ما شيڭرۇي جۇمىس باستاۋ سالتىنا قاتىناستى، ەركىن تۇنياز جۇمىس باستالعاندىعىن جاريالادى، شاۋكەت يمىن، نۇرلان ٴابىلماجىن ۇلى، لي يفي، جاڭ چۇنلين، حى جۇڭيوۋ قاتىناستى

شينجياڭ گازەتىنىڭ حابارى (ٴتىلشى ۋاڭ شيڭرۇي).  3 - ايدىڭ 17 - كۇنى تۇستەن بۇرىن 2022 - جىلعى ٴبىرىنشى ماۋسىمداعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتى جانە بۇكىل رايوننىڭ كەلەلى نىساندارىن ورنالاستىرۋ ٴماجىلىسى وتكىزىلدى، حالىق تۇرمىسى، كاسىپ سالاسى، سۋ يگىلىگى، قاتىناس، ەنەرگيا سياقتى سالالارعا ساياتىن ٴبىر توپ ٴتۇيىندى نىساندار قۇرىلىسى جۇمىس باستادى، رايونىمىز قارجى قوسۋ تەبىنىن اناعۇرلىم ارتتىرىپ، ەكونوميكالىق ارتۋدى ورنىقتىرىپ، «التىنى ورنىقتىرۋعا»، «التىنى قامتاماسىز ەتۋگە» شىن مانىندە كەپىلدىك ەتتى. اۆتونوميالى رايوندىق پارتكومنىڭ شۋجيى ما شيڭرۇي جۇمىس باستاۋ سالتىنا قاتىناستى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز نىسانداردىڭ جۇمىس باستاعاندىعىن جاريالادى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتىناستى.

قيمىل باستالاردىڭ الدىندا ما شيڭرۇي، ەركىن تۇنياز قاتارلى اۆتونوميالى رايون باسشىلارى اۆتونوميالى رايوندىق دامۋ جانە رەفورما كوميتەتىنىڭ بۇكىل رايوننىڭ كەلەلى نىساندارىنىڭ جاعدايى جونىندەگى مالىمەتىن تىڭدادى. شينجياڭ تۇتاس جىلدا اتقارۋدى جوسپارلاعان، قارجى قوسۋ كولەمى 5 ميلليون يۋاننان اساتىن نىسان 8770. ٴبىرىنشى ماۋسىمدا جۇمىستى قالپىنا كەلتىرىپ، قۇرىلىس باستاعانى 4467، مۇنىڭ ىشىندە جالپى قوسىلعان قارجىسى 5 ميلليارد يۋاننان اساتىن نىسان 27، ٴبىر ميلليارد يۋاننان 5 ميلليارد يۋانعا دەيىنگى نىسان 103. جۇمىستى قالپىنا كەلتىرۋ، جۇمىس باستاۋ سالتى بەينە ەكران تاسىلىندە وتكىزىلىپ، 14 ايماق، وبلىس، قالا ٴوز جەرىنىڭ كەلەلى نىسان قۇرىلىسى جاعدايىن تانىستىردى.

ەركىن تۇنياز سوزىندە بىلاي دەپ اتاپ كورسەتتى: «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، نىسانداردىڭ جۇمىسىن قالپىنا كەلتىرۋدىڭ، جۇمىس باستاۋدىڭ ۇتىمدى قۇرىلىس جۇرگىزۋ مەزگىلىن مىقتاپ يگەرىپ، ٴتۇيىندى نىساندار ارقىلى جالپى جاعدايدىڭ دامۋىنا جەتەكشىلىك ەتىپ، بۇكىل رايوننىڭ ەكونوميكالىق دامۋدا تاماشا باستاما اشۋىن، جاقسى قادام تاستاۋىن قۇلشىنا جۇزەگە اسىرۋ كەرەك. ماڭىزدى فاكتورلارمەن قامتاماسىز ەتۋدى بار كۇشپەن كۇشەيتىپ، قارجىلىق قولداۋدى كۇشەيتىپ، ۇكىمەتتىڭ، بانكەنىڭ، كاسىپورىننىڭ قارجى قۇراۋدى ۇشتاستىرۋىن كۇشەيتىپ، نىسان قۇرىلىسى فاكتورلارىنىڭ قاجەتىن ەڭ الدىمەن قامتاماسىز ەتىپ، نىسان قۇرىلىسى قىزمەتىنىڭ اياق الىسىن مىقتى يگەرىپ، قيىنشىلىقتار مەن ماسەلەلەردى دەر كەزىندە شەشىپ، جاڭادان جۇمىس باستاعان نىسانداردى قولداۋ قامتاماسىزدىعىن كۇشەيتىپ، زاپاس نىسانداردى قاداعالاپ كەمەلدەندىرىپ، كەلەلى نىسانداردىڭ ٴساتتى جۇرگىزىلۋىن ىلگەرىلەتىپ، ەرتەرەك ٴونىمىن كورۋ كەرەك. ٴارقايسى ايماقتاردىڭ، وبلىستاردىڭ، قالالاردىڭ نەگىزگى باسشىلارى ىرىقتىلىقپەن ىسكەرلىك كورسەتىپ، جۇيەلى ىلگەرىلەتىپ، شىنايى يگەرىپ، ناقتى ىستەۋ كەرەك، قاتىستى تاراۋلار ٴتۇيىندى مىندەتتەر مەن ماڭىزدى بۋىنداردى مىقتى ۇستاي وتىرىپ كۇش سالا سەلبەسۋ كەرەك، ٴارقايسى نىسان جۇرگىزۋشى ورىندار تۇلعالىق جاۋاپكەرشىلىكتى تياناقتاندىرىپ، نىسانداردىڭ تياناقتانىپ، ونىمدىلىك كورسەتۋىن كۇش بىرىكتىرە ىلگەرىلەتۋى كەرەك. جەر - جەر، تاراۋلار دۇرىس ناتيجە كوزقاراسىن بەرىك ورناتىپ، فورماشىلدىقتان، تورەشىلدىكتەن باتىل ساقتانىپ، نىسانداردىڭ الدىڭعى مەرزىمدىك قىزمەتىن تىڭعىلىقتى ويداعىداي ىستەپ، شىندىقتى ٴىس جۇزىنەن ىزدەي وتىرىپ نىسانداردىڭ جۇمىس باستاۋىن ىلگەرىلەتىپ، ويداعىداي جۇرگىزۋگە، ويداعىداي پايدالانۋعا، ەڭ جوعارى ونىمدىلىكتى ساۋلەلەندىرۋگە شىنايى كەپىلدىك ەتۋ كەرەك.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن جۇمىس باستاۋ سالتىن باسقاردى. اۆتونوميالى رايوندىق پارتكومنىڭ تۇراقتى مۇشەلەرى ەلزات احمەتجان، قادەن كابەن ۇلى، اۆتونوميالى رايوندىق حالىق ۇكىمەتى باسشىلىق القاسىنىڭ مۇشەلەرى، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ت.ب نەگىزگى ٴماجىلىس ورنىندا قيمىلعا قاتىناستى.