عىلىم - تەحنيكادا جاڭالىق اشۋعا جەتەكشىلىك ەتۋدى كورنەكتىلەندىرىپ، وڭىرلىك جاڭالىق اشۋ قابىلەتىن جوعارىلاتىپ، ىلە وبلىسى ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋ كەرەك

6 - ايدىڭ 14 - كۇنى اۆتونوميالى وبلىس عىلىم - تەحنيكادا جاڭالىق اشۋ جينالىسىن اشتى. 

سۋرەتتە: ماجىلىس ناق مايدانىنان كورىنىس.                لي شين ـ ان فوتوسى 

تىلشىلەرىمىز لي شين - ان، لي يافىڭ حابارلايدى. اۆتونوميالى وبلىستىڭ عىلىم - تەحنيكادا جاڭالىق اشۋ جينالىسى 6 - ايدىڭ 14 - كۇنى تۇستەن كەيىن اشىلدى. وبلىستىق پارتكومنىڭ شۋجيى پۋ شۋەمەي جينالىسقا قاتىناستى ٴارى ٴسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارى مەن مەملەكەتتىك عىلىم - تەحنيكادا جاڭالىق اشۋ جينالىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ،اۆتونوميالى رايوندىق 10 ـ كەزەكتى پارتكومنىڭ ٴۇشىنشى جالپى ٴماجىلىسى مەن اۆتونوميالى رايوننىڭ عىلىم ـ تەحنيكادا جاڭالىق اشۋ جينالىسى، اۆتونوميالى رايوننىڭ زەرتتەۋ ـ اشۋعا قارجى ۇسىنىلىمىن ارتتىرۋ جانە جوعارى، جاڭا تەحنيكالى كاسىپورىنداردى جەتىلدىرۋدى، ىلگەرىلەتۋ قىزمەتى جونىندەگى تەلەۆيزور ـ تەلەفون ٴماجىلىسىنىڭ رۋحىن دايەكتىلەندىرىپ، تياناقتاندىرىپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ٴامالياتتا ايگىلەپ، جاڭا داۋىردەگى پارتيانىڭ شينجياڭدى زاڭمەن باسقارۋ جالپى جوباسىن تولىق، دۇرىس دايەكتىلەندىرىپ، كەزەكتەگى جانە بۇدان بىلايعى بىر مەزگىلدەگى اۆتونوميالى وبلىستىڭ عىلىم - تەحنيكادا جاڭالىق اشۋ جانە جوعارى، جاڭا تەحنيكالى كاسىپورىنداردى جەتىلدىرۋ قىزمەتىن تىڭعىلىقتى جاقسى ىستەپ، جاڭالىق اشۋ ارقىلى دامۋعا دەم بەرۋ ستراتەگياسىن، وبلىستى عىلىم ـ تەحنيكا ارقىلى گۇلدەندىرۋ ستراتەگياسىن جانە وبلىستى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋ ارقىلى اۆتونوميالى وبلىستىڭ جوعارى ساپالى دامۋىنا جەتەكشىلىك ەتۋ كەرەك. 

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ٴماجىلىستى باسقاردى. 

