمەن، كاسىپتەرمەن جانە جوعارى مەكتەپتەرمەن سايكەسىپ، وقۋشىلارعا كاسىبىنە قاراي جۇمىس ورنىن تانىستىرىپ، كاسىپورىنداردى سۇرىپتاۋ جاعىندا دالمە - ٴدال، ەگجەي - تەگجەيلى ىستەپ، ادامداردى ۇيىمداستىرۋ جاعىندا كەڭ كولەمدە جۇمىلدىرىپ، ۇگىتتەۋ، جالپىلاستىرۋ جاعىندا جان - جاقتى، ٴونىمدى جۇمىس ىستەپ، قىزمەتكەر قابىلداۋ، قىزمەت وتەۋ جاعىندا كاسىپتىك جاقتان جەتەكشىلىك ەتىپ، باعىتتامالىلىعى كۇشتى، جوعارى مەكتەپ بىتىرگەن وقۋشىلارعا ۇيلەسەتىن ٴبىر توپ ساپالى جۇمىس ورنىن ازىرلەدى، جۇمىس ىزدەۋ، جۇمىسقا قابىلداۋ الاڭى ٴار كەزەكتى جوعارى مەكتەپ بىتىرگەن كوپتەگەن وقۋشىلاردى قاتىناسۋعا باۋرادى.

”جينالىسقا قاتىناسقان ٴبىرىنشى توپتاعى وبلىسقا توتە قاراستى ورىندارداعى 18 ساپالى كاسىپورىن مىڭعا جۋىق جۇمىس ورنىمەن قامدادى، بۇل حيميا ونەركاسىبى، توقىماشىلىق، بولات - تەمىر، مەحانيكالىق جابدىق، بيولوگيالىق ٴدارى - دارمەك سياقتى كوپ سالانى قامتىپ، جينالىسقا قاتىناسقان جوعارى مەكتەپ بىتىرگەن وقۋشىلاردىڭ قارسى الۋىنا بولەندى، كاسىپورىنداردىڭ جۇمىسقا قابىلداۋ ورنىنىڭ الدىندا جۇمىس ىزدەۋشىلەر ٴيىن تىرەسىپ، ٴوزارا ٴجىيى جاعداي ۇعىستى“ دەدى كۇيتۇن قالالىق ادام كۇشى بايلىعى قىزمەت وتەۋ ورتالىعىنىڭ مەڭگەرۋشىسى لۋ رۇڭ.

 ”ماماندىعىم باسقارۋ عىلىمى جانە ينجەنەريا، قىزمەتكەر قابىلدايتىن كاسىپورىنداردىڭ مامىلەسى تۇگەلدەي جاقسى، تەرەڭ ويلانىپ ـ تولعانۋ ارقىلى قىسقاشا ٴومىر بايانىمدى كۇيتۇن قالاسى لانشان تۇنحى جاڭا ماتەريالدار شەكتى سەرىكتەستىگىنە بەردىم، وسى كاسىپورىندا ٴوزىمنىڭ كاسىپتىك ارتىقشىلىعىمدى ساۋلەلەندىرۋدى ٴۇمىت ەتەمىن“ دەدى شينجياڭ داشۋەسىنىڭ ماگيستر اسپيرانتتىعىن تاۋىسقان ياڭ جيالياڭ.

”ىلە وبلىسىنداعى جۇمىس ورنى ٴسىزدى كۇتىپ تۇر“ اتىنداعى توراپتا تىكە تاراتۋ تۇعىرى ارقىلى جۇمىس ورنىنا جەتەكتەۋ ينتەرنەت جەلىسىندەگى جۇمىس ىزدەۋشىلەرگە كاسىپورىننىڭ قىزمەت ورتاسى، ەڭبەكاقى مامىلەسى، قىزمەت ورنىنىڭ قاجەتى سياقتى جاعدايلاردى تانىستىرىپ، ”بۇلتتىق كوپىر“ سالدى. ساناققا قاراعاندا، تۇڭعىش توپتاعى جينالىسقا قاتىناسقان كاسىپورىندار 17 مىڭ نۇسقا جۇمىسشى قابىلداۋ ۇگىت قولدانباسىن تاراتىپ، 2520 نۇسقادان استام قىسقاشا ٴومىر بايان تاپسىرىپ الىپ، جۇمىستانۋ ويى بار ٴبىر مىڭ 800 دەن استام اداممەن كەلىسىم جاساسقان. قازىر جوعارى مەكتەپ بىتىرگەن وقۋشىلاردان ارناۋلى قىزمەتكە قابىلداۋ جينالىسى جاليى 65 مايدان وتكىزىلىپ، 892 كاسىپورىن 15 مىڭ جۇمىس ورنىمەن قامداپ، 4 مىڭ 404 ادام العاشقى قادامدا جۇمىستانۋ كەلىسىمىنە كەلىسكەن.

كەلەسى قادامدا وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ”بۇكىل ەلدە ارالاپ قىزمەتكەر قابىلداۋ جينالىسىنىڭ“ ۇلگى كورسەتۋ، جەتەكشىلىك ەتۋ رولىنان پايدالانىپ، قىزمەتكەر قابىلداۋ قيمىلىنىڭ ىقپالىن كەڭەيتىپ، 24 ٴتۇرلى الەۋمەتتىك جۇمىستانۋعا قىزمەت وتەۋ ارناۋلى قيمىلىن ٴبىر تۇتاس جوسپارلاپ ويداعىداي ورىستەتىپ، جوعارى مەكتەپ بىتىرگەن وقۋشىلاردىڭ ٴوز اتى - جونىمەن تىزىمدەلۋىنە قىزمەت وتەۋدى، كاسىپتەنۋ بەتالىسى بويىنشا سوڭىنا ٴتۇسىپ قىزمەت وتەۋدى ويداعىداي ىستەپ، قىزمەت وتەۋ وبيەكتىسى سانىنىڭ ايقىن، نەگىزگى سانىنىڭ انىق، قىزمەت وتەۋى دۇرىس بولۋىن جۇزەگە اسىرادى. بۇرىن جوعارى مەكتەپ ٴبىتىرىپ جۇمىستانباعان وقۋشىلارعا، 2023 - جىلى جوعارى مەكتەپ بىتىرەتىن وقۋشىلارعا جانە قىزمەتكەر قابىلداۋ قاجەتى بار ادام ىستەتۋشى ورىندارعا باعىتتاي وتىرىپ  ”ەكى جاقتى تەڭ ىسكە قوسۋدى“ جولعا قويىپ، قىزمەتكەر قابىلداۋ جينالىسىن ٴبىر ۋاقىتتا وتكىزىپ، جەلىدەن تىس قىزمەتكەر قابىلداۋدا ماماندانعان، دالمە - ٴدال بولۋدى، كاسىپتىك سيپاتتى كورنەكتىلەندىرۋ؛ جەلىدە قىزمەتكەر قابىلداۋدا كاسىپ، ٴوڭىر، دارىندى قابىلداۋ ارناۋلى رايونىن اشىپ، كوپ رەت تىكە تاراتۋ ارقىلى جۇمىس ورنىن تانىستىرۋ بەينەەكران ارقىلى قوس باعىتتا تاڭداۋ ٴماجىلىسىن، كاسىپورىنداردىڭ بۇلتتىق ۇگىت - لەكسياسىن وتكىزىپ، جوعارى مەكتەپ بىتىرگەن وقۋشىلاردى جۇمىستاندىرۋ قىزمەتىن كۇش سالا جاقسى ىستەيدى.