پارتيالىلىقتى كۇشەيتىپ، باتىلدىقپەن جاۋاپكەرشىلىك ارقالاپ، ۇلگى بولدى

قۇلجا قالاسى الۋان فورمالى نەگىزگى تاقىرىپتىق پارتيا كۇنى قيمىلىن ورىستەتتى

ٴتىلشىمىز كاميلا حالمۇرات حابارلايدى. «1 - شىلدە» قارساڭىندا، نەگىزگى ساتىداعى پارتيا مۇشەلەرىنە پارتيالىلىق تاربيەنى كۇشەيتىپ، پارتيا مۇشەلەرىنىڭ جاۋاپكەرشىلىك سەزىمى مەن بورىشتىلىق سەزىمىن كۇشەيتۋ ٴۇشىن، قۇلجا قالاسىنداعى ٴمالى باسقارمالارى، الەۋمەتتىك اۋماقتار ٴوز ورنىنىڭ ٴىس جۇزىندىك جاعدايىمەن بىرلەستىرە وتىرىپ، ٴتۇرلى فورماداعى نەگىزگى تاقىرىپتىق پارتيا كۇنى قيمىلىن ورىستەتتى.

تاياۋدا قۇلجا قالاسى سايبويى ٴمالى باسقارماسى تۇلپار الەۋمەتتىك اۋماعى بارلىق پارتيالى كادرلاردى، پارتيالى تۇرعىنداردى ۇيىمداستىرىپ ىلە وبلىستىق ارحيۆ سارايى مەن لين زىشۇي ەسكەرتكىش سارايىنا اپارىپ، «20 ـ قۇرىلتايدى شاتتانا قارسى الىپ، تاريحتى ەستە بەرىك ساقتاپ، پارتيالىلىقتى كۇشەيتەمىز» نەگىزگى تاقىرىپتىق پارتيا كۇنى قيمىلىن ورىستەتەتتى. قيمىل بارىسىندا كوپشىلىك پارتيانىڭ دامۋ بارىسىن ەسكە الىپ، اعا بۋىنداردىڭ ۇشان - تەڭىز ۇلى ەڭبەگىن ەستە بەرىك ساقتاپ، كوركەم بولاشاق جاراتۋعا قۇلشىناتىندىقتارىن ٴبىلدىردى.

«مەن قىزمەت ورنىمدا پارتيا مۇشەلەرىنىڭ اۆانگاردتىق ۇلگىلىك رولىن ويداعىداي ساۋلەلەندىرىپ، حالىق ٴۇشىن شىنايى ناقتى ىستەر ىستەۋگە كۇش سالىپ، پارتيا 20 ـ قۇرىلتايىنىڭ جەڭىسپەن اشىلۋىنا كۇش - قۋاتىمدى قوسامىن» دەدى تۇلپار الەۋمەتتىك اۋماعىنىڭ پارتيالى كادرى ٴرازيا يمام. 

وبلىستىق مۇراجايدا قۇلجا قالاسى قارا ٴدوڭ اۋىلى يىلىعانيەر الەۋمەتتىك اۋماعىنان كەلگەن 40 پارتيالى كادر جانە بۇقارا تاريحي ماتەريالدار سۋرەتىن مۇقيات كورىپ، ٴتۇسىندىرۋشىنىڭ تۇسىندىرمەسىن تىڭداپ، ىلەنىڭ تەرەڭ تاريحي مادەنيەتىڭ باۋراعىشتىعىن تىكە سەزىنىپ، پارتيانىڭ باسشىلىعىندا ىلەدەگى ٴار ۇلت حالقىنىڭ تۇرمىس دەڭگەيىن ۇزدىكسىز جوعارىلاتىپ، كورىكتى مەكەندى بىرگە قۇرعان كۇرەس بارىسىن شىنايى سەزىندى. 

وبلىستىق قازىنا مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا يىلىعانيەر الەۋمەتتىك اۋماعىندا تۇراتىن قىزمەت اترەتىنىڭ ۇيىمداستىرۋىندا، قاراستى رايونداعى جاس پارتيا مۇشەلەرى پارتياعا كىرۋ سەرتىن قايتالاي پىسىقتاپ، ساقا پارتيا مۇشەلەرى ايتقان قىزىل اڭگىمەلەردى تىڭداپ، پارتيا مۇشەلەرىنىڭ پارتيالىلىق تاربيەلەنۋىن كۇشەيتىپ، جاڭا داۋىردەگى پارتيا مۇشەلەرىنىڭ كەلبەتىن ايگىلەدى.

«وسى قيمىلعا قاتىناسۋ ارقىلى مەن تەرەڭ اسەرگە يە بولدىم، مەن پارتيا مۇشەلەرىنىڭ باستاماشىلدىق رولىن ساۋلەلەندىرۋگە قۇلشىنىپ، ٴىس جۇزىندىك ارەكەتىم ارقىلى پارتياعا ادالدىعىمدى ايگىلەيمىن» دەدى الەۋمەتتىك اۋماقتاعى جاس پارتيا مۇشەسى ٴسابيا ابدۇريىم.