汉文 ىلە اقپارات تورابىنا حوش كەلدىڭىزدەر!
اۆتونوميالى وبلىستىق پارتكومنىڭ لەكتورلار ۇيىرمەسى قۇلجا اۋدانىندا ۇگىت - لەكسيا جاسادى
2022-06-01 11:45:40     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنىپ، ۇگىتتەپ، دايەكتىلەندىرىپ، تياناقتاندىردى


ٴتىلشىمىز مىڭ شيا حابارلايدى. جاقىنعى كۇندەردەن بەرى، اۆتونوميالى وبلىستىق پارتكوم لەكتورلار ۇيىرمەسى وبلىسقا توتە قاراستى اۋدان - قالالارعا بارىپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جونىندە ۇگىت - لەكسيا، بايانداما جاساۋ جيىنىن اشىپ، ٴار ۇلت كادر جۇرتشىلىعىنىڭ اۆتونوميالى رايوندىق  10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن دۇرىس يگەرىپ، تەرەڭ تۇسىنۋىنە، جاپپاي دايەكتىلەندىرۋىنە كومەكتەسىپ، جالپى ٴماجىلىس رۋحىنىڭ جۇرت كوڭىلىنە تەرەڭ ۇيالاپ، تياناقتانىپ، تامىر تارتۋىن جەبەدى.

5 - ايدىڭ 29 - كۇنى اۆتونوميالى وبلىستىق پارتكوم لەكتورلار ۇيىرمەسىنىڭ مۇشەسى ياڭ چىنلياڭ قۇلجا اۋدانىنا بارىپ، اۋداندىق پارتيا مەكتەبىنىڭ وقىتۋشىلارىنا، نەگىزگى ساتى ۇگىتشىلەرىنە جانە ٴارقايسى اۋىل، قالاشىقتاعى (بولىمشە، رايون) ۇگىت قىزمەتىنە جاۋاپتى كادرلارعا ۇلگى كورسەتىپ ۇگىت - لەكسيا جاسادى. ۇگىت - لەكسيادا اۆتونوميالى رايوندىق پارتكومنىڭ شۋجيى ما شيڭرۇيدىڭ اۆتونوميالى رايوندىق 10 - كەزەكتى پارتكوم ٴۇشىنشى جالپى ماجىلىسىندە سويلەگەن ٴسوزىنىڭ رۋحى مەن جالپى ٴماجىلىستىڭ نەگىزگى تاقىرىبى تىعىز توڭىرەكتەلىپ، جالپى ٴماجىلىستىڭ رۋحى جان - جاقتى تانىستىرىلىپ، كەزەكتەگى جانە بۇدان بىلايعى ٴبىر مەزگىلدەگى شينجياڭ قىزمەتىنىڭ تۇيىنىنە ىشكەرىلەي تالداۋ جاسالىپ، جالپى ٴماجىلىستى اشۋدىڭ ارتقى كورىنىسى، ماڭىزدى ٴمانى ٴتۇسىندىرىلدى ٴارى ٴىس جۇزىندىك جاعدايعا ۇشتاستىرىلىپ، جالپى ماجىلىستە كورنەكتىلەندىرىلگەن ەرەكشەلىكتەر مەن جارقىن تۇيىندەر، لوگيكالىق نەگىزگى جەلى، نەگىزگى مازمۇنى، وزەكتى ٴمانى سياقتىلار جونىندە ىشكەرىلەي تۇسىنىك جاسالىپ، دۇرىس ٴارى جۇيەلى باياندالىپ، تارتىمدى تىلمەن اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحى جۇيەلى باياندالدى جانە ٴتۇسىندىرىلدى. سونىمەن بىرگە اينالاداعى اڭگىمەلەر، تيپتىك مىسال سياقتىلارمەن بىرلەستىرىپ، اسەرلى ٴتىل ارقىلى جالپى ٴماجىلىس رۋحى ىشكەرىلەي، جان - جاقتى باياندالدى.

باياندامانى تىڭداعاننان كەيىن قۇلجا اۋدانى حۇديارجۇزى قالاشىقتىق پارتكومنىڭ ۇگىت مۇشەسى يۇي حايشيا بىلاي دەدى: «اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحى جونىندە ٴتىپتى دە تەرەڭ تۇسىنىككە جانە تانىمعا يە بولدىم، جالپى ماجىلىستە ورتاعا قويىلعان 13 ٴتۇيىندى قىزمەت نەگىزگى ساتى كادرلارىنا قىزمەت بەتالىسىن ايقىن كورسەتىپ بەردى. نەگىزگى ساتى ۇگىت مۇشەسى بولۋ تۇرعىسىنان قىزمەت ورنىما قايتىپ بارعان سوڭ، بۇقاراعا الۋان ٴتۇرلى فورمامەن ۇگىت - لەكسيا ورىستەتىپ، جالپى ٴماجىلىس رۋحىن بۇقارانىڭ كوكەيىنە تەرەڭ ۇيالاتىپ، كورىكتى ورىك مەكەنىن قۇرۋعا تيەسىلى ۇلەسىمدى قوسامىن».

قۇلجا اۋداندىق قوعام حاۋىپسىزدىگى مەكەمەسىنەن جاڭاتام قالاشىعى بويراشى قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى ياڭ جۇنليڭ باياندامانى تىڭداعاننان كەيىن بىلاي دەدى: «وسى رەتكى ۇگىت - لەكسيانى وراي ەتىپ، جالپى ٴماجىلىس رۋحىن جاپپاي ۇيرەنىپ، دايەكتىلەندىرىپ، نەگىزگى ساتىداعى بۇقارا ٴۇشىن قىزمەت وتەۋ ىستەرىنە بەلسەنە ات سالىسۋعا قۇلشىنامىن».

حۇديارجۇزى قالاشىعىنىڭ ۇگىت كادرى ٴدىلحۇمار يلاحۇن بىلاي دەدى: «ۇگىت - لەكسيانى تىڭداعاننان كەيىن جالپى ٴماجىلىستىڭ ناقتى ٴمانى جونىندە اناعۇرلىم تەرەڭ تۇسىنىككە يە بولىپ، <كىمگە ۇگىت - لەكسيا جاساۋ، قالاي ۇگىت - لەكسيا جاساۋ، نە جونىندە ۇگىت - لەكسيا جاساۋدى> ٴبىلدىم، قىزمەت ورنىما قايتىپ بارعان سوڭ اينالامداعى بۇقاراعا جالپى ٴماجىلىستىڭ رۋحىن ويداعىداي ۇگىتتەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي تياناقتاندىرۋعا ۇلەس قوسامىن».