ٴتىلشىمىز ٴباتيما حابارلايدى. 6 - ايدىڭ 7 - كۇنى اۆتونوميالى وبلىستىق پارتكوم قارت كادرلار مەكەمەسى ٴبىر ٴبولىم دەمالىسقا، زەينەتكە شىققان كادرلاردى، ساقا كادرلار ۇگىت - لەكسيا ۇيىرمەسىن، سونداي - اق ماماندار قىزمەت وتەۋ ۇيىرمەسىنىڭ مۇشەلەرىن ۇيىمداستىرىپ، ارناۋلى تاقىرىپتىق پارتيا ساباعى فورماسىمەن اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن شوعىرلى ۇيرەنىپ، وبلىسقا توتە قاراستى ورىندارداعى قارت كادرلاردىڭ جالپى ٴماجىلىس رۋحىن ۇيرەنۋ قىزۋ ورلەۋىن كوتەردى.

وبلىستىق پارتكوم پارتيا مەكتەبى اكىمشىلىك، زاڭ، عىلىم - تەحنيكا كافەدراسىنىڭ ورىنباسار مەڭگەرۋشىسى ياڭ حاۋ اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسى اشىلۋىنىڭ كەلەلى ٴمانىن، بەلگىلەنگەن ماڭىزدى مىندەتتەردى جاپپاي بايىمداپ ٴتۇسىندىردى جانە ىشكەرىلەي تۇسىنىك جاسادى. سونىمەن بىرگە، اۆتونوميالى رايوندىق 10 - كەزەكتى پارتكوم ٴۇشىنشى جالپى ماجىلىسىندە العا قويىلعان 13 ٴتۇرلى ٴتۇيىندى قىزمەتتى كىرىسۋ ٴتۇيىنى ەتىپ، وبلىسقا توتە قاراستى ورىنداردىڭ ەكونوميكالىق، قوعامدىق دامۋى، حالىق تۇرمىسىن جاقسارتۋ، اۋىل - قىستاقتى گۇلدەندىرۋ، ەكولوگيالىق ورتانى قورعاۋ سياقتى ٴتۇيىندى قىزمەتتەردى توڭىرەكتەي وتىرىپ، جالپى ٴماجىلىس رۋحىن ۇگىتتەپ، وبلىسقا توتە قاراستى ورىنداردىڭ بۇدان بىلاي جالپى ٴماجىلىس رۋحىن دايەكتىلەندىرۋ، تياناقتاندىرۋداعى قىزمەت وي جەلىسىن ايقىندادى.

قارت كادرلار مۇقيات تىڭداپ، ەستەلىك الدى. كوپشىلىك مىنانى ٴبىلدىردى: جالپى ٴماجىلىس رۋحىن مۇقيات ۇيرەنىپ، دايەكتىلەندىرىپ، ىشكەرىلەي ۇعىنىپ، دۇرىس يگەرىپ، جالپى ٴماجىلىس رۋحىن امالياتتىڭ قوزعاۋشى كۇشىنە اينالدىرىپ، قالعان كۇش - قۋاتىمىزدى ۇزدىكسىز ساۋلەلەندىرىپ، جىگەر - قايراتىمىز بەن كۇش - قۋاتىمىزدى جالپى ماجىلىستە العا قويىلعان نىسانا - مىندەتتەردى دايەكتىلەندىرۋگە، تياناقتاندىرۋعا ۇيىستىرىپ، وبلىسقا توتە قاراستى ورىنداردىڭ ەكونوميكاسى مەن قوعامىنىڭ جوعارى ساپالى دامۋىنا جەبەۋشى بولىپ، ٴار ۇلت جۇرتشىلىعىنىڭ ىرىس - قۇتىن ارتتىرۋعا ۇلەس قوسامىز.

«ٴمورال ارقىلى ادام تاربيەلەۋ ٴتۇبىرلى مىندەتىنەن جازباي، <بەس ٴتۇرلى قارتتىڭ> رولىن ۇزدىكسىز ساۋلەلەندىرىپ، جاس وسپىرىمدەردىڭ اقاۋسىز ەسەيىپ - ەرجەتۋىنە قامقورلىق جاساۋ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى جاقتاردا ويداعىداي قىزمەت ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋگە ٴوز كۇشىمىزدى قوسامىز» دەدى اۆتونوميالى وبلىستىڭ بۇرىنعى ورىنباسار باستىعى، وبلىستىق ورگان قىزمەتى كوميتەتىنىڭ مەڭگەرۋشىسى نيۋ جىڭفۋ.

«بۇدان بىلاي ابزالدىعىمىز بەن رولىمىزدى ۇزدىكسىز ساۋلەلەندىرىپ، بۇقارا اراسىنا ىشكەرىلەي بارىپ، جالپى ٴماجىلىس رۋحىن بۇقاراعا بەتپە - بەت ۇگىتتەپ، ٴىس جۇزىندىك ارەكەتىمىز جانە ۇزدىك ناتيجەلەرىمىزبەن پارتيا 20 - قۇرىلتايىنىڭ ٴساتتى اشىلۋىن قارسى الامىز» دەدى وبلىستىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى، وبلىستىق قارت كادرلار ۇگىت - لەكسيا ۇيىرمەسىنىڭ مۇشەسى ٴراشيدىن زىكىريا.