汉文 ىلە اقپارات تورابىنا حوش كەلدىڭىزدەر!
”شينجياڭداعى جاقسى ادامداردىڭ“ توپ - توبىمەن جارىققا شىعۋىنىڭ ىشكى لوگيكاسى
2022-01-13 17:21:23     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شۇي چيڭگۋاڭ

قاراپايىم ادامداردىڭ ىزگى ىستەرى بىزگە قاشاندا مەيىرىمدىلىك پەن كۇش - قۋات سيلايدى. جاڭا جىل باستالىسىمەن ”شينجياڭداعى جاقسى ادامدار“ توپ - توبىمەن جارىققا شىقتى: پارتيا مۇشەسى زناگىن كورسەتكەن شينجياڭدىق اعاي، 4700 كيلومەتردى باسىپ ءوتىپ، سۇيىسپەنشىلىكپەن ”وكىلەتتى كولىك جۇرگىزگەن“ شينجياڭدىق اعايلار، سومكە تاۋىپ العاننان كەيىن امالىن تاۋىپ يەسىنە قايتارىپ بەرۋدى ويلاعان شينجياڭدىق اتاي... قاراپايىم شينجياڭدىقتار سانسىز ادامدى اسەرلەندىرىپ، جۇرەك قىلىن تەربەتەتىن شينجياڭ حيكايالارى شار تاراپقا تارادى. كەيبىرەۋلەر: ”شينجياڭدىقتار مىنە وسىنداي اق ەدىل“ دەپ القاسا، ەندى بىرەۋلەر: ”شينجياڭ حيكاياسى قاشاندا وسىنداي جۇرەككە توتە جەتەدى“ دەپ اسەرلەندى، تاعى بىرەۋلەر: ”شينجياڭداعى جاقسى ادامدار“ قالايشا توپ - توبىمەن جارىققا شىعىپ جاتىر؟ - دەپ تولعاندى.

كەزدەيسوقتىقتىڭ استارىندا سوزسىزدىك بولادى. پارتيا مۇشەسى زناگىن كورسەتكەن ابدۇجاپپار مەڭدى جونىنەن اداسقان ساياحاتشىلارعا قاي - قاشان دا كومەكتەسۋ، جارالانعان حايۋاناتتاردى قۇتقارۋ الدەقاشان ونىڭ داعدىسىنا اينالعان؛ ”وكىلەتتى كولىك جۇرگىزگەن 2 اعاي“ مامەت نۇردۇن مەن ءمانسۇر پاتتاردىڭ كوڭىلىندە ”بۇل باۋىرلاستار اراسىنداعى ءوزارا كومەك، اۋىزعا الارلىقتاي ءىس ەمەس“. ”شينجياڭداعى جاقسى ادامداردىڭ“ ىستەگەن ءىسى جالعان ويىن، جارامساقتىق ارەكەت ەمەس، قايتا جۇرەك تۇكپىرىندەگى شىنايى سۇيىسپەنشىلىكتىڭ تابيعي بەينەلەنۋى. قۇبىلىستان مانگە ۇڭىلسەك، كوپتەگەن ”شينجياڭداعى جاقسى ادامدار“ قالىپتاستىرعان ادام جانىن مەيىرگە بولەيتىن ءمورالدىق بەينەلەردە تەگى قانداي ىشكى لوگيكا جاتىر؟