ماجىلىستە اۆتونوميالى وبلىستىڭ 2017 - جىلدان 2021 - جىلعا دەيىنگى اۆتونوميالى رايوننىڭ عىلىم ـ تەحنيكا سيلىعىن الۋ جاعدايى جونىندەگى حابارلاندىرۋى وقىلىپ، اۆتونوميالى رايوننىڭ عىلىم ـ تەحنيكا العاباسارلىعى سيلىعىنىڭ 1 ـ، 2 ـ، 3 ـ دارەجەلى سيلىعىنا يە بولعان ۋاكىلدەرگە داڭق كۋالىگى تاراتىلدى. سيلانعان ۋاكىلدەر مەن قۇلجا قالاسىنداعى قاتىستى جاۋاپتى جولداستار پىكىر اۋىستىرىپ، ٴسوز سويلەدى. پۋ شۋەمەي اۆتونوميالى وبلىستىق پارتكوم، ۇكىمەت اتىنان سيلانعان ورىندار مەن جەكەلەردى قىزۋ قۇتتىقتادى، بۇكىل وبلىستاعى بارشا عىلىم ـ تەحنيكا قىزمەتكەرلەرىنە وسكەلەڭ قۇرمەت ٴبىلدىردى جانە شىن جۇرەكتەن العىس ايتتى. ول بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم ـ تەحنيكادا جاڭالىق اشۋ قىزمەتىنە وسكەلەڭ ٴمان بەرىپ كەلەدى، باس شۋجي شي جينپيڭ تىكەلەي جوسپارلاپ، تىكەلەي ورنالاستىرىپ، تىكەلەي ىلگەرىلەتىپ، ەلىمىزدىڭ عىلىم ـ تەحنيكا ىستەرىنىڭ تاريحي جەتىستىكتەرگە قول جەتكىزۋىنە، تاريحي وزگەرىستەردىڭ جارىققا شىعۋىنا جەتەكشىلىك ەتتى. اۆتونوميالى رايوننىڭ عىلىم ـ تەحنيكادا جاڭالىق اشۋ جينالىسى كەزەكتەگى جانە بۇدان بىلايعى ٴبىر مەزگىلدەگى عىلىم ـ تەحنيكادا جاڭالىق اشۋدىڭ تىرەكتىك، جەتەكشىلىك رولىن كۇشەيتۋ، شينجياڭنىڭ جوعارى ساپالى دامۋىن ىلگەرىلەتۋ جونىندە جاپپاي ورنالاستىرۋ جاساپ، ٴبىزدىڭ جاڭالىق اشۋ ارقىلى دامۋعا دەم بەرۋ جولىمەن بۇلجىماي جۇرۋىمىزگە مىندەت حاتىن، جول كارتاسىن ايقىندادى. ەندى عانا اشىلعان وبلىستىق پارتكومنىڭ قىزمەت ٴماجىلىسى ورتالىق پەن اۆتونوميالى رايوننىڭ عىلىم - تەحنيكادا جاڭالىق اشۋ جونىندەگى ورنالاستىرۋلارىن، تالاپتارىن دايەكتىلەندىرۋ، تياناقتاندىرۋ جونىندە ناقتى ورنالاستىرۋ جاسادى. وبلىس بويىنشا جوعارىدان تومەنگە دەيىن عىلىم ـ تەحنيكادا جاڭالىق اشۋدىڭ جەتەكشىلىك رولىن جەتە تانىپ، ماسەلەنى باعدار ەتۋدەن، نىسانانى باعدار ەتۋدەن جانە ناتيجەنى باعدار ەتۋدەن جازباي، پارتيانىڭ عىلىم ـ تەحنيكادا جاڭالىق اشۋ قىزمەتىنە باسشىلىق ەتۋدەگى ۇيىمدىق جۇيەسىن، ٴتۇزىم جۇيەسىن، قىزمەت مەحانيزمىن اقاۋسىزداندىرىپ، ٴتۇيىندى كورنەكتىلەندىرىپ، نىسانانى كوزدەپ، شىنايى يگەرىپ، ناقتى ىستەپ، كۇشتى شوعىرلاندىرىپ قامال الىپ، ناقتى ونىمدىلىككە ۇمتىلۋ كەرەك.

