汉文 ىلە اقپارات تورابىنا حوش كەلدىڭىزدەر!
«پارتيانى جىرلاپ، 20 ـ قۇرىلتايدى شاتتانا قارسى الايىق» اتىنداعى قىزىل ٴان ايتۋ جينالىسىن وتكىزدى
2022-07-05 10:58:56     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

وبلىستىق قارت كادرلار قيمىل ورتالىعى:

«پارتيانى جىرلاپ، 20 ـ قۇرىلتايدى شاتتانا قارسى الايىق» اتىنداعى قىزىل ٴان ايتۋ جينالىسىن وتكىزدى


ەرىكتى ٴتىلشى چۇي جاۋيۇن  حابارلايدى. 6 - ايدىڭ 24 - كۇنىنەن 27 - كۇنىنە دەيىن ىلە وبلىستىق قارت كادرلار قيمىل ورتالىعى (قارتتار داشۋەسى) «پارتيانى جىرلاپ، 20 ـ قۇرىلتايدى شاتتانا قارسى الايىق» اتىنداعى قىزىل ٴان ايتۋ جينالىسىن ۇيىمداستىرىپ ورىستەتتى، 15 كلاستاعى (ۇيىم) 420 دان استام ادام وسى رەتكى قيمىلعا قاتىناستى.

قىزىل ٴان ايتۋ جينالىسىندا ساقا جولداستار كلاسسيكالىق توڭكەرىستىك اندەردى تەرەڭ سۇيىسپەنشىلىكپەن ورىنداپ، ەستەن كەتپەس قىزىل ەستەمەلەردى قايتا ەسكە الدى. قىزىل ٴان ايتۋ جينالىسى «حالىق ٴانىن پارتياعا جەتكىزەيىك» انىمەن شىمىلدىعىن اشتى. «قىزىل نۇرعا شومعان تاۋ»، «كوممۋنيستىك پارتيا بولماسا، جاڭا جۇڭگو بولماق ەمەس» سياقتى اسقاق تا ايبىندى توڭكەرىستىك اندەر قارتتار داشۋەسىندەگى كۋرسانتتار مەن ساقا پارتيا مۇشەلەرىنە جۇڭگو كوممۋنيستىك پارتياسىنىڭ شۇعىلالى تاريحىن قايتا سەزىندىردى. «جۇڭحۋانى سۇيەمىن»، «جول باستاۋشى»، «ٴتوراعا ماۋ زىدۇڭنىڭ جاۋىنگەرلەرى پارتيانىڭ سوزىنە قۇلاق اسادى» سياقتى ادامدى جەلپىندىرەتىن كلاسسيكالىق قىزىل اندەر قالىڭ پارتيا مۇشەلەرى مەن حالىق بۇقاراسىنىڭ پارتياعا، وتانعا دەگەن شەكسىز قۇرمەتىن جىرلادى.

وسى رەتكى قىزىل ٴان ايتۋ جينالىسى ساقا جولداستاردىڭ پارتياعا دەگەن تەرەڭ سۇيىسپەنشىلىگىن بەينەلەپ، دەمالىسقا، زەينەتكە شىققان قالىڭ كادرلاردىڭ «قىزمەت ورنىنان قول ۇزگەنىمەن پارتيادان قول ۇزبەۋ، زەينەتكە شىقسا دا قاسيەتىن جويماۋ»، پارتيانى، وتاندى قىزۋ ٴسۇيۋ وسكەلەڭ سۇيىسپەنشىلىگى مەن بۇكىل وبلىستىڭ ەكونوميكاسىنىڭ، قوعامىنىڭ جوعارى ساپالى دامۋىنا بەلسەنە ۇلەس قوسۋ سىندى وسكەلەڭ قاسيەتىن بەينەلەپ، وبلىستىق قارت كادرلار قيمىل ورتالىعىنىڭ (قارتتار داشۋەسىنىڭ) وقىتۋ جەتىستىكتەرى مەن زەينەتكە، دەمالىسقا شىققان كادرلاردىڭ وقيتىن مەكتەبى، كوڭىل اشاتىن ورنى بار ەكەنىن جانە قارتتىق رولدارىن ساۋلەلەندىرە الاتىن رۋحاني بەت ـ بەينەسىن تولىق ايگىلەدى.