اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسىنىڭ نەگىزگى تاقىرىپتىق تاربيە تەكسەرۋ - زەرتتەۋ جەتىستىكتەرى اۋىس - كۇيىس ءماجىلىسىن اشتى

تەكسەرۋ - زەرتتەۋدىڭ ۇدايىلىعىن، باياندىلىعىن ۇزدىكسىز ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يانفاڭ 8 - ايدىڭ 11 - كۇنى ۇرىمجىدەن حابارلايدى. 8 - ايدىڭ 9 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى تەكسەرۋ - زەرتتەۋ جەتىستىكتەرى اۋىس - كۇيىس ءماجىلىسىن اشىپ، باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تەكسەرۋ - زەرتتەۋ جاعدايىن سالالاپ، قورىتىندىلاپ، تەكسەرۋ - زەرتتەۋ جەتىستىگىن ماسەلەنى شەشۋدىڭ، قىزمەتتى ىلگەرىلەتۋدىڭ ءىس جۇزىندىك ارەكەتىنە اناعۇرلىم ويداعىداي اينالدىرىپ، نەگىزگى تاقىرىپتىق تاربيە مەن تاربيەلەۋدىڭ، رەتتەۋدىڭ تەرەڭدەۋىن، ناقتىلانۋىن، ارەكەتتە ايگىلەنۋىن، ونىمدىلىك كورسەتۋىن ىلگەرىلەتتى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى تيان شياڭلي ءماجىلىستى باسقاردى ءارى ءسوز سويلەدى.

ءماجىلىس مىنالاردى باسا دارىپتەدى: بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى نازاريا ۇيرەنۋدى تەرەڭدەتۋدى، كوكەيگە ۇيالاتۋدى، كادەگە جاراتۋدى ۇزدىكسىز مىقتى يگەرىپ، نازاريا ۇيرەنۋ مەن تەكسەرۋ - زەرتتەۋدى ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ بارلىق قىزمەتىنە ءبىر تۇتاس باسشىلىق ەتىپ، ”ەكىنى تۇراقتاندىرۋدى“ باتىل قولداۋداعى، ”ەكىنى قورعاۋدى“ باتىل ورىنداۋداعى ساياسي سانالىلىقتى، يدەيا سانالىلىعىن جانە ارەكەت سانالىلىعىن اناعۇرلىم كۇشەيتۋ كەرەك.

ءماجىلىس مىنالاردى تالاپ ەتتى: تەكسەرۋ - زەرتتەۋ قىزمەتىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، نازاردى ساياسي باقىلاۋ، ستيل دۇرىستاپ، ءتارتىپتى قاتايتۋ، شىرىكتەسۋگە قارسى تۇرۋ، باقىلاۋ جۇيەسىن كەمەلدەندىرۋ سياقتى ءتۇيىندى قىزمەتتەرگە شوعىرلاندىرا وتىرىپ تەكسەرۋ - زەرتتەۋدى ىشكەرىلەي ورىستەتۋ كەرەك. تەكسەرۋ - زەرتتەۋدى ىستەلىپ جاتقان قىزمەتتەرمەن شىن مانىندە ۇشتاستىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋدىڭ، حاۋىپ - قاتەرلەردەن ساقتانۋدىڭ، ونى جويۋدىڭ جانە ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋدىڭ ءىس جۇزىندىك ناتيجەسىنە ونان ارى اينالدىرۋ كەرەك. تەكسەرۋ - زەرتتەۋدىڭ ۇدايىلىعىن، باياندىلىعىن ۇزدىكسىز ىلگەرىلەتىپ، باسشى كادرلار باستاماشىلدىقپەن تەكسەرۋ - زەرتتەۋ جۇرگىزۋ، كەلەلى شەشىم جاساۋدان ىلگەرى ىشكەرىلەي تەكسەرۋ - زەرتتەۋ جۇرگىزۋ سياقتى ءتۇزىمدى، مەحانيزمدى ويداعىداي تياناقتاندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن ىلگەرىلەتىپ، اناعۇرلىم كوپ تۇزىمدىك جەتىستىكتەرگە جانە اناعۇرلىم زور باسقارۋ ونىمدىلىگىنە قول جەتكىزۋگە قۇلشىنۋ كەرەك.

ماجىلىستە القا مۇشەلەرى ءبىر - بىردەن پىكىر اۋىستىرىپ ءسوز سويلەدى.