ماجىلىستە مىنالار باسا دارىپتەلدى: ساياسي دەڭگەيدى جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە اۆتونوميالى رايوندىق پارتكومنىڭ قىزمەت تالاپتارىمەن شىن مانىندە بىرلىككە كەلتىرىپ، پارىقتارعا، جەتەرسىزدىكتەرگە دۇرىس قاراپ، عىلىم ـ تەحنيكادا جاڭالىق اشۋدى جەدەل ىلگەرىلەتۋدىڭ جاۋاپكەرشىلىك سەزىمىن، بورىشتىلىق سەزىمىن جانە كوكەي تەستىلىك سەزىمىن شىنايى كۇشەيتىپ، اناعۇرلىم زور بەكىمگە كەلىپ، اناعۇرلىم پارمەندى شارالار قولدانىپ، اۆتونوميالى وبلىستىڭ عىلىم ـ تەحنيكادا جاڭالىق اشۋىن بار كۇشپەن ىلگەرىلەتۋدە تىڭ تابىستارعا قول جەتكىزۋ كەرەك. ٴبىرىنشى، عىلىم ـ تەحنيكادا جاڭالىق اشۋ كۇشتەرىنىڭ ورنالاسۋىن ساپالىلاندىرۋعا كۇش سالىپ، جاڭالىق اشۋعا جەتەكشىلىك ەتۋ دەڭگەيىن قالىپتاستىرىپ، جاڭالىق اشۋ تۇعىرىن جەتىلدىرۋ سەرپىنىن ارتتىرىپ، جوعارى مەكتەپتەر مەن عىلمي زەرتتەۋ ورىندارىنىڭ جاڭالىق اشۋ قابىلەتىن تاسقىنداتىپ، ىلەنىڭ عىلىم ـ تەحنيكادا جاڭالىق اشۋداعى وزەكتى باسەكەلىك قۋاتىن ۇزدىكسىز جوعارىلاتۋ كەرەك. ەكىنشى، عىلىم ـ تەحنيكادا جاڭالىق اشۋدان قامال الۋ قابىلەتىن جاپپاي جوعارىلاتۋعا كۇش سالىپ، ەرەكشە كاسىپ سالالارىندا تەحنيكالىق قامال الۋدى كۇشەيتىپ، نەگىزدىك زەرتتەۋدى كۇشەيتىپ، عىلىم ـ تەحنيكا جەتىستىكتەرىن كادەگە جاراتۋدى جەدەلدەتىپ، شەشۋشى،وزەكتى تەحنيكالاردىڭ دەربەستىگى مەن مەڭگەرىمدىلىگىن قۇلشىنا جۇزەگە اسىرۋ كەرەك. ٴۇشىنشى، كاسىپورىنداردىڭ جاڭالىق اشۋداعى نەگىزگى تۇلعالىق ورنىن ساۋلەلەندىرۋگە كۇش سالىپ، كاسىپورىنداردى زەرتتەۋ ـ اشۋعا قارجى قوسىلىمىن ارتتىرۋعا بەلسەنە جەتەكتەپ، جوعارى، جاڭا تەحنيكالى كاسىپورىنداردى جەتىلدىرۋ تەبىنىن ارتتىرىپ، جاڭالىق اشۋ بىرىككەن تۇلعاسى قۇرىلىسىن قولداپ، كاسىپورىندى نەگىزگى تۇلعا، بازاردى جەتەكشى ەتكەن، ٴوندىرۋ، وقىتۋ، زەرتتەۋ، قولدانۋ ىشكەرىلەي توعىسقان تەحنيكالىق جاڭالىق اشۋ جۇيەسىن قالىپتاستىرۋ كەرەك. ٴتورتىنشى، عىلىم ـ تەحنيكادا جاڭالىق اشۋ ارقىلى كاسىپ سالاسىنىڭ دامۋىن ىلگەرىلەتۋگە كۇش سالىپ، عىلىم ـ تەحنيكادا جاڭالىق اشۋ ارقىلى اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيپىن وزگەرتىپ، دارەجەسىن جوعارىلاتۋدى ىلگەرىلەتىپ، وسى زامانعى قىزمەت وتەۋ كاسىبىنىڭ دەڭگەيىن جوعارىلاتىپ، سيفرلى كاسىپتەردى بەلسەنە دامىتىپ، عىلىم ـ تەحنيكادا جاڭالىق اشۋدى كاسىپ سالاسىنىڭ دامۋىندا شىنايى تياناقتاندىرۋ كەرەك. بەسىنشى، عىلىم ـ تەحنيكانىڭ حالىق تۇرمىسىنا قىزمەت وتەۋىن دامىتۋعا كۇش سالىپ، عىلىم ـ تەحنيكانىڭ حالىققا تيىمدىلىك جاساۋ ارەكەتىندەگى تىرەكتىك رولىن تەرەڭدەتىپ، عىلىم ـ تەحنيكانىڭ الەۋمەتتىك حاۋىپسىزدىككە تىرەك بولۋىن كۇشەيتىپ، جالپى حالىقتىڭ عىلمي ساپاسىن جاپپاي جوعارىلاتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. التىنشى، عىلىم ـ تەحنيكا دارىندىلارىنىڭ ومىرشەڭدىك كۇشىن تولىق قاۋلاتۋعا كۇش سالىپ، جاسامپاز دارىندىلاردى ەنگىزۋ پارمەنىن ارتتىرىپ، جەرگىلىكتى دارىندىلاردى باۋلۋدى كۇشەيتىپ، عىلىم ـ تەحنيكا دارىندىلارىن ىنتالاندىرۋ مەحانيزمىن كەمەلدەندىرىپ، ىلەنىڭ رەفورما، دامۋ، ورنىقتىلىق ىستەرىنە دارىندىلار جاعىنان قولداۋ كورسەتۋ كەرەك. جەتىنشى، عىلىم ـ تەحنيكادا جاڭالىق اشۋ ٴتۇزىلىس ـ مەحانيزمى رەفورماسىن ۇزدىكسىز تەرەڭدەتۋگە كۇش سالىپ، عىلىم ـ تەحنيكالىق باسقارۋ ٴتۇزىلىسى رەفورماسىن تەرەڭدەتىپ، عىلىم ـ تەحنيكادا جاڭالىق اشۋدى زاڭمەن باسقارۋ ارقىلى قامتاماسىز ەتۋدى كۇشەيتىپ، عىلىم ـ تەحنيكالىق سەلبەستىك پەن اۋىس ـ كۇيىستى ىلگەرىلەتىپ، عىلىم ـ تەحنيكادا جاڭالىق اشۋ قابىلەتىن جوعارىلاتاتىن ٴتۇزىم جۇيەسىن جەدەل ورناتۋ، كەمەلدەندىرۋ كەرەك. 

