شينجياڭ گازەتىنىڭ حابارى (ٴتىلشى شى شين). پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ەلەكتر باعاسىن بازارلاندىرۋ رەفورماسىن جەدەل ىلگەرىلەتىپ، ەلەكتر باعاسىن، باستىسى، بازار بەلگىلەۋ مەحانيزمىن كەمەلدەندىرىپ، ەلەكتر قۋاتىمەن حاۋىپسىز، تۇراقتى قامداۋعا شىنايى كەپىلدىك ەتۋ ٴۇشىن، مەملەكەتتىك دامۋ جانە رەفورما كوميتەتىنىڭ كومىر جاعۋدان شىعارىلعان، جەلىگە تىركەلگەن ەلەكتر باعاسىن بازارلاندىرۋ رەفورماسىن ونان ارى تەرەڭدەتۋ قىزمەت تالابىنا ساي، اۆتونوميالى رايوندىق حالىق ۇكىمەتىنىڭ اقىلداسۋى، ماقۇلداۋى ارقىلى اۆتونوميالى رايوندىق دامۋ جانە رەفورما كوميتەتى جۋىقتا «اۆتونوميالى رايوننىڭ كومىر جاعۋدان شىعارىلعان، جەلىگە تىركەلگەن ەلەكتر باعاسىن بازارلاندىرۋ رەفورماسىن ونان ارى تەرەڭدەتۋدى دايەكتىلەندىرۋ، تياناقتاندىرۋ جوباسىن» باسىپ تاراتتى.

«جوبادا» 4 رەفورما شاراسى ايقىندالدى.

ٴبىرىنشى، كومىر جاعۋدان شىعارىلعان، جەلىگە تىركەلگەن ەلەكتر باعاسىن ەركىنە جىبەرۋ. كومىر جاعۋدان شىعارىلعان ەلەكتر مولشەرىن تۇگەلدەي ەلەكتر قۋاتى بازارىنا ەنگىزىپ، بازاردا ساۋدالاۋ ارقىلى «نەگىزدىك باعا + جوعارى - تومەن تولقۋ» كولەمىندە جەلىگە تىركەلگەن ەلەكتر باعاسىن قالىپتاستىرۋ، تولقۋ كولەمىن جوعارى - تومەن تولقۋ مولشەرىن پرينسيپتىك جاقتان %20 تەن اسىرماۋعا دەيىن كەڭەيتۋ، ەنەرگيا جۇمسالىمى جوعارى كاسىپورىنداردىڭ بازاردان ساتىپ الاتىن ەلەكتر باعاسى جوعارى %20 تولقۋ شەكتەمەسىنە ۇشىراماۋ.

ەكىنشى، تىزىممەن ساتىلاتىن ەلەكتر باعاسىن رەتتەۋ. ونەركاسىپ - ساۋدا تىزىمىمەن ساتىلاتىن ەلەكتر باعاسىن كۇشىنەن قالدىرىپ، بازارعا ٴالى كىرمەگەن ونەركاسىپ - ساۋدا تۇتىنۋشىلارىنىڭ تۇگەلدەي ەلەكتر قۋاتى بازارىنا كىرۋىن ىلگەرىلەتۋ. تۇرعىندار پايدالاناتىن، اۋىل شارۋاشىلىعى ماقساتىندا پايدالانىلاتىن ەلەكترگە تىزىممەن ساتىلاتىن ەلەكتر باعاسى ساياساتىن ۇزدىكسىز اتقارۋ.

ٴۇشىنشى، ەلەكتر جەلىسى ۋاكىلدىك ساتىپ الىپ بەرۋ مەحانيزمىن ورناتۋ. ونەركاسىپ - ساۋدا تۇتىنۋشىلارىن بازاردا ساۋدالاۋعا تىكەلەي قاتىناسۋعا ىنتالاندىرۋ، بازاردا ساۋدالاۋعا تىكەلەي قاتىناسا قويماعاندار ٴۇشىن ەلەكتردى ەلەكتر جەلىسى كاسىپورىندارى ۋاكىلدىك ساتىپ الىپ بەرۋ.

ٴتورتىنشى، ۋاقىت ايىرماشىلىعىندىق ەلەكتر باعاسى مەحانيزمىن كەمەلدەندىرۋ. جوعارى، قالىپتى، تومەن ۋاقىت كەزەڭدەرىنە ٴبولۋدى ساپالىلاندىرىپ، ۋاقىت ايىرماشىلىعىندىق ەلەكتر باعاسى ولشەمىن ايقىنداپ، ەڭ جوعارى كەزدەگى ەلەكتر باعاسىن ورناتىپ، بازارلانعان تۇتىنۋشىلاردىڭ اتقارۋ ٴتاسىلىن كەمەلدەندىرىپ، تۇتىنۋشىلاردى ەلەكتر جەلىسى ەلەكتر تۇتىنۋ مولشەرىنىڭ جوعارى كەزەڭىن رەتتەۋىنە ىرىقتىلىقپەن ات سالىسۋعا ىنتالاندىرۋ.

