− اۆتونوميالى رايوننىڭ ساياحاتتى دامىتۋ جينالىسىنا قاتىناسقان ۋاكىلدەر شينجياڭنىڭ ساياحات كاسىبىنىڭ جوعارى ساپالى دامۋىن قىزۋ تالقىلادى
شينجياڭ گازەتىنىڭ تىلشىلەرى ياۋ گاڭ، رىن جياڭ
اۆتونوميالى رايوننىڭ ساياحاتتى دامىتۋ جينالىسى 6 - ايدىڭ 27 - كۇنى قۇلجا قالاسىندا وتكىزىلدى. ٴماجىلىس ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، رايونىمىزدىڭ ساياحات بايلىعىنداعى ٴىرى رايوننان ساياحات ەكونوميكاسىنداعى قۋاتتى رايونعا قاراي ويىسۋىن ىلگەرىلەتۋدەگى 7 ٴتۇيىندى قىزمەتتى العا قويىپ، شينجياڭنىڭ ساياحات كاسىبىنىڭ جوعارى ساپالى دامۋىن ىلگەرىلەتۋ جونىندە ورنالاستىرۋ جاسادى. ماجىلىسكە قاتىناسقان ۋاكىلدەر جابال مىنانى ٴبىلدىردى: دامۋ سەنىمىن بەكەمدەپ، ولقىلىقتاردى، جەتەرسىزدىكتەردى جىعا تانىپ، شينجياڭنىڭ ساياحات كاسىبىنىڭ جوعارى ساپالى دامۋىن ىلگەرىلەتۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىنايى كۇشەيتىپ، يدەيانى ازات ەتىپ، وي جەلىسىندە جاڭالىق اشىپ، ىرىقتىلىقپەن ٴىس تىندىرىپ، مادەنيەت، ساياحات كاسىبىنىڭ دامۋ ونىمدىلىگى ارقىلى ەكونوميكانىڭ، قوعامنىڭ جوعارى ساپالى دامۋىنا دەم بەرەمىز.
ىلە قازاق اۆتونوميالى وبلىستىق پارتكومنىڭ شۋجيى پۋ شۋەمەي بىلاي دەدى: شينجياڭنىڭ ساياحات بايلىعى مول، ساياحات كاسىبىن دامىتۋ ەكونوميكالىق قۇرىلىمدى ساپالىلاندىرۋدا، كاسىپ سالاسىنىڭ دامۋىنا جەتەكشىلىك ەتۋدە، تۇتىنۋ سۇرانىسىن جەبەۋدە، جۇمىستاندىرۋدى، كىرىستى ارتتىرۋدى جەبەۋدە، ۇلتتار ىنتىماعىن نىعايتۋدا، مادەنيەت تۇرمىسىن بايىتۋدا، شينجياڭنىڭ وبرازىن ايگىلەۋدە ماڭىزدى رول اتقارادى. جينالىس شينجياڭنىڭ ساياحات كاسىبىنىڭ دامۋ بولاشاعىن جۇيەلى جوسپارلاپ، شينجياڭنىڭ ساياحات كاسىبىنىڭ دامۋىنداعى ولقىلىقتاردى مىقتى يگەرىپ، شىنايى اتقارۋعا بولاتىن شەشۋ جوباسىن العا قويدى، ىلە وبلىسى ماجىلىستە العا قويىلعان جول كارتاسى بويىنشا دەڭگەيدى جوعارىلاتىپ، ٴتۇيىندى بۋىنداردى مىقتى يگەرىپ، وي جەلىسىندە، شارادا جاڭالىق اشىپ، ساياحات كاسىبىنىڭ اقاۋسىز دامۋىن، جوعارى ساپالى دامۋىن ىلگەرىلەتەدى.
«نەگىزدىك قۇرىلعىلاردى كەمەلدەندىرىپ، قىزمەت وتەۋ ساپاسىن جوعارىلاتۋ − جينالىس العا قويعان ماڭىزدى مىندەتتەردىڭ ٴبىرى. ٴبىز ساياحات نەگىزدىك قۇرىلعىلارىن بەكەمدەۋدى ٴتۇيىن ەتۋگە تاباندى بولىپ، ولقىلىقتاردى، ٴالسىز بۋىنداردى تولىقتاپ، قىزمەت وتەۋ دەڭگەيىن جوعارىلاتىپ، جوعارى ساپالى ساياحات ارقىلى جۇرتتىڭ قولداۋىنا، تۇتىنۋعا، بازارعا قول جەتكىزۋىمىز كەرەك» دەدى اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى، اۆتونوميالى رايوننىڭ شينجياڭعا باعىتتامالى كومەكتەسۋ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى ۋاڭ كۇيران.
