ۋان ليجۇن، ما شيڭرۇي ٴسوز سويلەدى، ەركىن تۇنياز، شاۋكەت يمىن، نۇرلان ٴابىلماجىن ۇلى، لي يفي، حى جۇڭيوۋ قاتىناستى 

 شينجياڭ گازەتىنىڭ حابارى (تىلشىلەر ۋاڭ شيڭرۇي، ليۋ شياڭ، ميھىرگۇل عوپۇر). وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ اۆتونوميالى رايوندىق 8 - قۇرىلتايى 7 - ايدىڭ 30 - كۇنى ۇرىمجىدە اشىلدى. جۇڭحۋا مەملەكەتتىك وتانعا ورالعان حۋاچياۋلار بىرلەستىگى پارتيا باسشىلىق گرۋپپاسىنىڭ شۋجيى، ٴتوراعا ۋان ليجۇن، اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ٴارى ٴسوز سويلەدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ ماجىلىسىنە قاتىناستى.

ۋان ليجۇن جۇڭگو حۋاچياۋلار بىرلەستىگى اتىنان قۇرىلتايدىڭ اشىلعاندىعىن قىزۋ قۇتتىقتادى ٴارى شينجياڭ حۋاچياۋلار بىرلەستىگىنىڭ قىزمەتىندە قول جەتكەن ناتيجەلەردى تولىق تۇراقتاندىردى. ول بىلاي دەپ اتاپ كورسەتتى: شي جينپيڭ جاڭا ٴداۋىر جۇڭگوشا سوتسياليزم يدەياسىمەن حۋاچياۋلار بىرلەستىگى قىزمەتىنە ٴبىر تۇتاس باسشىلىق ەتۋگە تاباندى بولىپ، شينجياڭنىڭ قوعام ورنىقتىلىعى مەن باياندى تىنىشتىعى ٴۇشىن چياۋباۋلار سالاسىنىڭ جۇرت تىلەگىن ۇيىستىرۋ كەرەك. باس شۋجي شي جينپيڭنىڭ بۇقارالىق ۇيىمدار قىزمەتى، چياۋباۋلار ىستەرى قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، «ەكىنى تۇراقتاندىرۋدىڭ» شەشۋشى ٴمانىن تەرەڭدەي ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى سانالى تۇردە ساقتاۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە، چياۋباۋلارعا قىزمەت وتەۋگە تاباندى بولىپ، جاڭا داۋىردەگى جاڭا جورىقتا كورىكتى شينجياڭ قۇرۋعا چياۋباۋلار سالاسىنىڭ كۇشىن قوسۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، «ٴبىر بەلدەۋ، ٴبىر جول» قۇرىلىسى مەن شينجياڭنىڭ ٴوڭىر ورنى ابزالدىعىن تياناق ەتىپ، «جۇڭحۋادا شارۋاشىلىق قۇرۋ»، «چياۋباۋلار بەس قۇرلىقتى ۇلاستىرۋ» سياقتى ٴتۇيىندى نىسانداردى تۇتقا ەتىپ، «ەتەنە جۇڭحۋا»، «ارمانعا قۇلاش سەرمەگەن جۇڭحۋا» ۇگىت ارنالارى مەن دانەكەرلەرىن بايىتىپ، شينجياڭنىڭ جوعارى ساپالى دامۋىنا تىڭ قوزعاۋشى كۇش ۇستەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ٴار ۇلت بۇقاراسىنىڭ باقىت سەزىمىن، تابىس سەزىمىن جوعارىلاتۋ بارىسىندا چياۋباۋلار سالاسىنىڭ جاۋاپكەرشىلىك ارقالاۋىن ايگىلەۋ كەرەك.

چياۋباۋلارعا قىزمەت وتەۋدى قىزمەتتىڭ نەگىزگە الار ٴتۇيىنى مەن تابان تىرەر تياناعى ەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، نەگىزگى ساتى حۋاچياۋلار بىرلەستىگى ۇيىمدارى قۇرىلىسىن كۇشەيتىپ، نەگىزگى ساتىنىڭ رەفورما جاساۋىنا، جاڭالىق اشۋىنا قۇرمەت ەتىپ جانە وعان شابىت بەرىپ، «چياۋباۋلار شاڭىراعى» قۇرىلىسىن ويداعىداي يگەرۋ كەرەك. پارتيانىڭ جاپپاي باسشىلىعىنا تاباندى بولىپ، جاڭا تاريحي باستامادا شينجياڭنىڭ حۋاچياۋلار بىرلەستىگى ىستەرى دامۋىنىڭ جاڭا تاراۋىن جازۋ كەرەك. حۋاچياۋلار بىرلەستىگى ىستەرىن دامىتۋدىڭ 5 جىلدىق جوباسىن مۇقيات دايەكتىلەندىرىپ، تياناقتاندىرىپ، حۋاچياۋلار بىرلەستىگى قىزمەتىنىڭ ورەسىن جوعارىلاتىپ، «چياۋباۋلار ٴىرى ٴىسى» كوزقاراسىن جانە وي جەلىسىن ورناتىپ، «پارتيا قۇرىلىسى ارقىلى چياۋباۋلار قۇرىلىسىن جەتەكتەۋگە» تاباندى بولىپ، حۋاچياۋلار بىرلەستىگى ۇيىمدارىن وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ سەنىم ارتاتىن مەيىرلى شاڭىراعى، ىنتىماق شاڭىراعى، كۇرەس شاڭىراعى ەتىپ قۇرىپ شىعۋ كەرەك.

ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس اتىنان، قۇرىلتايدىڭ اشىلعاندىعىن قىزۋ قۇتتىقتادى، جۇڭگو حۋاچياۋلار بىرلەستىگىنىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، قولداعاندىعىنا شىن جۇرەكتەن العىس ايتتى. ول بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جاقسى جازۋ بۇكىل رايونداعى وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ قول ۇستاسا تىلەك بىرىكتىرۋىنەن، تىزە قوسا كۇرەس جاساۋىنان ايرىلا المايدى. «ەكىنى تۇراقتاندىرۋدىڭ» شەشۋشى ٴمانىن جەتە ٴتۇسىنىپ، «ەكىنى قورعاۋدى» باتىل ورىنداپ، باس شۋجي شي جينپيڭنىڭ چياۋباۋلار ىستەرى قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى جاڭا جورىقتا تىڭ جاۋاپكەرشىلىك ارقالاپ، تىڭ ىسكەرلىك كورسەتىپ، وتاننىڭ تۇتاستىعى مەن ۇلتتار ىنتىماعىن قورعاۋ، شينجياڭنىڭ تاماشا وبرازىن جان - جاقتى، وبيەكتيۆ تۇردە كورسەتۋ، اناعۇرلىم كورىكتى شينجياڭ قۇرۋ ٴۇشىن تىڭ دا اناعۇرلىم زور ۇلەس قوسىپ، ٴىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك. جۇڭحۋا ۇلتىنىڭ ادىلەت ىسىنەن جازباي، وتاندى ٴسۇيۋ، مەكەندى ٴسۇيۋ داڭقتى ٴداستۇرىن اسقاقتاتىپ، تاتۋ باۋىرلاستىق سۇيىسپەنشىلىكتىڭ، ۇلتتاردىڭ ورتاق تانىمىن نىعايتۋدىڭ ەرەكشە رولىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ تىزە قوسا ىنتىماقتاسىپ كۇرەس جاساۋىن، بىرگە گۇلدەنۋىن، دامۋىن جەبەۋ كەرەك. جۇڭحۋا مادەنيەتىن جالعاستىرىپ، اسقاقتاتىپ، شينجياڭدى مادەنيەتپەن نارلەندىرۋ ينجەنەرياسىن ويداعىداي اتقارۋدى ىلگەرىلەتىپ، جۇڭگو شينجياڭىنىڭ حيكاياسىن جاقسى بايانداپ، حالىقارالىق قوعامنىڭ شينجياڭ جونىندەگى تۇسىنىگى مەن تانىمىن نىعايتۋ كەرەك. رەفورماعا، دامۋعا، ورنىقتىلىققا دەم بەرىپ، شينجياڭنىڭ قۇرىلىسىنا، دامۋىنا جابال ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسى، ۇلتتار ىنتىماعى، قوعام ورنىقتىلىعى سياقتىلارعا بەلسەنە اقىل - كەڭەس بەرۋ، كۇش قوسۋ كەرەك. ٴار دارەجەلى حۋاچياۋلار بىرلەستىگى مەن چياۋباۋلار ىستەرى شەبى جالپى جاعدايدى كوكەيدە ٴتۇيىپ، رەفورما جاساپ، جاڭالىق اشىپ، چياۋباۋلارعا قىزمەت وتەپ، وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ جان اشىرى بولىپ، چياۋباۋلار ىستەرى قىزمەتىنىڭ ناقتى ٴىس تىندىرۋشىسىنا اينالىپ، چياۋباۋلاردىڭ تىلەگىن، چياۋباۋلاردىڭ كۇشىن ۇزدىكسىز ۇيىستىرۋ كەرەك. ٴار دارەجەلى پارتكومدار مەن ۇكىمەتتەر، قاتىستى تاراۋلار پارتيانىڭ چياۋباۋلار ىستەرى ساياساتىن تياناقتاندىرىپ، حۋاچياۋلار بىرلەستىگى قىزمەتىنە باسشىلىقتى كۇشەيتىپ جانە جاقسارتىپ، حۋاچياۋلار بىرلەستىگى قىزمەتىنە پارمەندى قامتاماسىزدىق ازىرلەۋ كەرەك.

ماجىلىستە اۆتونوميالى رايوندىق ايەلدەر بىرلەستىگىنىڭ قاتىستى جاۋاپتىسى حالىقتىق ۇيىمدار اتىنان قۇتتىقتاۋ ٴسوزىن سويلەدى.

قۇرىلتاي «اۆتونوميالى رايوندىق حۋاچياۋلار بىرلەستىگى 7 - كەزەكتى كوميتەتىنىڭ قىزمەت بايانداماسى جونىندەگى قاراردى» قاراپ ماقۇلدادى. اۆتونوميالى رايوندىق حۋاچياۋلار بىرلەستىگى 8 - كەزەكتى كوميتەتىنىڭ 75 مۇشەسىن سايلاپ شىقتى. رىن چىڭ اۆتونوميالى رايوندىق حۋاچياۋلار بىرلەستىگىنىڭ ٴتوراعالىعىنا، ۋاڭ جاۋحۇي، ميھىرگۇل اجى، مۇحيت سولتان ۇلى قاتارلى 11 ادام ورىنباسار ٴتوراعالىعىنا سايلاندى.

جاڭ جۋ، ليۋ سۋشى قاتارلىلار اشىلۋ ماجىلىسىنە قاتىناستى. وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ اۆتونوميالى رايوندىق 8 - قۇرىلتايىنىڭ ۋاكىلدەرى قۇرىلتايعا قاتىناستى. ٴىشىنارا ايماق، وبلىس، قالالىق حۋاچياۋلار بىرلەستىكتەرىنىڭ جاۋاپتى جولداستارى، نەگىزگى ساتى حۋاچياۋلار بىرلەستىكتەرىنىڭ كادرلارى قاتارلىلار سىرتتاي قاتىناستى.