لۋ جۇڭ (ٴوز ٴتىلشىمىز)

سۋرەتتە: شينجياڭ ۋوگىلاڭ جاساۋ كاسىبى عىلىم - تەحنيكا شەكتى سەرىكتەستىگىنىڭ ٴوندىرىس سەحى. لۋ جۇڭ فوتوسى 

«ارنايىلانعان، كەمەلدەنگەن، ەرەكشە، جاڭا» ورتا، شاعىن كاسىپورىندار دەگەنىمىز ارنايىلانعان، كەمەلدەنگەن، ەرەكشە، جاڭا بولۋ سىندى 4 ۇلكەن باسىمدىققا يە ورتا، شاعىن كاسىپورىنداردى مەڭزەيدى. ارنايىلانعان، كەمەلدەنگەن، ەرەكشە، جاڭا «شاعىن الپاۋىت كاسىپورىندار» «ارنايىلانعان، كەمەلدەنگەن، ەرەكشە، جاڭا» كاسپورىنداردىڭ ىشىندەگى ۇزدىكتەرى، ولار بازار جاعدايىنا ىشكەرىلەي تالداۋ جاساۋعا ارناۋلى نازار اۋداراتىن، جاڭالىق اشۋ قۋاتى كۇشتى، بازار يەلەۋ مولشەرى جوعارى، شەشۋشى، وزەكتى تەحنيكالاردى يگەرگەن، ساپاسى، ونىمدىلىگى جاقسى كوشباسشى كاسىپورىندار.

جاقىنعى جىلداردان بەرى اۆتونوميالى وبلىس كاسىپورىنداردىڭ جاڭالىق اشۋ ىشكى قوزعاۋشى كۇشىن ۇزدىكسىز تاسقىنداتىپ، جاڭالىق اشۋ، زەرتتەۋ - اشۋ ۇسىنىلىمىنىڭ تەبىنىن ارتتىرىپ، كاسىپورىنداردى «ارنايىلانعان، كەمەلدەنگەن، ەرەكشە، جاڭا» دامۋ بەتالىسىن بەلسەنە يگەرۋگە جەتەكتەپ جانە وعان دەم بەرىپ، كاسىپورىنداردىڭ جوعارى ساپالى دامۋىن جەبەدى.

«ارنايىلانعان، كەمەلدەنگەن، ەرەكشە، جاڭا» كاسىپورىنداردىڭ ومىرشەڭدىك كۇشى تاسقىندادى 

چاپچال سىبە اۆتونوميالى اۋدانى ينان ونەركاسىپ باقشاسىنا ورنالاسقان شينجياڭ جىچىڭشيڭ قۇبىر كاسىبى شەكتى سەرىكتەستىگى نەگىزىنەن قالا مەن اۋىل - قىستاقتارداعى سۋمەن قامداۋ، سۋ ىعىستىرۋ سالاسىنداعى ونىمدەردى زەرتتەپ اشۋمەن، وندىرۋمەن شۇعىلدانادى، ٴتۇرلى قىسىم قۇبىر ماتەريالدارى مەن جىلۋ وتكىزبەيتىن الۋمين ماتەريالدارىن، PVC وزگەشە فورماداعى جەلىلەس ماتەريالدارىن وندىرەدى، 2020 - جىلى سەرىكتەستىك تيپىن وزگەرتىپ، دارەجەسىن جوعارىلاتىپ، ونىمدەردى زەرتتەۋ - اشۋ تەبىنىن ارتتىرىپ، سول جىلعى ٴونىم قۇنى 100 ميلليون يۋانعا جەتىپ، اۆتونوميالى رايون دارەجەلى ارنايىلانعان، كەمەلدەنگەن، ەرەكشە، جاڭا «شاعىن الپاۋىت كاسىپورىن» اتاعىنا يە بولعان.