ول تاعى بىلاي دەدى: كەلەسى قادامدا اۆتونوميالى رايون ٴبىر توپ تاڭداۋلى كورىنىس رايونى، سەيىل - سەرۋەن ٴمالىسى، دەمالىس رايونى، قار - مۇز بايلىعى شوعىرلانعان رايون سياقتى ساياحات نەگىزدىك قۇرىلعىلارىن قۇرىپ، ساياحاتشىلاردىڭ ريزا بولۋ دارەجەسى مەن جاقسى باعا بەرۋ مولشەرىن، ەكسكۋرسيالاۋ، سەزىنۋ دەڭگەيىن جانە تانىستىرۋ، قايتادان ساياحاتتاپ كەلۋ مولشەرىن ۇزدىكسىز جوعارىلاتادى.
التاي ايماعىنىڭ قار - مۇز بايلىعى مول، 2021 - جىلدان 2022 - جىلعا دەيىن قىس ماۋسىمىندا جيىنى 11 ميلليون 961 مىڭ 700 ادام - رەت ساياحاتشى قابىلداپ، سايكەس مەزگىلدەگىدەن %20.19 ارتقان. التاي ايماقتىق پارتكومنىڭ شۋجيى جاڭ يان بىلاي دەدى: «جينالىس ساياحات كاسىبىن جەدەل دامىتۋدىڭ كۇشتى سيگنالىن تاراتتى، ٴبىز <قىسقى وليمپيادا سپورت جارىسىنان كەيىنگى مەزگىل> ورايىن مىقتاپ يگەرىپ، مەملەكەت پەن اۆتونوميالى رايون شىعارعان ارتۋدى ورنىقتىرۋ جونىندەگى ٴبىرقىدىرۋ ساياساتتان تولىق، ويداعىداي پايدالانىپ، <قارلى القابىمەن تانىلىپ، گۇلدى القابىمەن حالىقتى اۋقاتتاندىرۋ> سىندى كاسىپ جاعدايىن جەدەل قالىپتاستىرىپ، شينجياڭدى دۇنيە ٴجۇزىنىڭ قار - مۇز سپورتى جانە قار - مۇز ساياحاتىنداعى تاماشا القاپ قۇرىپ شىعۋعا ۇلەس قوسامىز».
«جۋىق جىلداردان بەرى شينجياڭنىڭ ساياحات كاسىبى قارىشتاپ دامۋدىڭ <تەز دامۋ ارناسىنا> قادام تاستادى، بولاشاقتا، ٴسوز جوق، زور ىستەر تىندىرۋعا بولادى». اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن بىلاي دەدى: جينالىس شينجياڭنىڭ ساياحات كاسىبىنىڭ دامۋىنا جوبا - جوسپار، ورنالاستىرۋ جاسادى، مادەنيەت، ساياحات مەڭگەرمەسى ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىنىڭ ورنالاسۋىن ساپالىلاندىرىپ، ساياحات ونىمدەرىمەن قامداۋدى بايىتىپ، ٴشول دالا ساياحاتى، ونەركاسىپ ساياحاتى، شاراپ دۇكەنى ساياحاتى، ۇلتتىق سالت - سانا ساياحاتى سياقتى ساياحات ونىمدەرىن اشۋدى ىلگەرىلەتىپ، مادەنيەت پەن ساياحاتتى ىشكەرىلەي توعىستىرۋدى ىلگەرىلەتىپ، ساياحاتتىڭ جەتەكتەۋ، جەبەۋ رولىن ٴونىمدى ساۋلەلەندىرىپ، ٴبىر كاسىپ گۇلدەنسە، باسقا كاسىپتەر قوسا كوركەيگەن ٴوزارا تيىمدىلىك جاساۋ اسەرىن قالىپتاستىرادى.
قاشقار ايماعى - 2 ـ توپتا «مەملەكەتتىك تۇتاس ٴوڭىرلىك ساياحاتتان ۇلگى كورسەتۋ رايونى» بولدى، قازىر «وڭتۇستىك شينجياڭنىڭ جىبەك جولى مادەنيەتى مەن ۇلتتىق سالت ـ سانا ساياحاتىنىڭ نىسانالى ورىن» قۇرۋدى ارقاۋ ەتىپ، ساياحات دامۋ كەڭىستىگىنىڭ ورنالاسۋىن ساپالىلاندىرۋدا. قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى ٴانۋار تۇرسىن بىلاي دەدى: وسى رەتكى جينالىس جۇرت كوڭىلىن جەلپىندىرىپ، ادامدى العا باسۋعا جىگەرلەندىرەدى، قاشقاردا مول تاريحي مادەنيەت مۇرالارى مەن ۇلتتىق سالت ـ سانا مادەنيەتى بار، «ساياحات + » دامۋ ۇزاق بولاشاقتىق جوسپاردى توڭىرەكتەپ، تۇتاس وڭىرلىك ساياحاتتىڭ ساتىسىن جوعارىلاتىپ، دارەجەسىن ورلەتۋدى ىلگەرىلەتىپ، ٴتىپتى دە كوپ ساياحاتشىنى قاشقاردىڭ تارتىمدىلىعىن بىلۋگە باۋرايمىز.
