قورعاس ەكونوميكالىق اشۋ رايونى: ارنايىلاندىرىلعان، كەمەلدەندىرىلگەن، ەرەكشەلەندىرىلگەن،جاڭاشالاندىرىلعان باقشا رايونىن دامىتۋعا جەتەكشىلىك ەتتى
شينجياڭ گازەتىنىڭ ٴتىلشىسى بارشا تەگىس قىزى حابارلايدى. 3 - ايدىڭ 30 - كۇنى ٴتىلشى ىلە شىننۇڭ بيو - تەحنيكا شەكتى سەرىكتەستىگىنىڭ رەتتى دە جارىق ٴوندىرىس سەحنا بارعاندا، جۇمىسشىلار ٴتاتتى كۇرەڭكەيدەن گليۋكوزيدى ايىرۋدىڭ شىلاۋ، ايىرۋ جۇمىسىن جۇرگىزىپ جاتقان ەدى. ٴتاتتى كۇرەڭكەي جاپىراعىن شىلاۋ تەمپەراتۋاسى، سۋ مولشەرى، شىلاۋ ۋاقىتى تۇگەلدەي قاتاڭ مەڭگەرىلۋى كەرەك ەكەن.
ىلە شىننۇڭ بيو - تەحنيكا شەكتى سەرىكتەستىگى اۆتونوميالى رايون دارەجەلى «ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان» كاسىپورىن. ٴتاتتى كۇرەڭكەي گليۋكوزيدى ٴۇشىنشى ۇرپاق قانت قاينارى رەتىندە ساحاروزانىڭ جانە جاساندى جولمەن سينتەزدەلگەن قانتتىڭ ورنىن باسا الادى، سەرىكتەستىكتە جىلىنا 500 توننا %90 تىك ٴتاتتى كۇرەڭكەي گليۋكوزيدى وندىرەتىن ٴوندىرىس جەلىسى بار، جىلدىق ٴونىم قۇنى 100 ميلليون يۋانعا جەتەدى.
«سەرىكتەستىك جىبەك جولى ەكونوميكالىق بەلدەۋىندەگى وزەكتى رايون قۇرىلىسى ورايىن مىقتى يگەرىپ، قورعاسقا ىرگە تەپكەننەن كەيىن <بەستى كەشىرىم ەتۋ، بەستى ازايتۋ> سياقتى ساياساتتاردان يگىلىكتەنىپ، سەرىكتەستىكتىڭ دامۋىنا قولايلىلىق جاراتىلدى» دەپ تانىستىردى ىلە شىننۇڭ بيو - تەحنيكا شەكتى سەرىكتەستىگىنىڭ باس مەڭگەرۋشىسى شاۋ شينحۋا.
قورعاس ەكونوميكالىق اشۋ رايونى قۇلجا باقشا رايونىنداعى ورتا، شاعىن كاسىپورىنداردىڭ شارۋاشىلىق قۇرۋ، جەتىلدىرۋ باقشاسىندا شينجياڭ كىشىفي ەمدەۋ جابدىقتارى شەكتى سەرىكتەستىگىنىڭ جۇمىسشىلارى ٴبىر توپ ىستىق وتكىزىپ ەمدەۋ جابدىقتارىن ورناتىپ جاتىپتى، بۇل ونىمدەر بەيجيڭ، گۋاڭدۇڭ، شاڭحاي سياقتى جەرلەرگە ساتىلادى. بۇل سەرىكتەستىك جۇڭگوشا شيپاگەرلىك، ەمدەۋ اسپاپتارىن ٴوندىرۋدى جانە زەرتتەپ اشۋدى نەگىز ەتكەن تۇلعالىق ٴوندىرىس كاسىپورنى. 2021 ـ جىلى بۇل كاسىپورىن اۆتونوميالى رايوننىڭ ورتا، شاعىن كاسىپورىندارعا تەحنيكالىق جاقتان قىزمەت وتەۋ تۇعىرىنا ٴساتتى ٴوتىنىش بەردى. سەرىكتەستىكتىڭ ٴار جىلعى زەرتتەۋ ـ اشۋ، جاڭالىق اشۋ نىساندارىنا قوسقان قارجىسى سەرىكتەستىكتىڭ جالپى اينالىم قاراجاتىنىڭ %10 ىنەن استامىن يەلەيدى.
2021 ـ جىلى قورعاس ەكونوميكالىق اشۋ رايونى قۇلجا باقشا رايونىنداعى ورتا، شاعىن كاسىپورىنداردىڭ شارۋاشىلىق قۇرۋ جەتىلدىرۋ باقشاسى مەن قورعاس اۋدانىنداعى ورتا، شاعىن كاسىپورىنداردىڭ شارۋاشىلىق قۇرۋ باقشاسى مەملەكەتتىك شاعىن، ۇساق كاسىپورىندارىنىڭ شارۋاشىلىق قۇرۋدان، جاڭالىق اشۋدان ۇلگى كورسەتۋ بازاسى اتاعىن الدى. ىلە قازاق اۆتونوميالى وبلىسى وسى ەكى بازانىڭ شوعىرلاندىرۋ، جەتەكتەۋ، ۇلگى كورسەتۋ، ىقپال كورسەتۋ رولىن ساۋلەلەندىرۋ ارقىلى بازاداعى «ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان» ورتا، شاعىن كاسىپورىنداردىڭ دامۋىن ىلگەرىلەتتى.
قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى جاڭ يۇڭنيڭ بىلاي دەدى: سوڭعى جىلدارى قورعاس «ٴبىر بەلدەۋ، ٴبىر جول» ورايىن مىقتى يگەرىپ، «وتكەل ەكونوميكاسىنىڭ»، «كاسىپ ەكونوميكاسىنا»، «شەكارا وتكەلى ەكونوميكاسىنا» قاراي بۇرىلىس جاساۋىن جەدەل ىلگەرىلەتتى. 2021 ـ جىلدان بەرى، قورعاستىڭ «ٴبىر رايون، 3 باقشاسىندا» 193 ساۋداگەر شاقىرىپ، قارجى ەنگىزۋ نىسانى اتقارىلىپ، جالپى 110 ميلليارد 130 ميلليون يۋان قارجى قوسىلىپ، 40 ميلليارد 347 ميلليون يۋان قارجى تياناقتاندىرىلدى.