«جوبادا» قامتاماسىز ەتۋ شارالارىن كۇشەيتىپ، رەفورمانىڭ ورنىقتى تياناقتانۋىنا شىنايى كەپىلدىك ەتۋ تالاپ ەتىلدى. ەلەكتر قۋاتى بازارى قۇرىلىسىن جاپپاي ىلگەرىلەتىپ، ٴتۇرلى ەلەكتر كوزدەرىنىڭ ەلەكتر شىعارۋ جوسپارلارىن جۇيەلى تۇردە ەركىنە جىبەرىپ، ەلەكتر قۋاتى بازارى جۇيەسىن اقاۋسىزداندىرىپ، تولىمدى بازار تۇلعالارىن جەدەل جەتىلدىرۋ؛ جاڭا ەنەرگيالىق ەلەكتر باعاسى مەحانيزمىن كەمەلدەندىرىپ، قايتا تۋىندايتىن ەنەرگيانى تۇتىنۋ كوففيتسەنتىن باعالاۋدى قاتايتىپ، جاسىل ەلەكتر قۋاتىنىڭ قۇنىن اناعۇرلىم ايقىن ايگىلەۋ؛ بازار باعاسىنىڭ تولقۋ حاۋىپ - قاتەرىنەن ساقتانۋ جانە ونى تىزگىندەۋدى ويداعىداي ىستەپ، ەلەكتر قۋاتى بازارىنىڭ وزگەرىسىن ٴجىتى قاداعالاپ، ۋاكىلدىك ەلەكتر ساتىپ الۋ مەحانيزمىنىڭ ورنىقتى اينالىمىن قامتاماسىز ەتۋ؛ بازار اينالىمىن باقىلاۋ - باسقارۋدى كۇشەيتىپ، ەلەكتر شىعارۋ، ەلەكتر تۇتىنۋ بازارىنداعى ساۋدا ٴىس - ارەكەتتەرى، ينفورماتسيانى اشىق ۇستاۋ، ەلەكتر اقىسىنىڭ ەسەبىن جابۋ، قىزمەت وتەۋ ساپاسى سياقتى جاقتاردى ارقاۋ ەتە وتىرىپ، ەلەكتر قۋاتى كاسىپورىندارى مەن ساۋدا قۇرىلىمدارىن باقىلاۋ - باسقارۋدى كۇشەيتىپ، تاماشا بازار ٴتارتىبىن ويداعىداي قورعاۋ.

مەملەكەتتىڭ ەلەكتر قۋاتى ٴتۇزىلىسى رەفورماسى جونىندەگى «ورتاداعىلاردى مەڭگەرۋ، ەكى باسىن قويا بەرۋ» جالپى تۇلعالىق تالابى بويىنشا، كومىر جاعۋدان شىعارىلعان، جەلىگە تىركەلگەن ەلەكتر باعاسىن بازارلاندىرۋ رەفورماسىن ونان ارى تەرەڭدەتىپ، شىن مانىندە «وسە دە الاتىن، تۇسە دە الاتىن» ەلەكتر باعاسى مەحانيزمىن ورناتۋ رايونىمىز ەلەكتر قۋاتىن بازارلاندىرۋ رەفورماسىنىڭ تاعى ٴبىر ماڭىزدى قادام تاستاعاندىعىنىڭ بەلگىسى، بۇل بازاردىڭ ەلەكتر قۋاتى بايلىعىن جايعاستىرۋ بارىسىنداعى رولىن اناعۇرلىم ويداعىداي ساۋلەلەندىرۋگە ٴتيىمدى بولىپ، ەلەكتر قۋاتى سالاسىنىڭ جوعارى ساپالى دامۋىن جەبەپ، ەلەكتر قۋاتىمەن حاۋىپسىز، تۇراقتى قامداۋدى قامتاماسىز ەتىپ، جاڭاشا ەلەكتر قۋاتى جۇيەسى قۇرىلىسىنا تىرەك بولىپ، ەنەرگيانىڭ جاسىل، تومەن كومىر قىشقىل گازدى باعىتقا قاراي تيبىن وزگەرتۋىنە قىزمەت ەتەدى.