”شينجياڭداعى جاقسى ادامداردىڭ“ توپ - توبىمەن جارىققا شىعۋىنىڭ استارىندا جاراسىمدى، تاتۋ قوعامدىق بەينە جاتىر. بۇگىنگى شينجياڭ مۇلدەم كەدەيلىككە قوش ايتىپ، جاپپاي دوڭگەلەك داۋلەتتىلىك ارمانىن ورىندادى، قوعامدىق كەلەلى جاعداي ۇزدىكسىز ورنىقتى بولىپ، جوعارى ساپالى دامۋدىڭ قوزعاۋشى كۇشى سەرپىندى بولدى، ءار ۇلت بۇقاراسى تىنىش ءومىر، شات - شادىمان تىرشىلىك كەشىرىپ، تيانشان الابىندا ومىرشەڭدىك جاپپاي قاۋلاپ، تاريحتاعى ەڭ جاقسى دامۋ كەزەڭىنە ءوتتى. تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيگەن ءار ۇلت بۇقاراسى پارتيا ورتالىق كوميتەتىنىڭ كوڭىل بولۋىنە، قامقورلىعىنا شىن جۇرەگىنەن العىس ايتتى، بۇكىل ەلدىڭ جەر - جەرىنىڭ قالتقىسىز كومەگىنە العىس ايتتى، تاماشا تۇرمىسقا مول سەنىممەن تالپىنىپ، اناعۇرلىم اشىق تا سەنىمدى قوعامدىق كوڭىل كۇي، بايىپتى دا كەشىرىمشىل قوعامدىق پسيحيكا قالىپتاستى. بۇل جاقسى ادام، جاقسى ىستەردىڭ شينجياڭنىڭ تۇكپىر - تۇكپىرىندە ۇزدىكسىز جارىققا شىعۋىنىڭ قوعامدىق نەگىزى، سونداي - اق جاڭا داۋىردەگى جۇڭگوشا سوتسياليستىك شينجياڭ قۇرۋدىڭ مىعىم قوزعاۋشى كۇشى.

”شينجياڭداعى جاقسى ادامداردىڭ“ توپ - توبىمەن جارىققا شىعۋىنىڭ استارىندا مەيىرىمدى دە قايىرىمدى بولۋداي مادەنيەت ورتاسى جاتىر. جۇڭحۋا مادەنيەتى باستان - اياق شينجياڭداعى ءار ۇلتتى قامتىعان بۇكىل جۇڭحۋا ۇلتىنىڭ سۇيىسپەنشىلىك سۇيەنىشى، كوڭىل تياناعى جانە رۋحاني مەكەنى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ءۇشىن ۋحانعا بارعان ەمدەۋ اترەتىنەن حوتانداعى ”بىلەگى ۇزىلگەن بالاعا“ ءومىر جولىن جالعاعان ءار جاقتاعى قايراتكەرلەرگە دەيىن، ولاردىڭ ءبارى شينجياڭداعى ءار ۇلت حالقى اراسىنداعى قاراپايىم مۇشەلەر، الايدا ولاردىڭ ءون - بويىنان بەينەلەنگەن ادىلدىك، باتىلدىق، ىزگىلىك سان مىڭداعان شينجياڭدىقتىڭ كوتەرىڭكى، ورگە ۇمتىلعان رۋحاني بەت - بەينەسىن قالىپتاستىرىپ، جۇڭحۋا مادەنيەتىنىڭ شينجياڭنىڭ بايتاق دالاسىنداعى سارقىلماس قاينار بۇلاعى بولىپ جينالدى. جۇڭحۋانىڭ تاڭداۋلى ءداستۇرلى مادەنيەتىندەگى ادامدارعا مەيىرىمدى بولۋ، يگى ءىس ىستەۋ، ەل قامىن ويلاۋ، قىسىلعاندارعا قارايلاسۋ يدەياسى مەن ۇستانىمى، مەيلى وتكەندە، الدە قازىر بولسىن، تۇگەلدەي ايقىن ۇلتتىق ءتۇس العان، تۇگەلدەي ماڭگى وڭبەيتىن داۋىرلىك قۇنعا يە.