ماجىلىستە مىنالار باسا دارىپتەلدى: پارتيانىڭ عىلىم ـ تەحنيكادا جاڭالىق اشۋ قىزمەتىنە جاپپاي باسشىلىعىن كۇشەيتىپ، ۇيىمدىق قامتاماسىزداندىرۋدى كۇشەيتىپ، ساياساتتىڭ تياناقتانۋىن ىلگەرىلەتىپ، عىلىم ـ تەحنيكاعا قارجى ۇسىنىلىمىن ارتتىرىپ، جاڭالىق اشۋ ورتاسىن ازىرلەپ، عىلىم ـ تەحنيكا رەفورماسىن، دامۋىن تەرەڭدەتۋگە پارمەندى ساياسي كەپىل ازىرلەۋ كەرەك. عالىمدار رۋحىن بارىنشا ساۋلەلەندىرىپ، ستيلى پاك، سالتى دۇرىس عىلمي زەرتتەۋ ەكولوگياسىن قالىپتاستىرىپ، تۇتاس قوعامدا بىلىمگە قۇرمەت ەتەتىن، جاڭالىق اشۋدى قاستەرلەيتىن، دارىندىلارعا قۇرمەت ەتەتىن، عىلىمدى قىزۋ سۇيەتىن، عىلىمعا ٴوزىن ارنايتىن تاماشا اۋقىم قالىپتاستىرۋ كەرەك.

ٴماجىلىس بەينە ەكران فورماسىندا اشىلىپ، وبلىسقا توتە قاراستى اۋدان، قالالاردا  (شەكارا وتكەلى)  بولىمشە ٴماجىلىس الاڭى ورنالاستىرىلدى. وبلىس باسشىلارىنان جياۋ ي- مين، سەرجان ۇعىباي ۇلى، ليۋ شينلي، حاۋ جيانمين، ديڭ باڭۋىن، جياۋ شياۋفان، ٴنابيجان يبىرايىم، چىن شياڭ، ياڭ شينپيڭ قاتارلىلار ماجىلىسكە قاتىناستى.