2018 - جىلدان باستاپ بۇل سەرىكتەستىكتىڭ زەرتتەۋ - اشۋ ۇسىنىلىمى ٴونىم قۇنىنىڭ %6 تەن استامىن يەلەگەن، دارىندىلاردى ەنگىزۋ تەبىنىن ارتتىرۋدان تىس، تاعى جەرگىلىكتى ورىنداعى جوعارى مەكتەپتەرمەن، سونداي - اق شيكىزاتپەن، جابدىقپەن قامداۋشى ساۋداگەرلەرمەن سەلبەسىپ، مامانداردى كاسىپورىننىڭ زەرتتەۋ - اشۋ قوسىنىنا ەنگىزگەن. قازىر كاسىپورىن مەملەكەتتىڭ 2 ٴتۇرلى تاپقىرلىق پاتەنتىن، 15 ٴتۇرلى قولدانىلمالى جاڭا تۇرپات پاتەنتىن العان. «زەرتتەۋ - اشۋ ۇسىنىلىمىن مولايتىپ، سونىڭ قوماقتى ناتيجەسىن كوردىك، ونىمدەردىڭ ساپاسى كورنەكتى جوعارىلادى، جىلدىق ٴونىم قۇن 2010 - جىلعى 50 ميلليون 250 مىڭ يۋاننان 2021 - جىلى 95 ميلليون 760 مىڭ يۋانعا ارتتى. بيىل كاسىپورىنىمىز مەملەكەت دارەجەلى <ارنايىلانعان، كەمەلدەنگەن، ەرەكشە، جاڭا> كاسىپورىن بولۋعا بەلسەنە ٴوتىنىش بەرۋدە» دەدى 3 - ايدىڭ 1 - كۇنى سەرىكتەستىكتىڭ باس ديرەكتورى ليۋ گۇيشيڭ.

مەملەكەت دارەجەلى «ارنايىلانعان، كەمەلدەنگەن، ەرەكشە، جاڭا» كاسىپورىن بولۋعا ٴوتىنىش بەرۋ كاسىپورىننىڭ تەحنيكادا جاڭالىق اشۋ، بازار اشۋ، ايگىلى ماركا قۇرىلىسى، باسقارۋدى كۇشەيتۋ، قارجى قۇراۋعا قىزمەت ەتۋ سياقتى جاقتارىنا ٴتىپتى دە جوعارى تالاپتار قويدى. «بيىل كاسىپورىنىمىز ٴونىم قۇنىن 180 ميلليون يۋانعا جەتكىزۋگە قۇلشىنۋدا، سونىمەن بىرگە، جابدىقتاردىڭ، زاۆود ۇيلەرىنىڭ دارەجەسىن جوعارىلاتىپ جاڭالاماقپىز ٴارى ينجەنەريالىق زەرتتەۋ - اشۋ ورتالىعىن قارجى قوسىپ سالماقشىمىز، زەرتتەۋ - اشۋعا قوسىلاتىن ۇسىنىلىم 7 ميلليون يۋاننان اسادى» دەدى سەرىكتەستىكتىڭ ورىنباسار باس ديرەكتورى ساۋ سۇنگاڭ. 

ينان ونەركاسىپ باقشاسىنا ورنالاسقان شينجياڭ ۋوگىلاڭ جاساۋ كاسىبى عىلىم - تەحنيكا شەكتى سەرىكتەستىگى نەگىزىنەن جـوعارى ساپالى اينەك، زەردەلى ەسىك - تەرەزە، پەردە قابىرعا سياقتى ونىمدەردى وندىرەدى. 3 - ايدىڭ 1 - كۇنى ٴتىلشى وسى سەرىكتەستىكتىڭ ٴوندىرىس سەحىنان جۇمىسشىلاردىڭ تاپسىرىستى ۇلگىرتۋ ٴۇشىن ۇستەمە جۇمىس ىستەپ جاتقانىن كوردى.

«جىل باسىنان باستاپ كاسىپورىنىمىز 4 ميلليون يۋاننان استام تاپسىرىس قابىلدادى. قازىر الارماندار بۇيىرتقان ورتاسى بوس ٴۇش قابات قۇرىلىمدى اينەك ونىمدەرىن وندىرۋدەمىز». اتالعان سەرىكتەستىكتىڭ اكىمشىلىك باس باقىلاۋشىسى جوۋ سايشيا تىلشىگە بىلاي دەدى: قازىر كاسىپورىنىمىز اۆتونوميالى رايون دارەجەلى «ارنايىلانعان، كەمەلدەنگەن، ەرەكشە، جاڭا» كاسىپورىن بولۋعا بەلسەنە ٴوتىنىش بەرۋدە. بيىل كاسىپورىنىمىز كاسىپتىك - تەحنيكالىق قىزمەتكەرلەردى ەنگىزىپ، زەرتتەۋ - اشۋ قوسىنىن جەتىلدىرىپ، ونىمدەردى زەرتتەۋ - اشۋ سەرپىنىن ۇزدىكسىز ارتتىرىپ، ورتانى قورعايتىن، ەنەرگيا ۇنەمدەيتىن، حاۋىپسىز ەرەكشە اينەكتەردى وندىرەدى» دەدى.

