شي جينپيڭنىڭ مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەسۋى ىلە وبلىسىندا كۇشتى اڭىس قوزعادى

بورىش جاۋاپكەرلىك ارقالاۋعا ۇندەيدى، ۇلگىلەر داۋىرگە جەتەكشىلىك ەتەدى

ٴتىلشىمىز شى شۋەحۇڭ، ەرىكتى تىلشىلەر ۋ شياۋفىڭ، جۋ جيچيڭ، جيا باۋحۇڭ، يۋە يۇن حابارلايدى. 5 - ايدىڭ 25 - كۇنى مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسى بەيجيڭدە وتكىزىلدى. باس شۋجي شي جينپيڭ ٴماجىلىس ۋاكىلدەرىمەن ىقىلاسپەن كەزدەسىپ، ولاردى قىزۋ قۇتتىقتادى، بۇكىل ەلدەگى قالىڭ قوعام حاۋىپسىزدىگى حالىق ساقشىلارىنا، كومەكشى ساقشىلارعا شىنايى سالەم جولدادى. 

باس شۋجي شي جينپيڭنىڭ قوعام حاۋىپسىزدىگى قىزمەتىنە وسكەلەڭ ٴمان بەرۋى، قوعام حاۋىپسىزدىگى قوسىنىنا كوڭىل ٴبولۋى، قامقورلىق جاساۋى ىلە وبلىسىنىڭ قوعام حاۋىپسىزدىگى جۇيەسىندە كۇشتى اڭىس قوزعادى. وبلىستىق قوعام حاۋىپسىزدىگى جۇيەسىندەگى قالىڭ حالىق ساقشىلارى، كومەكشى ساقشىلار باس شۋجي شي جينپيڭ مەن پارتيا ورتالىق كوميتەتىنىڭ كوڭىل ٴبولۋىن، قامقورلىعىن قوزعاۋشى كۇش ەتىپ، پارتياعا ادال بولۋ، حالىققا قىزمەت ەتۋ، زاڭدى ٴادىل اتقارۋ، ٴتارتىپتى قاتايتۋ جالپى تالابىن ادالدىقپەن امالياتتا ايگىلەپ، ماداقتالىپ - سيلانعان قاھارمان ۇلگىلەر مەن ەڭبەك كورسەتكەن كوللەكتيۆتەردى ۇلگى ەتىپ، ۇدىرە، ەكپىندەي ۇمتىلىپ، ەرلىكپەن العا باسىپ، جاڭا داۋىردەگى ىلەنىڭ قوعام حاۋىپسىزدىگى قىزمەتىنىڭ جوعارى ساپالى دامۋىن ىلگەرىلەتەتىندىكتەرىن ٴبىلدىردى. 

5 - ايدىڭ 25 - كۇنى قۇلجا قالالىق قوعام حاۋىپسىزدىگى مەكەمەسى باتىس قالا ساقشى بولىمشەسىنە قوعام حاۋىپسىزدىگى مينيسترلىگى «مەملەكەتتىك تاڭداۋلى قوعام حاۋىپسىزدىگى نەگىزگى ساتى ورنى» داڭقتى اتاعىن بەردى. سول كۇنى باتىس قالا ساقشى بولىمشەسى بارلىق حالىق ساقشىلارىن، كومەكشى ساقشىلاردى مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنىڭ حابارىن تىڭداۋعا، كورۋگە ۇيىمداستىردى ٴارى ٴتۇرلى فورمالارمەن ٴماجىلىستىڭ رۋحىن ىشكەرىلەي ۇيرەندى، دايەكتىلەندىردى. 

«ٴبىز ەرەكشە جەلپىندىك جانە شابىتتاندىق». باتىس قالا ساقشى بولىمشەسى پارتيا ياچەيكاسىنىڭ شۋجيى، ساقشى بولىمشەسىنىڭ باستىعى سۇن شيڭتاۋ بىلاي دەدى: «جاڭا باستالۋ تۇيىنىندە تۇرعان ساقشى بولىمشەسىندەگى بارلىق حالىق ساقشىلارى، كومەكشى ساقشىلار الداعى جەردە، ٴسوز جوق، ٴماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، ۇدەرە، ەكپىندەي ۇمتىلىپ، قاراستى ٴوڭىردىڭ اماندىعىن بار كۇشپەن قورعاپ، ٴار ۇلت بۇقاراسىنا قىزمەت وتەپ، قاراستى ٴوڭىردىڭ ىركىلىسسىز، ٴتارتىپتى، تىنىش، ورنىقتى بەرىك قورعانىس شەبىن ورناتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الادى». 

