باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
تۇڭعىش توپتاعى ەلەكتروندىق ساۋدا زاتتارى قورعاس تاس جول شەكارا وتكەلى ارقىلى شەكارادان شىقتى
2022-03-16 16:32:46     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينجياڭ گازەتىنىڭ حابارى (ٴتىلشى چىن چياڭۋي). 3 - ايدىڭ 10 - كۇنى، جالپى 150 توننا زات قورعاس تاس جول شەكارا وتكەلى ارقىلى شەكارادان شىعىپ، قازاقستانعا تاسىمالداندى. بۇل قورعاس تاس جول شەكارا وتكەلى ارقىلى ەكسپورت ەتىلگەن تۇڭعىش توپتاعى شەكارا اتتاعان ەلەكتروندىق ساۋدا زاتتارى بولىپ تابىلادى.

بۇل توپتاعى زاتتار، باستىسى، كەزدەمە، اياق كيىم، ويىنشىق سياقتى ٴتۇرلى بۇيىمداردى قامتيدى، جەكە - جەكە كەدەن باقىلاۋ - باسقارۋ ٴتاسىلى ارقىلى شارتتى ٴنومىرى «9610»، «9710»، «9810» ۇلگىسىمەن ەكسپورت ەتىلەدى. «9610» تولىق اتى «شەكارا اتتاعان ساۋداداعى ەلەكتروندىق ساۋدا ىستەرى»، شەكارا ىشىندەگى جەكەلەردىڭ نەمەسە ەلەكتروندىق ساۋدا كاسىپورىندارىنىڭ ەلەكتروندىق ساۋدا ايىرباس تۇعىرى ارقىلى ساۋدا جاساۋىنا قولدانىلادى؛ «9710» تولىق اتى «شەكارا اتتاعان ەلەكتروندىق ساۋدا ىستەرى كاسىپورىندارىنىڭ كاسىپورىندارعا قاراتا تىكە ەكسپورت ەتۋى»، بۇل شەكارا اتتاعان ەلەكتروندىق ساۋدادا B2B فورماسىندا تىكەلەي ەكسپورت ەتىلەتىن زاتتارعا قولدانىلادى؛ «9810» بولسا «شەكارا اتتاعان ەلەكتروندىق ساۋدادا شەتەلگە ەكسپورت ەتۋ قامباسى»، شەكارا اتتاعان ەلەكتروندىق ساۋدادا شەتەلگە ەكسپورت ەتۋ قامباسىنداعى زاتتارعا قولدانىلادى.

بۇل زاتتاردى ەكسپورت ەتەتىن كاسىپورىن قورعاستاعى جەرگىلىكتى ٴمالىم سىرتقى ساۋدا كاسىپورنى. وسى كاسىپورىننىڭ جاۋاپتىسى يۇي چىڭجۇڭ ٴداستۇرلى ساۋدا تيبىندەگى كاسىپورىن رەتىندە، وزدەرىنىڭ شەكارا اتتاعان ساۋدادا اۋەلگى ناقتى ورىندا توقتامعا قول قويۋ ۇلگىسىنەن ينتەرنەتتە ساۋدا ىستەۋگە قاراي بۇرىلىس جاساپ، شەكارا اتتاعان ساۋدانىڭ، سونداي - اق شەكارا اتتاپ تولەۋدىڭ اناعۇرلىم قولايلىلاسۋىنا مۇمكىندىك جاساۋدى تۇڭعىش رەت سىناق رەتىندە جۇرگىزىپ وتىرعاندىعىن ايتتى.

قورعاس كەدەنى تەكسەرۋ 2 - ٴبولىمىنىڭ باستىعى حاميت سامەت مىنانى ٴبىلدىردى: قورعاس قالاسى وسىدان بۇرىن ەكسپورت ەتكەن شەكارا اتتاعان ەلەكتروندىق تاۋارلار، باستىسى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ كەڭىستىك قۇرلىق كوپىرى ارقىلى شەكارادان شىعارىلعان. جىل باسىنان بەرى جەرگىلىكتى ورىنداعى قاتىستى تاراۋلار جابال كۇش قوسىپ سەلبەسىپ، قورعاس تاس جول كەدەنىنىڭ كەدەننەن وتكىزۋ قۋاتىن اناعۇرلىم جوعارىلاتتى، شەكارا وتكەلى شارۋاشىلىق - ساۋدا ورتاسى ساپالىلانىپ، شەكارا اتتاعان ەلەكتروندى ساۋدانى دامىتۋعا اناعۇرلىم قولايلى شارت - جاعداي ازىرلەندى.