汉文 ىلە اقپارات تورابىنا حوش كەلدىڭىزدەر!
چاپچال اۋدانى: وسىزاماندانعان شوعىرلى مايسا جەتىلدىرۋ ارقىلى كوكونىس شارۋاشىلىعىنىڭ جوعارى ساپالى دامۋىن ىلگەرىلەتتى
2022-04-11 12:09:22     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

چاپچال اۋدانى: وسىزاماندانعان شوعىرلى مايسا جەتىلدىرۋ ارقىلى كوكونىس شارۋاشىلىعىنىڭ جوعارى ساپالى دامۋىن ىلگەرىلەتتى


ٴتىلشىمىز دۋ لەي حابارلايدى. 3 - ايدىڭ 30 - كۇنى چاپچال سىبە اۆتونوميالى اۋدانى حۋاجىن اۋىل شارۋاشىلىق عىلىم - تەحنيكاسىنا قىزمەت ەتۋ شەكتى سەرىكتەستىگىنىڭ مايسا ەگۋ - جەتىلدىرۋ ورتالىعىندا جۇمىسشىلار تامىرلانىپ، جاپ - جاسىل جايقالا وسكەن كوكونىس مايسالارىن قوراپتاپ قاريدارلارعا ٴبىرتۇتاس جونەلتۋدە. 

«مەن مايسا ەگۋ - جەتىلدىرۋ ورتالىعىنان 10 مىڭ تۇپتەن استام اسجاپىراق جانە شيلانحۋا مايساسىن تاپسىرىسپەن ساتىپ الدىم، 13 كوكونىس قالتقىسىندا كوكونىس مايساسىن وتىرعىزباقشىمىن، شوعىرلى جەتىلدىرىلگەن كوكونىس مايسالارىنىڭ ساپاسى جوعارى، دەرت -دەربەزگە قارسىلىق قۋاتى كۇشتى بولىپ، ٴونىمدى، كىرىستى ارتتىرۋىمىزعا نەگىز قالادى» دەدى چاپچال اۋدانى سورتتى تۇقىم جەتىلدىرۋ الاڭىنداعى ەگىمشى وتباسى جوۋ جيانكاڭ.

حۋاجىن اۋىل شارۋاشىلىق عىلىم - تەحنيكاسىنا قىزمەت ەتۋ شەكتى سەرىكتەستىگى وسىزاماندانعان شوعىرلى مايسا جەتىلدىرۋمەن اينالىساتىن كاسىپورىن، 2019 - جىلدان بەرى بۇل سەرىكتەستىك ىلگەرىندى - كەيىن ٴبىر ميلليون 300 مىڭ يۋاننان استام قارجى اجىراتىپ مايسا جەتىلدىرۋ قوندىرعىسى، تۇقىم سەبۋ ماشيناسى، جىلۋ شىعارۋ پەشى، جارىقتاندىرۋ لامپاسى، بۇركىپ سۋارۋ ماشيناسى سياقتى جارتىلاي اۆتوماتتانعان مايسا جەتىلدىرۋ قۇرىلعىلارىن ساتىپ الىپ، كوكونىس مايساسىنىڭ ساپاسىن اناعۇرلىم جوعارىلاتتى. قازىر وسى سەرىكتەستىكتىڭ تۇراقتى ٴوندىرىس اينالىمىندا 13 مايسا جەتىلدىرۋ قالتقىسى بار بولىپ، سيىر بۇرشاق، كوك بۇرشاق، اسجاپىراق سياقتى 27 ٴتۇرلى كوكونىس مايساسىن جەتىلدىرەدى، جىلدىق ٴوندىرىس مولشەرى 4 ميلليون تۇپتەن استام بولىپ، جىلدىق ٴوندىرىس قۇنى 2 ميلليون يۋان توڭىرەگىندە ەكەن.

 سەرىكتەستىكتىڭ مايسا ەگۋ - جەتىلدىرۋ ورتالىعىنىڭ باسقارۋشىسى جيا جيڭ بىلاي دەدى: «سەرىكتەستىگىمىز جەتىلدىرگەن كوكونىس مايسالارى نەگىزىنەن اتىزدا، قالتقىدا، جىلىجايدا ەگۋگە ىستەتىلەدى، ٴبىر جىلدىڭ ٴتورت ماۋسىمىندا دا مايسا جەتىلدىرىلەدى. وسىزاماندانعان ٴوندىرىس قۇرىلعىلارى بولعاندىقتان كوكونىس مايسالارى تۇراقتى تەمپەراتۋرادا ٴوسۋ، تەگىس سۋارىلۋ، جارىق ۇيلەسىمدى  بولۋ سياقتى ەرەكشەلىكتەرگە يە، شوعىرلى مايسا جەتىلدىرۋ وزىندىك قۇندى تومەندەتىپ، ەگىمشى وتباسىلارىنىڭ ماقۇلداۋىنا يە بولدى. قازىر ونىمدەرىمىز ىلە اڭعارىندا ساتىلۋمەن بىرگە، بۇراتالا موڭعۇل اۆتونوميالى وبلىسىنا دا ساتىلۋدا. بيىل سەرىكتەستىك تاعى دا ولشەمدەنگەن جىلىجاي قالتقىسىنان ەكەۋىن سالۋمەن بىرگە وزىق قۇرىلعىلاردى ەنگىزىپ، مايسا جەتىلدىرۋ اۋماعىن كەڭەيتەدى».

