جەرگىلىكتى ورىن ەكونوميكاسىنا فينانستىق قىزمەت وتەۋدى ىلگەرىلەتىپ، تۇلعالىق ەكونوميكانىڭ تەز قارقىنمەن دامۋىنا دەم بەردى

وبلىستىق ۇكىمەت جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىمەن ٴتۇيىندى نىسانداردى ىلگەرىلەتۋ كەلىسىمىنە قول قويىستى

ٴتىلشىمىز ۋاڭ ليلي حابارلايدى. 6 - ايدىڭ 8 - كۇنى تۇستەن بۇرىن ىلە وبلىستىق ۇكىمەت پەن جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىنىڭ ٴتۇيىندى نىسانداردى ىلگەرىلەتۋ كەلىسىمىنە قول قويۋ سالتى ىلە قوناق سارايىندا وتكىزىلدى. كەلىسىم بويىنشا جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى ىلە وبلىسىنىڭ «14 - بەسجىلدىق» مەزگىلىندەگى ٴتۇيىندى نىسانداردى ىلگەرىلەتۋىنە 60 ميلليارد يۋان قارىز بەرەتىن بولدى.

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى، جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى پارتكومىنىڭ شۋجيى، بانكە باستىعى جياڭ چۇنشيڭ ماجىلىسكە قاتىناستى ٴارى ٴسوز سويلەدى. وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى جياۋ ي - مين قول قويۋ سالتىنا قاتىناستى، وبلىستىق پارتكومنىڭ تۇراقتى مۇشەسى، وبلىستىڭ ورىنباسار باستىعى چىن شياڭ ٴماجىلىستى باسقاردى.

ەلشات تۇرسىنباي ۇلى ەڭ اۋەلى جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىنىڭ ۇزاق ۋاقىتتان بەرى اۆتونوميالى وبلىستىڭ ٴتۇرلى قىزمەتتەرىنە زور قولداۋ كورسەتكەندىگىنە العىس ايتتى. ول بىلاي دەدى: جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى مەن وبلىستىق ۇكىمەت قول قويىسقان ٴتۇيىندى نىسانداردى ىلگەرىلەتۋ كەلىسىمى وتكەن جىلعى ەكى جاق قول قويىسقان ستراتەگيالىق سەلبەستىك كەلىسىمىن تياناقتاندىرىپ، ناقتى سەلبەستىكتى تەرەڭدەتۋدىڭ ماڭىزدى قۇرامداس بولەگى، سونداي - اق اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ، جەرگىلىكتى ورىن ەكونوميكاسىنا فينانستىق قىزمەت وتەۋدى ىلگەرىلەتىپ، تۇلعالىق ەكونوميكانىڭ تەز قارقىنمەن دامۋىنا دەم بەرۋدىڭ جاندى امالياتى. ىلە وبلىسى وسى رەتكى ٴتۇيىندى نىسانداردى ىلگەرىلەتۋ كەلىسىمىن جاساسۋدى وراي ەتىپ، جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىنىڭ دامىپ، الۋەتتەنۋىنە ۇزدىكسىز قولداۋ كورسەتىپ، سەنىمدى سەلبەستىك ورناتىپ، ٴبىر - بىرىنە سۇيەنىپ، بىرگە جەبەپ، جاراسىمدى داميتىن ۇكىمەت - بانكە قارىم - قاتىناسىن بەلسەنە ورناتىپ، جەرگىلىكتى ورىن مەن كاسىپورىننىڭ تەڭ يگىلىككە كەنەلۋىن قۇلشىنا جۇزەگە اسىرىپ، جەرگىلىكتى ورىننىڭ ەكونوميكالىق قۇرىلىسى مەن فينانس اينالىمىنىڭ تاماشا ىقپالداستىعىن جەبەۋگە قۇلشىنادى. 

جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىنىڭ فينانستىق قولداۋ كورسەتۋ رولىن اناعۇرلىم ويداعىداي ساۋلەلەندىرىپ، ىلە وبلىسىنىڭ ەگىن، مال شارۋاشىلىعىن وسىزامانداندىرۋىن، تۇراقتى مۇلىككە قارجى قوسۋىن، تۇلعالىق ەكونوميكانى دامىتۋىن اناعۇرلىم پارمەندى فينانستىق قولداۋ جانە اناعۇرلىم جوعارى ورەلى فينانستىق قىزمەت وتەۋمەن قامتاماسىزداندىرىپ، شينجياڭدا ۇكىمەت پەن بانكەنىڭ ناقتى، جوعارى ٴونىمدى سەلبەستىگىنىڭ ۇلگىسىن ورناتىپ، پارتيا 20 - قۇرىلتايىنىڭ جەڭىسپەن اشىلۋىن ٴىس جۇزىندىك ونىمدىلىكپەن قارسى الۋىن ٴۇمىت ەتەمىن.

جياڭ چۇنشيڭ بۇل رەتكى سەلبەستىكتىڭ دامۋ بولاشاعىنىڭ نۇرلى بولاتىندىعىنا سەنىمدى ەكەندىگىن ٴبىلدىردى. ول مىنانى ٴبىلدىردى: بۇل رەتكى قول قويۋ سالتى − مەملەكەتتىك ەكونوميكانىڭ جالپى جاعدايىن ورنىقتىرۋ ٴماجىلىسىنىڭ رۋحىن ىشكەرىلەي دايەكتىلەندىرۋدىڭ، تياناقتاندىرۋدىڭ ناقتى ارەكەتى ٴارى اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحى مەن ما شيڭرۇي شۋجيدىڭ ىلەدە قىزمەت تەكسەرگەن كەزدەگى ماڭىزدى نۇسقاۋىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى بولىپ، جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى مەن ىلە وبلىسىنىڭ استىق حاۋىپسىزدىگىنىڭ، اۋىل - قىستاقتى گۇلدەندىرۋدىڭ، جىبەك جولى ەكونوميكا بەلدەۋى وزەكتى رايونىنىڭ ماڭىزدى ٴتۇيىنى قۇرىلىسىن بىرگە ىلگەرىلەتۋدى جەدەلدەتۋدىڭ جاڭا تاراۋىن اشتى. جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى وسى رەتكى كەلىسىمگە قول قويۋدى وراي ەتىپ، وبلىستىق پارتكوم مەن ۇكىمەتتىڭ قولداۋىندا ساياسات سيپاتىندىق فينانستىڭ كولەمى، ۋاقىت شەگى، ٴوسىمى سياقتى جاقتارداعى باسىمدىعىن تولىق ساۋلەلەندىرىپ، نازاردى ٴتۇيىندى سەلبەستىك سالالارىنا شوعىرلاندىرىپ، ٴونىمدى شارالار قولدانىپ، كەلىسىمدى ناقتى نىسانداردى جەدەل تياناقتاندىرۋعا اينالدىرىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىنا كۇش سالا قولداۋ كورسەتەدى.

ماجىلىستە چىن شياڭ مەن جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسى پارتكومىنىڭ مۇشەسى، ورىنباسار بانكە باستىعى ياسىن ٴماتتۇرسىن «ىلە قازاق اۆتونوميالى وبلىستىق حالىق ۇكىمەتى مەن جۇڭگو اۋىل شارۋاشىلىعىن دامىتۋ بانكەسى شينجياڭ بولىمشەسىنىڭ ٴتۇيىندى نىسانداردى ىلگەرىلەتۋ كەلىسىمىنە» قول قويىستى، جۇڭگو اۋىل شارۋاشىلىعىن دامىتۋ بانكەسى وبلىسقا توتە قاراستى ورىندارداعى قاتىستى كاسىپورىندارمەن قارجى قۇراۋ كەلىسىمىنە قول قويىستى.