«قاھارمان ۇلگىلەردىڭ ىزگى ىستەرى جان تەبىرەنتەدى، قاھارمان ۇلگىلەردىڭ رۋحىنان بارلىعىمىز ۇيرەنۋىمىز كەرەك». ىلە وبلىستىق قوعام حاۋىپسىزدىگى مەكەمەسى ەرەكشە ساقشى تارماق اترەتىنىڭ حالىق ساقشىسى ليۋ فاڭجىڭ مىنانى ٴبىلدىردى: «حالىق ساقشىسى رەتىندە پارتيا مەن حالىق جۇكتەگەن بورىش پەن مىندەتتى باتىل اتقارىپ، «ٴتورت تانىمدى» ۇزدىكسىز كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتياعا قالتقىسىز ادال بولۋداي ساياسي قاسيەتتى ماڭگى ساقتايمىن. اۋەلگى ماقساتتى، بورىشتى ەستە بەرىك ساقتاپ، جاۋاپكەرشىلىك ارقالاۋدى ۇزدىكسىز كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ قىزمەتىن جوعارى ولشەممەن، جوعارى ساپامەن ويداعىداي يگەرۋگە قۇلشىنامىن».

«ماداقتاۋ - سيلاۋ جينالىسى − بۇكىل ەلدەگى قوعام حاۋىپسىزدىگى ورگاندارىنا بەرىلگەن ايرىقشا زور ماداق جانە شىنايى قامقورلىق». نىلقى اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى، 3 - دارەجەلى جوعارى اعا ساقشى جاڭ شۇي بىلاي دەدى: «بۇدان كەيىن شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتىپ، قاھارمان ۇلگىلەردىڭ رۋحىن بارىنشا ساۋلەلەندىرىپ، اۋەلگى ماقساتتى، بورىشتى ادالدىقپەن امالياتتا ايگىلەپ، مىندەتتى ادالدىقپەن اتقارۋعا، قابىلەتتى جوعارىلاتۋعا، ىسىلعان قوسىن سومداۋعا كۇش سالىپ، زاڭمەن باسقارۋ وي جەلىسى مەن زاڭمەن باسقارۋ ٴتاسىلى ارقىلى حاۋىپ - قاتەردەن ساقتانۋعا، قىلمىسقا سوققى بەرۋگە، ماسەلەلەردى ٴبىر جاقتى ەتۋگە، قايشىلىقتاردى شەشۋگە تاباندى بولىپ، مەملەكەتتىڭ حاۋىپسىزدىگى مەن شينجياڭنىڭ قوعامدىق جالپى جاعدايىنىڭ ورنىقتىلىعىن باتىل قورعاپ، ٴىس جۇزىندىك ارەكەتىم ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الامىن».

«قاھارمانداردىڭ ىزگى ىستەرى مەنى قوعام ورنىقتىلىعىن قورعاۋ جانە حالىقتىڭ ٴومىرى مەن مال - مۇلكىنىڭ حاۋىپسىزدىگىن قامتاماسىز ەتۋ جولىندا قاجىماي - تالماي كۇرەس جۇرگىزۋگە ىنتالاندىردى» دەدى چاپچال سىبە اۆتونوميالى اۋداندىق قوعام حاۋىپسىزدىگى مەكەمەسى قىلمىستىق ىستەردى بارلاۋ ۇلكەن اترەتىنىڭ ساياسي جەتەكشىسى جين شان. ول تاعى بىلاي دەدى: «قاھارمان قۇرباننىڭ پەرزەنتى رەتىندە قوعام حاۋىپسىزدىگى قاھارمان ۇلگىلەرىن ۇلگى ەتىپ، قاھارمان ۇلگىلەردىڭ ىزگى ىستەرىنەن رۋحاني كۇش - قۋات الامىن، الداعى جەردە قىزمەت ورنىمدى تياناق ەتىپ، جاڭا بىلىمدەردى ۇزدىكسىز ۇيرەنىپ، جاڭا ونەر يگەرىپ، كاسىپتىك ورەم مەن قىزمەت وتەۋ قابىلەتىمدى جوعارىلاتىپ، اسقاق جىگەرمەن، تاسقىنداعان ىنتامەن قىلمىستىق ٴىس - ارەكەتتەرگە سوققى بەرۋ قىزمەتىنە ات سالىسامىن، سونىمەن بىرگە، ٴار رەتكى قىزمەت وتەۋىم ارقىلى ٴار ۇلت بۇقاراسىنا شەكسىز مەيىر - شاپاعاتتى سەزىندىرەمىن».