 جۋىق جىلداردان بەرى چاپچال اۋدانى كوكونىس كاسىبىنىڭ دامۋ بولاشاعىن دۇرىس مەجەلەپ، كوكونىس مايساسىن جەتىلدىرۋدىڭ جاڭا تەحنيكالارىن جالپىلاستىرۋ، قولدانۋ جاعىنا بارىنشا كۇش سالىپ، وسىزاماندانعان شوعىرلى مايسا جەتىلدىرۋ كاسىبىنىڭ دامۋىن ىلگەرىلەتۋگە ىنتالاندىرىپ، كوكونىس بازالارىن مايسامەن ٴبىرتۇتاس قامداۋ، تۇرلەردى بىرلىككە كەلتىرۋ سىندى ولشەمدەنگەن ٴوندىرۋ، باسقارۋدى جۇزەگە اسىرۋعا جەتەكتەپ، تۇتاس اۋداننىڭ كوكونىس كاسىبىنىڭ جوعارى ساپالى دامۋىن ىلگەرىلەتتى. 

چاپچال اۋدانىنىڭ سورتتى تۇقىم جەتىلدىرۋ الاڭىنا ورنالاسقان زەردەلىلەنگەن اينەك جىلىجايداعى مايسا جەتىلدىرۋ ورتالىعى وسى اۋداننىڭ كوكونىس مايساسىن جەتىلدىرۋ كاسىبىنىڭ دامۋىنا وسكەلەڭ ٴمان بەرگەندىگىنىڭ ناقتى بەينەسى، 12 مىڭ 96 شارشى مەترلىك زەردەلىلەنگەن اينەك جىلىجاي بيىل رەسمي وندىرىسكە قوسىلدى. چاپچال اۋداندىق اۋىل شارۋاشىلىعى، اۋىل - قىستاق مەكەمەسى اۋىل شارۋاشىلىق قۇرىلىمىن رەتتەۋدى تىعىز توڭىرەكتەپ، زەردەلىلەنگەن اينەك جىلىجايدى ىسكە قوسىپ، كوكونىس مايساسىن جەتىلدىرۋدىڭ ٴونىمدى قامداۋىن جانە ٴوندىرىس ونىمدىلىگىن كۇش سالا جوعارىلاتىپ، كوكونىس مايساسىن جەتىلدىرۋدىڭ كولەمدەنگەن تيجارات تۇلعاسىن قالىپتاستىرىپ، كوكونىس مايساسىن جەتىلدىرۋدىڭ عىلىم - تەحنيكالىق تىرەكتىك دەڭگەيىن جوعارىلاتقان ٴارى ونىڭ قوعامدانعان قىزمەت وتەۋ جۇيەسىن كەمەلدەندىرىپ، وزىق تەحنيكالاردى شوعىرلاندىرىپ، كوكونىس ەگۋدى كولەمدەندىرۋ، ٴوندىرۋدى ولشەمدەندىرۋ، ساتۋدى ماركالاندىرۋ جانە بازارلاستىرۋدى ىلگەرىلەتىپ، كوكونىس كاسىبىنىڭ ساپاسى حاۋىپسىز، ورتاسى جاقسى، ٴوندىرىس - تيجاراتى ٴونىمدى بولۋ ۇلگىسىنە قاراي بۇرىلىس جاساۋىنا جەتەكشىلىك ەتىپ، كوكونىس ونىمدەرىنىڭ ساپاسىن ورنىقتى جوعارىلاتىپ، كوكونىس شارۋاشىلىعىنىڭ باسەكەلىك قۋاتىن جوعارىلاتىپ، بازاردى ٴونىمدى قامداۋ مەن ديقانداردىڭ كىرىسىن ارتتىرۋعا كەپىلدىك ەتتى.

ٴتىلشى اينەك جىلىجاي باسقارۋشىلارىنىڭ الىستان مەڭگەرگىش ارقىلى بۇركىپ سۋارۋ ماشيناسىمەن كوكونىس مايساسىن سۋاراتىنىن، اينەك جىلىجايعا ىشكى - سىرتقى كۇن نۇرىن توساتىن قۇرىلعى سەپتەلگەنىن، اۋا الماستىرۋ، تەمپەراتۋرانى تەڭشەۋ جۇيەسى، جىلجىمالى مايسا جەتىلدىرۋ قوندىرعىسى، اۆتوماتتى سۋارۋ جۇيەسى سياقتى عىلىم - تەحنيكالىق قۇرىلعىلارىن كورىپ كوز ايدىن بولدى.

چاپچال اۋدانى سورتتى تۇقىم جەتىلدىرۋ الاڭى شينلياڭ كوكونىس كاسىپتىك سەلبەستىك كووپەراتيۆىنىڭ باس القاسى ما چىڭلاي بىلاي دەدى: بيىل 1 - ايدا اينەك جىلىجاي ىسكە قوسىلعاننان بەرى، 8 ميلليون ٴتۇپ كوكونىس مايساسى ٴوسىرىلدى،  جىلىنا 30 ميلليون ٴتۇپ مايسا وسىرىلەتىندىگى مەجەلەنۋدە. ماشينالاسقان مايسا جەتىلدىرۋ ۇلگىسىمەن جەتىلدىرىلگەن مايسانىڭ جاپىراعى، ساباعى، تامىر جۇيەسى تۇگەلدەي ولشەمگە جەتەدى، دەرت - دەربەزگە قارسىلىق قۋاتى كۇشتى، مايسانىڭ قاتارعا قوسىلۋ مولشەرى جوعارى، سونداي - اق رەتتى، بىركەلكى بولىپ، ٴبىر تۇتاس باسقارۋعا، بىرلىك ٴونىمدى جوعارىلاتۋعا، اۋىل شارۋاشىلىق ونىمدەرىمەن ورنىقتى قامداۋدى قامتاماسىزداندىرۋعا قولايلى بولىپ، وسى زامانعى قۇرىلعى كوكونىس شارۋاشىلىعىنىڭ دامۋىن ىلگەرىلەتۋگە نەگىز قالايدى.