汉文 ىلە اقپارات تورابىنا حوش كەلدىڭىزدەر!
ىلە وبلىستىق ساياسي كەڭەس مۇشەلەرىنىڭ مىندەت اتقارۋ قابىلەتىن جوعارىلاتۋ ۇيرەنۋ كۋرسى جياڭسۋ ولكەسىندە ساباق باستادى
2022-06-27 11:57:15     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ەرىكتى ٴتىلشى شۇي بين نانجيڭنەن حابارلايدى. 6 - ايدىڭ 22 - كۇنى تۇستەن بۇرىن ىلە وبلىستىق ساياسي كەڭەس مۇشەلەرىنىڭ مىندەت اتقارۋ قابىلەتىن جوعارىلاتۋ ۇيرەنۋ كۋرسى جياڭسۋ ولكەسىنىڭ نانجيڭ قالاسىندا ساباق باستادى، ىلە وبلىستىق ساياسي كەڭەستىڭ 37 مۇشەسى كۋرسقا قاتىناستى. جياڭسۋ ولكەلىك ساياسي كەڭەستىڭ ورىنباسار ٴتوراعاسى جۋ شياۋجين  ساباق باستاۋ سالتىن باسقاردى ٴارى ٴسوز سويلەدى، ىلە وبلىستىق ساياسي كەڭەستىڭ ٴتوراعاسى سەرجان ۇعىباي ۇلى ساباق باستاۋعا جۇمىلدىرۋ ٴسوزىن سويلەدى.

بۇل − ىلە وبلىستىق ساياسي كەڭەستىڭ جياڭسۋ ولكەسىندە اشقان 7 - مەرزىمدىك مۇشەلەردىڭ ۇيرەنۋ كۋرسى. بۇل رەتكى كۋرستىڭ مەرزىمى 6 كۇن، 3 كۇندىك نازاريا ۇيرەنۋ مەن 3 كۇندىك ناق مايداندا تەكسەرىپ ۇيرەنۋدى قامتيدى. جياڭسۋ ولكەلىك ساياسي كەڭەستىڭ قاتىستى باسشىلارى مەن ماماندار باس شۋجي شي جينپيڭنىڭ حالىقتىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ، دايەكتىلەندىرۋدى، جوعارى ساپالى ۇسىنىستىق جوبانى قايتكەندە جاقسى جازۋعا بولاتىندىعى،جياڭسۋ ولكەسىنىڭ ەكونوميكالىق، قوعامدىق دامۋ جاعدايى، تەكسەرۋ - زەرتتەۋ جانە قوعامدىق جاعداي، ەل اۋانى قىزمەتىن قايتكەندە ويداعىداي جاقسى ىستەۋگە بولادى دەگەندى توڭىرەكتەي وتىرىپ ارناۋلى تاقىرىپتىق ساباق سويلەدى، ىلە وبلىستىق ساياسي كەڭەس مۇشەلەرى نانجيڭ، ياڭجوۋ، ۋ - شي، چاڭجوۋ سياقتى جەرلەرگە بارىپ، اۋىل - قىستاقتى گۇلدەندىرۋ ستراتەگياسىنىڭ اتقارىلۋ جاعدايىن، نەگىزگى ساتىداعى ساياسي كەڭەستىڭ «جۇمىس بولسا، دەن قويا اقىلداسۋ» كەڭەسۋ، ۇكىمەت ىسىنە ارالاسۋ قىزمەتى جاعدايىن، ساياسي كەڭەس مۇشەلەرىنىڭ كىتاپ ٴۇيى قۇرىلىسى مەن مۇشەلەردىڭ كىتاپ وقۋ قيمىلىن ورىستەتۋ جاعدايىن ناق مايداندا تەكسەرىپ ۇيرەنەدى. 

