ٴتىلشىمىز ما چىڭلۋ حابارلايدى. 7 - ايدىڭ 20 - كۇنى تۇستەن كەيىن ىلە وبلىستىق ۇكىمەت اۆتونوميالى رايوندىق گەولوگيا - كەن ىستەرى مەكەمەسىمەن، شينكۋاڭ قارجى قوسۋ توبىمەن ستراتەگيالىق سەلبەستىك جۇلگەلىك كەلىسىمىنە قول قويۋ سالتىن وتكىزدى. وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى، اۆتونوميالى رايوندىق گەولوگيا - كەن ىستەرى مەكەمەسى پارتيا باسشىلىق گرۋپپاسىنىڭ شۋجيى، شينكۋاڭ قارجى قوسۋ توبى پارتكومىنىڭ شۋجيى، باس جوراسى سۇن بين سالتقا قاتىناستى ٴارى جەكە - جەكە ٴسوز سويلەدى.

ەلشات تۇرسىنباي ۇلى بىلاي دەدى: تۇتاس رايون بويىنشا جوعارىدان تومەنگە دەيىن باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنۋ، دايەكتىلەندىرۋ قارساڭىندا، ىلە وبلىستىق ۇكىمەت اۆتونوميالى رايوندىق گەولوگيا - كەن ىستەرى مەكەمەسىمەن، شينكۋاڭ قارجى قوسۋ توبىمەن ستراتەگيالىق سەلبەستىك جۇلگەلىك كەلىسىمىنە قول قويۋ سالتىن وتكىزدى، بۇل ٴبىزدىڭ مەملەكەتتىك كەڭەستىڭ، اۆتونوميالى رايوننىڭ جانە اۆتونوميالى وبلىستىڭ ارتۋدى ورنىقتىرۋداعى ٴبىرقىدىرۋ شارالارىن دايەكتى تياناقتاندىرۋىمىزدىڭ ماڭىزدى بەينەسى ٴارى ٴۇش جاقتىڭ ناقتى سەلبەستىگىن تەرەڭدەتۋدەگى ماڭىزدى تابىس، ونان دا ماڭىزدىسى، كەن بايلىعىن اشۋ ارقىلى جەرگىلىكتى ورىن ەكونوميكاسىن دامىتۋعا قىزمەت وتەۋدى ىلگەرىلەتۋدىڭ جاندى امالياتى. وسى رەت اۆتونوميالى رايوندىق گەولوگيا - كەن ىستەرى مەكەمەسى، شينكۋاڭ قارجى قوسۋ توبى ىلە وبلىسىمەن ستراتەگيالىق سەلبەستىك كەلىسىمىنە قول قويىسىپ، كەن بايلىعىن بارلاۋ - اشۋ، گەولوگيالىق عىلىم - تەحنيكالىق قىزمەت وتەۋ، ساياحاتقا گەولوگيالىق قىزمەت وتەۋ سياقتى جاقتاردا ستراتەگيالىق سەلبەستىك جاسادى، بۇل اۆتونوميالى رايوندىق گەولوگيا - كەن ىستەرى مەكەمەسىنىڭ تەحنيكالىق ابزالدىلىعى، شينكۋاڭ قارجى قوسۋ توبىنىڭ قارجى ابزالدىلىعى جانە ىلە وبلىسىنىڭ بايلىق ابزالدىلىعىنىڭ ورگانيكالى ۇشتاسۋى بولىپ، ىلە وبلىسىنىڭ كەن بايلىعىن بارلاۋدا، اشۋدا، كەن كاسىبىن دامىتۋدا، ٴسوزسىز، توتەنشە ماڭىزدى رول اتقارادى. ٴبىز اۆتونوميالى رايوندىق گەولوگيا - كەن ىستەرى مەكەمەسىنىڭ ىلە وبلىسىندا كەن بايلىعىن بارلاۋ قىزمەتىن ورىستەتۋىن بار كۇشپەن قولداپ، قىزمەت وتەۋ، سايكەستىرۋ قىزمەتىن تىڭعىلىقتى ىستەيمىز. وبلىسقا توتە قاراستى تاراۋلار وسى رەتكى ستراتەگيالىق سەلبەستىك كەلىسىمىنە قول قويۋدى وراي ەتىپ، گەولوگيالىق بارلاۋ، اشۋ تاراۋلارىنىڭ ارناۋلى جوبا جاساۋىنا بار كۇشپەن سايكەسىپ، ارناۋلى گەولوگيالىق بارلاۋ سەلبەستىك نىساندارىن سايكەستىرۋ قىزمەتىن جاقسى ىستەپ، ٴۇش جاقتىڭ سەلبەستىكتى تەرەڭدەتۋىنە شارت - جاعداي، قولايلىلىق جاراتادى. ىلە وبلىستىق پارتكوم مەن ۇكىمەت ەڭ زور نيەت جانە سەنىممەن، اۆتونوميالى رايوندىق گەولوگيا - كەن ىستەرى مەكەمەسىنىڭ، شينكۋاڭ قارجى قوسۋ توبىنىڭ دامۋىن بۇرىنعىداي قولداپ، قول ۇستاسا وتىرىپ ٴوزارا پايدا جەتكىزۋدى، تەڭ يگىلىككە كەنەلۋدى جۇزەگە اسىرىپ، جوعارى ساپالى دامۋدىڭ تاماشا تابىستارىمەن پارتيا 20 - قۇرىلتايىنىڭ جەڭىسپەن اشىلۋىن قارسى الادى.

