سۋرەتتە: جارىس ناق مايدانىنان كورىنىس.  يان جيانشيا فوتوسى

ٴتىلشىمىز يان جيانشيا حابارلايدى.  6 - ايدىڭ 30 ـ كۇنى وبلىستىق پارتكوم ۇگىت ٴبولىمى ۇيىمداستىرعان ىلە وبلىسىنىڭ پارتيا 20  - قۇرىلتايىن شات مەرەيمەن قارسى الۋ «جاڭا جورىقتا ۇدەرە العا تارتىپ، جاڭا داۋىرگە ۇلەس قوسۋ» نەگىزگى تاقىرىبىنداعى ۇگىت ـ لەكسيا جارىسى ىلە وبلىستىق راديو ـ تەلەۆيزيا ستانسياسىندا وتكىزىلدى.

وسى رەتكى ۇگىت ـ لەكسيا جارىسى شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي ۇيرەنىپ، ۇگىتتەپ، دايەكتىلەندىرىپ، اۆتونوميالى وبلىستىڭ نازاريا ۇگىت ـ لەكسيا قىزمەتىندە ۇزدىكسىز جاڭا جاعداي جاراتۋ ماقساتىندا وتكىزىلدى.

وبلىستىق پارتكوم ۇگىت ٴبولىمى 4 - ايدىڭ ورتا شەنىنەن بەرى، وبلىسقا توتە قاراستى اۋدان، قالالاردا پارتيا 20 - قۇرىلتايىن شات مەرەيمەن قارسى الىپ، «جاڭا جورىقتا ۇدەرە العا تارتىپ، جاڭا داۋىرگە ۇلەس قوسۋ» نەگىزگى تاقىرىبىنداعى ۇگىت ـ لەكسيا جارىسىن وتكىزىپ، جاڭا داۋىردەگى اۆتونوميالى وبلىسىمىزداعى نەگىزگى ساتى ۇگىتشىلەرىنىڭ شىت جاڭا رۋحاني بەت ـ بەينەسىن تولىق ايگىلەدى.

4 - ايدىڭ 20 - كۇنىنەن 5 - ايدىڭ 30 - كۇنىنە دەيىن، بۇكىل وبلىستاعى 11 اۋدان، قالا، 277 اۋىل ـ قالاشىقتاعى (ٴمالى) 2 مىڭ 220  دان استام ارناۋلى، قوسىمشا مىندەتتەگى نەگىزگى ساتى نازاريا ۇگىت ـ لەكسياشىلارى جانە نەگىزگى ساتى نازاريا ۇگىت - لەكسيا قىزمەتىنە قاتىناسقان پارتيالى كادرلار جارىسقا قاتىناستى. جارىس اۋىل ـ قالاشىقتا (ٴمالى) العاشقى سارالاۋدان وتكىزۋ، اۋدان، قالالاردا قايتالاي سارالاۋ ارقىلى 12 ۇزدىك شاباندوز سول كۇنگى جارىسقا قاتىناستى.

جارىس الاڭىندا شاباندوزدار ۇگىت ـ لەكسيا نەگىزگى تاقىرىبىن ارقاۋ ەتىپ، كورگەن ـ بىلگەندەرىمەن، وي تۇيىندەرمەن ۇشتاستىرىپ، جانىنداعى پارتيالى كادرلاردىڭ اۆانگاردتىق، ۇلگىلىك رولىن ساۋلەلەندىرۋ، ادالدىقپەن مىندەت اتقارۋ، جاۋاپكەرشىلىكتى ادا ەتىپ، ەرلىكپەن العا باسۋ، تىڭ ۇلەس قوسۋ جونىندەگى ىزگى ىستەرىن جاندى دا جاراسىمدى بايانداپ، جۇرتتى جىگەرلەندىرىپ، كورەرمەندەردىڭ قىزۋ قارسى الۋىنا بولەندى.