ساباق باستاۋ سالتىندا سەرجان ۇعىباي ۇلى بىلاي دەپ اتاپ كورسەتتى: بۇل رەتكى تاربيەلەۋ كۋرسى باس شۋجي شي جينپيڭنىڭ حالىقتىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جياڭسۋ ولكەلىك ساياسي كەڭەستىڭ ارناۋلى كەڭەسۋ قۇرىلىمدارى قۇرىلىسىن كۇشەيتۋ، ساياسي كەڭەستىڭ «ٴۇش ماڭىزدى رولىن» ساۋلەلەندىرۋ، جالپى بارىستىق حالىقتىق دەموكراتيانى ىلگەرىلەتۋ، دامىتۋ، مۇشەلەردىڭ كىتاپ وقۋ قيمىلى مەن مىندەت اتقارۋىن تەرەڭ توعىستىرۋدى ىلگەرىلەتۋى سياقتى جاقتارداعى وزىق تاجىريبەلەرىن ۇيرەنىپ، ىلە وبلىسىنىڭ ساياسي كەڭەس قىزمەتىندە ۇزدىكسىز جاڭا جاعداي اشىپ، ىلە وبلىسىنىڭ رەفورما جاساۋ، دامۋ، ورنىقتىلىق ٴتۇرلى ىستەرىنىڭ جوعارى ساپالى دامۋىنا ساياسي كەڭەستىڭ اقىل - پاراساتى مەن كۇش - قۋاتىن ارناۋى كەرەك.

سەرجان ۇعىباي ۇلى بىلاي دەپ باسا دارىپتەدى: بۇل رەتكى تاربيەلەۋ كۋرسىنىڭ ماڭىزدى ٴمانىن، ۇيرەنۋدىڭ ساياسى كەڭەس مۇشەلەرىنىڭ مىندەت اتقارۋ قابىلەتىن جوعارىلاتۋدىڭ قاجەتتى تالابى ەكەندىگىن، ىلە وبلىسىنىڭ دامۋ جالپى جاعدايىنا اناعۇرلىم ويداعىداي قىزمەت ەتۋدىڭ رەال تالابى ەكەندىگىن، سونداي - اق، ساياسي كەڭەس قىزمەتىندە جاڭا جاعداي اشۋدىڭ شەشۋشى قوزعاۋشىسى ەكەندىگىن جىعا تانۋ كەرەك؛ باس شۋجي شي جينپيڭنىڭ حالىقتىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ رۋحاني مايەگىن مۇقيات ۇيرەنىپ، دۇرىس يگەرىپ، تەرەڭ ٴتۇسىنۋ جاعىنا كۇش جۇمساپ، دايەكتىلەندىرۋ، تياناقتاندىرۋ جاعىندا شىن ەڭبەك ٴسىڭىرۋ؛ ۇيرەنۋ مەن كادەگە جاراتۋدى ٴوزارا ۇشتاستىرىپ، ۇيرەنۋ كۋرسىنىڭ ناقتى ونىمدىلىك كورسەتۋىن شىنايى قامتاماسىزداندىرىپ، جياڭسۋ ولكەلىك ساياسي كەڭەستىڭ عىلمي ۇستانىمىن جانە قىزمەت ٴادىسىن ۇيرەنىپ، جياڭسۋ مەن ىلە حالقىنىڭ تەرەڭ دوستىعىن كەڭ كولەمدە ۇگىتتەپ، كاسىپ سالاسىنىڭ دامۋىن ىلگەرىلەتۋدى، ساۋداگەر شاقىرىپ قارجى ەنگىزۋ مەن بۇقارانىڭ قۇت - ىرىسىن ارتتىرۋدى توڭىرەكتەي وتىرىپ ىشكەرىلەي اۋىس - كۇيىس ورىستەتۋ؛ تاربيەلەۋ كۋرسىنىڭ تارتىبىنە قاتاڭ بويسۇنىپ، ٴتۇرلى تاربيەلەۋ مىندەتىن تابىستى ورىنداۋ كەرەك.

جياڭسۋ ولكەلىك ساياسي كەڭەس ۇيرەنۋ كوميتەتىنىڭ مەڭگەرۋشىسى يۇي جۇن، جياڭسۋ ولكەلىك ساياسي كەڭەس ۇيرەنۋ كوميتەتىنىڭ ورىنباسار مەڭگەرۋشىسى ني ميڭحۇي، ىلە وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، باس حاتشى كۇڭ ليڭشىڭ ساباق باستاۋ سالتىنا قاتىناستى.