قوعامدىق قامتاماسىزداندىرۋدىڭ حاۋىپسىزدىك تورىن بەرىك توقىدى

وبلىسقا توتە قاراستى قوعامدىق قامتاماسىزداندىرۋ جۇيەسى شىنايى يگەرىپ، ناقتى ىستەۋ ارقىلى حالىق تۇرمىسىن ۇزدىكسىز قامتاماسىزداندىرۋعا جانە جاقسارتۋعا كۇش سالۋدا

ٴتىلشىمىز مىڭ شيا، ەرىكتى ٴتىلشى ۋاڭ پيڭشان حابارلايدى. بىرنەشە كۇننەن بەرى وبلىسقا توتە قاراستى قوعامدىق قامتاماسىزداندىرۋ جۇيەسىندەگى كادرلار مەن جۇمىسشى - قىزمەتشىلەر مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، شىنايى يگەرىپ، ناقتى ىستەۋ ارقىلى حالىق تۇرمىسىن ۇزدىكسىز قامتاماسىزداندىرىپ جانە جاقسارتىپ، بۇقارانىڭ وزگەرىستەردى كورىپ، ناقتى يگىلىككە كەنەلۋىنە مۇمكىندىك جاساۋعا قۇلشىندى.

بيىلعى ەكى ٴماجىلىس كەزىندە باس شۋجي شي جينپيڭ مەملەكەتتىك ساياسي كەڭەس ماجىلىسىنە قاتىناسىپ جاتقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا بارعاندا مىنانى باسا دارىپتەدى: «قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالىپ، قوعامدىق قامتاماسىزداندىرۋ حاۋىپسىزدىك تورىن بەرىك توقىپ، حالىق تۇرمىسىنىڭ تىنىش، الاڭسىز بولۋىنا كەپىلدىك ەتۋ كەرەك».

وبلىستىق قوعامدىق قامسىزداندىرۋدى باسقارۋ مەكەمەسى مەملەكەتتىك ەكى ٴماجىلىس رۋحىن توڭىرەكتەي وتىرىپ جەدەل قيمىلدادى. بيىلعى ٴتۇيىندى قىزمەت − جالپى حالىقتى قامسىزداندىرۋعا قاتىناستىرۋ جوسپارىن ۇزدىكسىز اتقارىپ، زاڭدا بەلگىلەنگەن بۇقارانى تولىق قامتۋدى جۇزەگە اسىرۋ؛ قوعامدىق قامسىزداندىرۋ ارقىلى كەدەيلەردى سۇيەمەلدەۋ قىزمەتىنىڭ تابىستارىن ۇزدىكسىز تەرەڭدەتىپ جانە كەڭەيتىپ، اۋىل - قىستاقتى گۇلدەندىرۋ قىزمەتىن جەبەۋ؛ ٴتۇرلى قوعامدىق قامسىزداندىرۋ مامىلەسىن رەتتەۋ جانە تاراتۋ قىزمەتىن ۇزدىكسىز جاقسى ىستەپ، قوعامدىق قامسىزداندىرۋ مامىلەسىن رەتتەۋ مەحانيزمىن كەمەلدەندىرۋ؛ قوعامدىق قامسىزداندىرۋ قورىن باقىلاپ - باسقارۋ قىزمەتىن ۇزدىكسىز نىعايتىپ، تاراۋلار بىرلەسىپ قيمىلداپ، ساپانى جوعارىلاتۋىن كۇشەيتۋ؛ قوعامدىق قامسىزداندىرۋ قورىن باسقارۋدى ۇزدىكسىز كۇشەيتىپ، قوردىڭ حاۋىپسىز اينالىمىنا كەپىلدىك ەتۋ؛ جۇرگىزۋ، باسقارۋ، قىزمەت ەتۋ قابىلەتى قۇرىلىسىن ۇزدىكسىز كۇشەيتىپ، بۇقارانىڭ رازى بولۋ سالىستىرماسىن جوعارىلاتۋعا كۇش سالۋ.

قورعاس اۋداندىق قوعامدىق قامسىزداندىرۋدى باسقارۋ مەكەمەسى كادرلار مەن جۇمىسشى - قىزمەتشىلەردى باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنۋگە ۇيىمداستىردى ٴارى بيىلعى ٴتۇيىندى قىزمەتتەردى جەدەل ورنالاستىردى. 

