汉文 ىلە اقپارات تورابىنا حوش كەلدىڭىزدەر!
جىڭ − الاتاۋ جوعارى جىلدامدىقتى تاس جولىندا اۆتوكولىك قاتىنايدى
2022-03-19 18:28:03     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

شينجياڭ گازەتىنىڭ حابارى (ٴتىلشى لۋ فىڭباۋ). شينجياڭ قاتىناس قۇرىلىس توبى جارنا شەكتى سەرىكتەستىگىنەن ۇعىسۋىمىزشا، G3018 جەلىسىنىڭ جىڭنان الاتاۋ ساعاسىنا دەيىنگى جوعارى جىلدامدىقتى تاس جولىندا 3 - ايدىڭ 17 - كۇنى ساعات نولدە اۆتوكولىك قاتىنايدى ەكەن. 

جىڭ − الاتاۋ جوعارى جىلدامدىقتى تاس جولى جىڭ اۋدانىنداعى حيشانتوۋدىڭ شىعىس تۇسىنان باستالىپ، الاتاۋ قالاسى جوبا رايونىنىڭ وڭتۇستىك تۇسىنا تىرەلەدى، جالپى ۇزىندىعى 68.73 كيلومەتر، جوعارى جىلدامدىقتى تاس جول ولشەمى بويىنشا سالىنىپ، قوس باعىتتا 4 اۆتوكولىك جولىنا بولىنگەن، جوباداعى ساعاتتىق جىلدامدىعى 100 كيلومەتر.

شينجياڭ قاتىناس قۇرىلىس توبى جارنا شەكتى سەرىكتەستىگىنىڭ ورىنباسار باس ديرەكتورى، شينجياڭ شينجياۋجيان جىڭ − الاتاۋ تاس جولى نىسانىن باسقارۋ شەكتى سەرىكتەستىگىنىڭ القا باستىعى چىن ميڭشين تانىستىرىپ بىلاي دەدى: جىڭ − الاتاۋ جوعارى جىلدامدىقتى تاس جولى وزەن، سازدىق، تەمىر جول سياقتىلاردى اتتاپ وتەدى، جول بويىنداعى سۋ رايى، گەولوگيالىق شارت - جاعداي كۇردەلى، تاعانىن ٴبىر جاقتى ەتۋ سياقتى جۇمىس جۇرگىزۋ بۋىندارى ماۋسىمدىق تەمپەراتۋرا پارقىنىڭ ىقپالىنا ۇشىرايتىندىقتان، جۇمىس جۇرگىزۋ قيىن بولدى. 2019 - جىلى 7 - ايدا جۇمىس باستاپ قۇرىلىس جۇرگىزگەننەن بەرى قات - قابات اۋىر قيىنشىلىقتار الدىندا تاس جول قۇرىلىسشىلارى قاجىرلىلىقپەن كۇرەس جۇرگىزۋ، تاباندىلىقپەن ايانباي الىسۋ رۋحىن ۇزدىكسىز ساۋلەلەندىرىپ، جۇمىس جۇرگىزۋدىڭ الۋان ٴتۇرلى جاڭا تەحنيكالارىن زەرتتەپ پايدالانۋدى ورىستەتىپ، قۇرىلىس مىندەتىن تابىستى ورىندادى.

جىڭ − الاتاۋ جوعارى جىلدامدىقتى تاس جولى مەملەكەتتىك تاس جول تورى جوباسىنداعى G30 جەلىسىنىڭ ليانيۇنگاڭ − قورعاس جوعارى جىلدامدىقتى تاس جولى مەن الاتاۋ ساعاسى قۇرلىق جولى شەكارا وتكەلىنىڭ ماڭىزدى تۇتاستىرۋ جەلىسى، اۆتونوميالى رايوننىڭ قاتىناس جوباسىنداعى «بەس ەندىك، جەتى بويلىق» جوعارى جىلدامدىقتى، جوعارى دارەجەلى تاس جول تورىنداعى «3 - بويلىقتىڭ» قاناستان يىڭىسارعا دەيىنگى تاس جولىنىڭ ماڭىزدى قۇرامداس بولىگى.

جىڭ − الاتاۋ جوعارى جىلدامدىقتى تاس جولى سالىنعاننان كەيىن بۇراتالا موڭعۇل اۆتونوميالى وبلىسىنىڭ تاس جول، قاتىناس، جول تورى جاعدايىن زور دارەجەدە جوعارىلاتادى، جىڭ اۋدانىنان الاتاۋ قالاسىنا ٴبىر ساعاتتا جەتىپ بارۋدى جۇزەگە اسىرادى.

G30 جەلىسىنىڭ ليانيۇنگاڭ − قورعاس جوعارى جىلدامدىقتى تاس جولىنىڭ بايلانىس جەلىسى رەتىندە جىڭ − الاتاۋ جوعارى جىلدامدىقتى تاس جولى ەلىمىزدىڭ ورتا ازيا رايونىمەن اناعۇرلىم جوعارى ٴونىمدى، قولايلى حالىقارالىق تاسىمال ۇلكەن ارناسىن قۇرىپ، اۆتوكولىك قاتىناعاننان كەيىن جەلى بويىنىڭ قوعامدىق، ەكونوميكالىق دامۋىن ەڭ جوعارى دەڭگەيدە ىلگەرى باستىرىپ، ساۋدا بارىس - كەلىسىن جەبەپ، قاتىستى كاسىپ سالاسىنىڭ دارەجەسىن ٴوسىرىپ، دامۋىن ىلگەرىلەتەدى.