كومەكتەسۋ - سۇيەمەلدەۋ قيمىلى كاسىپورىنداردىڭ ساپاسىن جوعارىلاتىپ، كومەسكى كۇشتەردى ىسكە قوسۋىنا دەم بەردى 

تاياۋدا وبلىستىق ونەركاسىپ جانە ينفورماتسيالاندىرۋ مەكەمەسى ٴارقايسى ەرىكتىلەر قىزمەت پۋنكتىندەگى ەرىكتى قىزمەت ەتۋشىلەردى ٴارقايسى اۋدان، قالاداعى «ارنايىلانعان، كەمەلدەنگەن، ەرەكشە، جاڭا» ورتا، شاعىن كاسىپورىندارعا بارىپ كومەكتەسۋ قيمىلىن ورىستەتۋگە ۇيىمداستىردى، باسقارۋعا كەڭەس بەرۋ، ساياسات ٴتۇسىندىرۋ، تەحنيكادا جاڭالىق اشۋ، بازارعا شىعارۋعا جەتەكشىلىك ەتۋ، جاڭالىق اشۋ جەتىستىكتەرىن كادەگە جاراتۋ جانە قولدانۋ، ٴبىلىم مەنشىك ۇقىعىنا قىزمەت ەتۋ سياقتى كوپتەگەن سالانىڭ ايگىلى ماماندارىن ۇسىنىس ەتىپ، ۇزاق ۋاقىتتىق ەرىكتى قىزمەت وتەۋ قيمىلىن ورىستەتتى. سونىمەن بىرگە، ارنايىلانعان، كەمەلدەنگەن، ەرەكشە، جاڭا «شاعىن الپاۋىت كاسىپورىندارعا» ارناۋلى قىزمەت ەتۋشىلەردى ورنالاستىرىپ، «بىرگە ٴبىر»، «تۇيىندەر» بويىنشا تاربيەلەپ، جەتەكشىلىك ەتىپ، قيىن تۇيىندەر مەن تولعاقتى ماسەلەلەردى دەركەزىندە شەشىپ، كاسىپورىنداردىڭ ساپاسىن جوعارىلاتىپ، كومەسكى كۇشتەردى اشۋىنا كومەكتەسىپ، 45 تالداۋ مالىمەتىن شىعاردى ٴارى «ٴبىر كاسىپورىنعا ٴبىر شارا» تىزىمدىگىن ورناتتى.

3 - ايدىڭ 1 - كۇنى شينجياڭ بوسى كاسىپورىن باسقارۋعا كەڭەس بەرۋ شەكتى سەرىكتەستىگىنىڭ ماماندارى شينجياڭ جىچىڭشيڭ قۇبىر كاسىبى شەكتى سەرىكتەستىگىنە بارىپ، جەتەكشىلىك ەتۋ قىزمەتىن  ورىستەتتى.

«سەرىكتەستىگىمىز قىرۋار كاسىپورىنعا بارىپ تەكسەرۋ - زەرتتەۋ جۇرگىزۋ بارىسىندا، كوپتەگەن كاسىپورىننىڭ ساياسات جونىندەگى تۇسىنىگىندە بەلگىلى ينفورماتسيالىق اعاتتىق بار ەكەنىن بايقادى، مىسالى، كاسىپورىن <ارنايىلانعان، كەمەلدەنگەن، ەرەكشە، جاڭا> كاسىپورىن قۇرۋدى ٴوتىنىش ەتكەندە، ونى قالاي تياناقتاندىرۋ كەرەكتىگىن بىلمەگەن، سەرىكتەستىگىمىز كاسىپورىننىڭ ٴىس جۇزىندىك جاعدايىنا ۇشتاستىرىپ، كەڭەس بەرۋ جاعىنان قىزمەت ەتىپ، كاسىپورىننىڭ ستراتەگيالىق نىسانا بەلگىلەۋىنە كومەكتەستى» دەدى شينجياڭ بوسى كاسىپورىن باسقارۋعا كەڭەس بەرۋ شەكتى سەرىكتەستىگىنىڭ باس مەڭگەرۋشىسى جاڭ جيان.