”شينجياڭداعى جاقسى ادامداردىڭ“ توپ - توبىمەن جارىققا شىعۋىنىڭ استارىندا ىزگىلىكتى قاستەرلەيتىن ءمورالدىق تالپىنىس جاتىر. كوپتەگەن شينجياڭدىقتىڭ ىزگى ءىسى جەر - الەمدى ءدۇر سىلكىنتەرلىك بولماسا دا، جانارىنان نۇر سەزىندىرىپ، جۇرەگىنەن سۇيىسپەنشىلىك تۋىنداتىپ، ىزگىلىكتى رۋحاني نارگە اينالدىرادى، مىنە بۇل سوتسياليستىك وزەكتى قۇن كوزقاراسىنىڭ جەتەكتەۋ كۇشى. قۇن كوزقاراسى قۇرىلىسى مۇرات - سەنىمدى ورناتىپ، جاقسىلىق پەن جاماندىقتى ايىرىپ، داۋىرىمىزدەگى جۇرت تىلەگىمەن بايلانىسىپ جاتىر، ءدال سوتسياليستىك وزەكتى قۇن كوزقاراسىن بۇلجىماستان جەتىلدىرۋدى جانە اسقاقتاتۋدى رۋح - جىگەردى ۇيىستىرۋدىڭ، نەگىزدى كۇشەيتىپ، ءتۇبىردى بەكەمدەۋدىڭ نەگىزدىك ينجەنەرياسى ەتكەندىكتەن، شينجياڭداعى ءار ۇلت بۇقاراسىنىڭ اراسىنان وسىنشاما كوپتەگەن ءمورالدى امالياتتا قاستەرلەۋشىلەر، وركەنيەتتى سالت - سانانى قورعاۋشىلار، تاماشا تۇرمىستى جاراتۋشىلار جارىققا شىعىپ، قوعامدى العا باسۋعا، ىزگىلىككە ۇمتىلۋعا ىلگەرىلەتەتىن مىعىم وڭ ەنەرگيا قالىپتاستىرىپ وتىر. داريا - تەڭىز بۇلاقتاردان قۇرالادى، ءاربىر ادام ىزگىلىكتى كوكەيىندە ساقتاپ، سۇيىسپەنشىلىگىن ارناپ، ىزگى ىستەر ىستەسە، قوعام ءمورال مەيىرىمىنە شومىپ، ”مەن جۇرت قامىن ويلاسام، جۇرت تا مەنىڭ قامىمدى ويلار“ دەيتىن تاماشا اينالىم قالىپتاسادى.

”شينجياڭداعى جاقسى ادامداردىڭ“ توپ - توبىمەن جارىققا شىعۋىنىڭ استارىندا جۇرت تىلەگى ءبىر اراعا توعىسقان يدەيالىق نەگىز جاتىر. ءوزارا كومەكتەسۋ، ءبىر وتباسىنداي بەرەكەلى بولۋ قوعامدىق ءمورالدىڭ وزەگى بولىپ قالماستان، ۇلتتار ىنتىماعىنىڭ دا نەگىزگى مازمۇنى سانالادى. پارتيانىڭ ۇلت ساياساتتارىنىڭ شۇلەن شۋاعىندا، ۇلتتىق وڭىرلىك اۆتونوميا ءتۇزىمىنىڭ قورعاۋىندا، بۇگىنگى شينجياڭنىڭ ءار سۇيەم جەرىنەن ۇلتتار ىنتىماعىنىڭ، شەكسىز سۇيىسپەنشىلىكتىڭ جاندى حيكايالارى شىنايى سەزىممەن باياندالىپ جاتىر. ”شينجياڭداعى جاقسى ادامداردىڭ“ ءون - بويىنان ايگىلەنگەن ۇلتتار ىنتىماعى ءداستۇرىن ويداعىداي جالعاستىرىپ، جۇڭحۋا ۇلتى ورتاق تۇلعا تانىمىن ءار ۇلت بۇقاراسىنىڭ جۇرەك تۇكپىرىنە مىقتاپ تامىر تارتقىزىپ، ۇلتتاردىڭ اناردىڭ دانىندەي تىعىز ۇيىسۋىن جەبەسەك، شينجياڭنىڭ قوعام ورنىقتىلىعى مەن باياندى تىنىشتىق نەگىزى اناعۇرلىم بەكەمدەلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تەلەگەي كۇشكە يە بولادى.

ادام ءومىرى سەنىمنىڭ دەم بەرۋىن قاجەت ەتەدى، قوعام ورتاق تانىمنىڭ جەتەكشىلىگىن قاجەت ەتەدى، مەملەكەت رۋحتىڭ جول باستاۋىن قاجەت ەتەدى. جاقسى ادامداردىڭ، جاقسى ىستەردىڭ جارىققا شىعۋىنىڭ قوعامدىق، مادەنيەتتىك، ءمورالدىق، يدەيالىق نەگىزىن تەرەڭ باپتاپ، ”شينجياڭداعى جاقسى ادامدار“ بولۋعا كۇش جالعاساق، سەنىمدى، سۇيىكتى، قادىرلى جۇڭگونىڭ شينجياڭى دۇنيە ءجۇزى حالقى الدىندا ءتىپتى دە جاقسى ايگىلەنەدى.