سوڭعى جىلدارى شينجياڭدا مايتاۋ ـ كۇشار تاس جولى، قۇلجا - موڭعۇلكۇرە تاس جولى، S 101 سياقتى ٴبىر توپ كورىنىستىك تاس جولدار سالىندى، قاتىناس شارت ـ جاعدايىنىڭ ۇزدىكسىز ساتىسىنىڭ جانە دارەجەسىنىڭ جوعارىلاۋى قىرۋار ساياحاتشىنى ٴوز كولىگىمەن شينجياڭدى ساياحاتتاۋعا باۋرادى. اۆتونوميالى رايوندىق قاتىناس ـ تاسىمال مەڭگەرمەسىنىڭ باستىعى اسەنجان احىمەت بىلاي دەدى: ساياحاتتى قاۋىرت دامىتۋدا، الدىمەن قاتىناستى ىركىلىسسىزدەندىرۋ، «تەز جەتىپ، اسىقپاي ساياحاتتاۋ» تۇتاس وڭىرلىك ساياحاتتا قاتىناس جۇيەسىن جەدەل كەمەلدەندىرۋدى توڭىرەكتەي وتىرىپ، قاتىناس تاراۋلارى «كورىنىس وڭىرلەرىن، كورىنىس تۇيىندەرىن تۇتاستىرۋ» ينجەنەرياسىن جەدەل ىلگەرىلەتىپ، A 3 دارەجەلىدەن جوعارى ساياحات كورىنىس رايوندارىن جوعارى جىلدامدىقتى (1 ـ دارەجەلى) تاس جولدارمەن جاپپاي قامتۋدى جەدەل ىلگەرىلەتىپ، مەملەكەتتىك، ولكەلىك نەگىزگى تاس جولداردىڭ اۋىل ـ قىستاق تاس جولدارىمەن، ساياحات كورىنىس رايوندارى تاس جولدارىمەن ىركىلىسسىز تۇتاسۋىن قۇلشىنا جۇزەگە اسىرادى.
«جينالىس مادەنيەت پەن ساياحاتتى توعىستىرا دامىتۋ بەتالىسىن اناعۇرلىم ايقىندادى، ٴبىز 54 ورىنداعى قورعان بايلىعىنا سۇيەنۋدەن جازباي، مەملەكەتتىك مادەنيەت باقشاسىن بەلسەنە قۇرىپ، مادەنيەت، ساياحات ماركاسىن ايگىلەندىرىپ، مادەنيەت پەن ساياحاتتى توعىستىرا دامىتۋدا جاڭا قوزعاۋشى كۇشى، جاڭا ابزالدىلىق جاراتۋدى جەبەيمىز» دەدى اقسۋ ايماقتىق پارتكوم ۇگىت ٴبولىمىنىڭ ورىنباسار باستىعى، اقسۋ ايماقتىق مادەنيەت - دەنەتاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى لو جۋان.
«ۇدايىلانعان ىندەتتەن ساقتانۋ، تىزگىندەۋدى، زاڭ بويىنشا عىلمي، دالمە ـ ٴدال جۇرگىزۋگە تاباندى بولۋ، شينجياڭ ساياحات كاسىبىن جانداندىرۋدىڭ، بولاشاعى نۇرلى، وسى رەتكى جينالىس سەنىمىمىزدى اناعۇرلىم بەكەمدەدى. ٴبىز باتىلدىقپەن امالياتتا ايگىلەپ، ۇزدىكسىز جاڭالىق جاراتىپ، بازاردى بەلسەنە اشىپ، شينجياڭنىڭ ساياحات كاسىبىنىڭ جوعارى ساپالى دامۋىن ىلگەرىلەتۋ بارىسىندا ٴوزىمىزدى الۋەتتەندىرۋىمىز، زورايتۋىمىز كەرەك» دەدى شينجياڭ التاي ساياحاتتى دامىتۋ توبى شەكتى سەرىكتەستىگى پارتكومىنىڭ شۋجيى، باس القاسى يۇي گۋاڭپۋ.