قوعامدىق قامتاماسىزداندىرۋ قىزمەتىندە جالپى حالىقتىڭ قامسىزداندىرۋعا قاتىناسۋى قىزمەتىن ۇزدىكسىز ورنىقتى ىلگەرىلەتىپ، قوعامدىق قامسىزداندىرۋ ساياساتىن كوپ ساتىلى، ىشكەرىلەي ۇگىتتەپ، اۋىر مۇگەدەكتەر، ەڭ تومەنگى تۇرمىسى قامتاماسىزداندىرىلاتىندار سياقتى ەرەكشە قاۋىمدى قامسىزداندىرۋعا قاتىناستىرۋ ماسەلەسىن ٴتۇيىندى تۇردە ويداعىداي يگەرىپ، قامسىزداندىرۋعا تيىستىلەرىن تۇگەل قامسىزداندىرۋدى قۇلشىنا جۇزەگە اسىردى. بۇدان سىرت، بۇل مەكەمە ەلەكتروندى قوعامدىق قامسىزداندىرۋ كارتوچكاسىن جالپىلاستىرۋدى، پايدالانۋدى مۇقيات جاقسى ىستەپ، ەلەكتروندى قوعامدىق قامسىزداندىرۋ كارتوچكاسىنىڭ قىزمەت وتەۋ جانە پايدالانۋ كولەمىن كەڭەيتتى. نەگىزگى ساتى قىزمەت وتەۋ تەكشەلەرىنىڭ ۇگىت جاعىنان قامتۋ كولەمىن ۇزدىكسىز كەڭەيتىپ، زەينەتكەرلىك تولىمدىلىعىن كۋالاندىرۋ قىزمەتىندە بۇقارا الاڭدامايتىن، سارپالداڭ بولمايتىن كۋالاندىرۋ ۇلگىسىن جۇزەگە اسىرىپ، قوعامدىق قامسىزداندىرۋ قىزمەت وتەۋىن اۋىل - قىستاققا جەتكىزۋدەگى «ەڭ سوڭعى ٴبىر شاقىرىمدى» ىركىلىسسىزدەندىردى.

«ٴبىز باس شۋجي شي جينپيڭنىڭ تالابى بويىنشا، ەرەكشە قيىنشىلىعى بارلارعا جانە قيىنشىلىعى بار قاۋىمعا كوڭىل ٴبولۋدى، قامقورلىق جاساۋدى كۇشەيتىپ، حالىق تۇرمىسىنىڭ تىنىش، الاڭسىز بولۋىنا مۇمكىندىك جاراتۋعا قۇلشىنامىز» دەدى قورعاس اۋداندىق قوعامدىق قامسىزداندىرۋدى باسقارۋ مەكەمەسىنىڭ باستىعى حۋ شياۋشۋە. 

مەملەكەتتىك ەكى ٴماجىلىستىڭ رۋحىمەن ۇشتاستىرىپ، كۇنەس اۋداندىق قوعامدىق قامسىزداندىرۋدى باسقارۋ مەكەمەسى قوعامدىق قامسىزداندىرۋ بويىنشا جالپى حالىقتى قامسىزداندىرۋعا قاتىناستىرۋ جوسپارىن اتقارۋدان، قوعامدىق قامسىزداندىرۋ قورىنىڭ حاۋىپسىزدىك قىزمەتىن كۇشەيتۋدەن باستاپ ىسكە كىرىستى. موڭعۇلكۇرە اۋدانى حالىق تۇرمىسى ينجەنەرياسىنان باستاپ كىرىسىپ، تومەن كىرىستەگىلەر، مۇگەدەكتەر، قارتتار جانە ازامات جاسىنا تولماعاندار سياقتى ەرەكشە قاۋىمعا باعىتتاي وتىرىپ، قامسىزداندىرۋ ولشەمىن جوعارىلاتۋ، جۇمىستانۋ ارناسىن كەڭەيتۋ سياقتى كوپ ٴتۇرلى تاسىلمەن قامسىزداندىرۋ جەتىستىكتەرىن ۇزدىكسىز بەكەمدەدى جانە كەڭەيتتى. توعىزتاراۋ اۋداندىق قوعامدىق قامسىزداندىرۋدى باسقارۋ مەكەمەسى ساياسات جاعىنان ۇگىت جاساۋ، قوعامدىق قامسىزداندىرۋ قورىنىڭ حاۋىپسىزدىگىن بار كۇشپەن قامتاماسىز ەتۋ قىزمەتىن شىعار ٴتۇيىن ەتىپ، ەكى ٴماجىلىستىڭ رۋحىن ناقتاپ تياناقتاندىردى.