«ارنايىلانعان، كەمەلدەنگەن، ەرەكشە، جاڭا» كاسىپورىنداردى ساتىلى جەتىلدىرۋ تەبىنى ارتتىرىلدى  

ٴتىلشىنىڭ وبلىستىق ونەركاسىپ جانە ينفورماتسيالاندىرۋ مەكەمەسىنەن ۇعىسۋىنشا، قازىر وبلىسقا توتە قاراستى ورىنداردا ارنايىلانعان، كەمەلدەنگەن، ەرەكشە، جاڭا 11 «شاعىن الپاۋىت كاسىپورىن» بار ەكەن، بۇل مەملەكەت دارەجەلى ارنايىلانعان، كەمەلدەنگەن، ەرەكشە، جاڭا 3 «شاعىن الپاۋت كاسىپورىندى» قامتىعان. بيىل وبلىستىق ونەركاسىپ جانە ينفورماتسيالاندىرۋ مەكەمەسى «ارنايىلانعان، كەمەلدەنگەن، ەرەكشە، جاڭا» ورتا، شاعىن كاسىپورىنداردى جەتىلدىرۋ ينجەنەرياسىن اتقارىپ، اۆتونوميالى وبلىستاعى «ارنايىلانعان، كەمەلدەنگەن، ەرەكشە، جاڭا» ورتا، شاعىن كاسىپورىنداردى سارالاۋ جانە ساتىلى جەتىلدىرۋ جۇيەسىن اناعۇرلىم كەمەلدەندىرىپ، «ارنايىلانعان، كەمەلدەنگەن، ەرەكشە، جاڭا» ورتا، شاعىن كاسىپورىندار شوعىرىن ساتىعا ٴبولىپ جەتىلدىرىپ، كاسىپورىنداردىڭ كەمەلدەنۋىن، الۋەتتەنۋىن، زورايۋىن تۇرلەر بويىنشا جەبەمەك.

«بيىل ٴبىز <ارنايىلانعان، كەمەلدەنگەن، ەرەكشە، جاڭا> كاسىپورىنداردى جالعاستى جەتىلدىرىپ جانە قولداپ، <ارنايىلانعان، كەمەلدەنگەن، ەرەكشە، جاڭا> ورتا، شاعىن كاسىپورىنداردىڭ تالاپ - تىلەك ارناسىن ىركىلىسسىزدەندىرىپ، ولارعا ساياسات جاعىنان ويداعىداي قىزمەت ەتەمىز، ورتا، شاعىن كاسىپورىنداردىڭ الەۋمەتتىك قىزمەت وتەۋدەن ۇلگى كورسەتۋ تۇعىرىنىڭ رولىن تولىق ساۋلەلەندىرىپ، كۇش ۇيىمداستىرىپ، <ارنايىلانعان، كەمەلدەنگەن، ەرەكشە، جاڭا> ورتا، شاعىن كاسىپورىندارعا تاپسىرىس ۇلگىسىندە دارا قىزمەت ەتەمىز، <ارنايىلانعان، كەمەلدەنگەن، ەرەكشە، جاڭا> ورتا، شاعىن كاسىپورىنداردى جەتىلدىرۋ قامباسىن قۇرىپ، تىڭعىلىقتى قىزمەت ەتەمىز. <ارنايىلانعان، كەمەلدەنگەن، ەرەكشە، جاڭا> ورتا، شاعىن كاسىپورىنداردىڭ دامۋىن باقىلاۋ - باسقارۋ جۇيەسىن كەمەلدەندىرىپ، ينفورماتسيالاندىرۋ تاسىلىنەن پايدالانىپ، ورتا، شاعىن كاسىپورىنداردىڭ دامۋ جاعدايىن يگەرىپ، ارنايىلانعان، كەمەلدەنگەن، ەرەكشە، جاڭا <شاعىن الپاۋىت كاسىپورىنداردى> دالمە - ٴدال سارالاپ جەتىلدىرەمىز. بۇدان سىرت، ەرىكتىلەر قىزمەت وتەۋ پۋنكتىنىڭ فۋنكتسياسىن تولىق ساۋلەلەندىرىپ، كاسىپتىك جەتەكشىلىكتى ويداعىداي ىستەيمىز» دەدى وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ليۋ ۋىنحۇي.