سۇن بين بىلاي دەدى: ىلە وبلىسى ەرەكشە وڭىرلىك ابزالدىلىققا يە، كەن بايلىعى مول. ٴبىز ستراتەگيالىق سەلبەستىك كەلىسىمىنە قول قويىسۋ ارقىلى ىلە وبلىسىنىڭ بايلىق قاينارىن اشۋدى ىلگەرىلەتىپ، شينكۋاڭ توبىنىڭ ىلە وبلىسىندا بىرگە دامۋىن ىلگەرىلەتەمىز. ىلە سىندى قۇتتى مەكەندە ٴبىز قاجىرلىلىقپەن ەڭبەكتەنىپ، سەلبەسىپ تەڭ يگىلىككە كەنەلۋگە سەنىمىمىز كامىل. ٴبىز دارىندى، جابدىق، تەحنيكا سياقتى ابزالدىلىقتاردى كۇش سالا ساۋلەلەندىرىپ، ەكولوگيالىق ورتانى قالپىنا كەلتىرۋ، بايلىقتى بارلاۋ، قاريتاعا ٴتۇسىرۋ، تەرەڭنەن شارلاۋ، ەكولوگيا، ساياحات، گەولوگيا سياقتى سالالاردا ىلە وبلىسىمەن ىشكەرىلەي سەلبەستىكتى ورىستەتىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتەمىز.

اۆتونوميالى رايوندىق گەولوگيا - كەن ىستەرى مەكەمەسىنىڭ 1 - دارەجەلى شارلاۋشىسى فىڭ جيڭ ىلە وبلىسىنىڭ كەن بايلىعىن بارلاۋ، اشۋ ۇسىنىسىن تانىستىردى.

وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى تاۋ چيڭسۇڭ اۆتونوميالى رايوندىق گەولوگيا - كەن ىستەرى مەكەمەسى باستىعىنىڭ ورىنباسارى چىن ۋيبين جانە شينكۋاڭ قارجى قوسۋ توبى پارتكومىنىڭ مۇشەسى، باس جوراسىنىڭ ورىنباسارى چىن گۇيمينمەن «ستراتەگيالىق سەلبەستىك كەلىسىمىنە» قول قويىستى.

وبلىستىق جاراتىلىستىق بايلىق مەكەمەسىنىڭ، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ،  قازىنا مەكەمەسىنىڭ، دامۋ جانە رەفورما كوميتەتىنىڭ، ەكولوگيالىق ورتانى قورعاۋ مەكەمەسىنىڭ، ونەركاسىپ جانە ينفورماتسيالاندىرۋ مەكەمەسىنىڭ، ورمان شارۋاشىلىعى جانە جايىلىم مەكەمەسىنىڭ، اۋىل شارۋاشىلىعى، اۋىل - قىستاق مەكەمەسىنىڭ، باتىس تيانشان ورمان شارۋاشىلىعى مەكەمەسىنىڭ، مادەنيەت - ساياحات مەكەمەسىنىڭ جانە وبلىستىق سايتۇڭ سەرىكتەستىگىنىڭ، مەملەكەت قارجى قوسۋ سەرىكتەستىگىنىڭ، قاتىناس ىستەرىنە قارجى قوسۋ توبىنىڭ نەگىزگى جاۋاپتىلارى قول قويۋ سالتىنا قاتىناستى.