ٴتىلشىمىز شيە چىن حابارلايدى. 1 - ايدىڭ 13 - كۇنى وبلىستىق باس جۇمىسشى ۇيىمى قۇلجا قالالىق يمەي ورتا تازالىعى شەكتى سەرىكتەستىگىندە «2022 - جىلعى شاعان مەرەكەسى بايلانىسىمەن مەيىر باعىشتاۋ» حال سۇراۋ قيمىلىن ورىستەتىپ، الدىڭعى شەپتەگى ورتا تازالىعى جۇمىسكەرلەرىنە الدىن الا مەرەكەلىك قامقورلىق جانە ىزگى تىلەك جەتكىزدى. وبلىستىق پارتكومنىڭ تۇراقتى مۇشەسى قايرات اشىك ۇلى قيمىلعا قاتىناستى. 

ورتا تازالىعى - قالا وبرازىن ايگىلەيدى، ورتا تازالىعى جۇمىسكەرلەرى «ٴبىر ادامنىڭ ٴۇستى بىلعانسا دا سان مىڭداعان ادامعا تازالىق باعىشتاۋ» سىندى ۇلەس قوسۋ رۋحىن ساۋلەلەندىرىپ، جاپالى ەڭبەك ارقىلى تۇتاس قالانىڭ تازالىعىنا كەپىلدىك ەتۋدە. حال سۇراۋ قيمىلى بارىسىندا وبلىستىق باس جۇمىسشى ۇيىمىنىڭ حال سۇراۋ گرۋپپاسى 121 ورتا تازالىعى جۇمىسكەرىنە حال سۇراۋ بۇيىمدارىن ۇسىنىپ، ولاردىڭ تۇرمىس، قىزمەت جاعدايىن مۇقيات ۇعىستى، ولاردىڭ تاماشا قىزمەت ستيلىن اۋەلگىدەي ساقتاپ، قۇلجا قالاسىنىڭ ورتا تازالىعى ساپاسىن ۇزدىكسىز جوعارىلاتۋىن ٴۇمىت ەتتى. 

«پارتيا مەن ۇكىمەتتىڭ شاعاندىق ساۋعاسىن تاپسىرىپ العانىما وتە قۋانىشتىمىن. بۇدان كەيىن قىزمەتىمدى ويداعىداي جالعاستىرىپ، قۇلجا قالاسى ورتاسىنىڭ اناعۇرلىم تازا بولۋىنا ٴبىر كىسىلىك ۇلەسىمدى قوسامىن» دەدى ورتا تازالىقشىسى چىن لييۇڭ قۋانىشتى تۇردە. 

وبلىستىق باس جۇمىسشى ۇيىمى ۇقىق قورعاۋ ٴبولىمىنىڭ باستىعى ساي يۇيجۋان بىلاي دەپ تانىستىردى: «بۇل رەتكى حال سۇراۋ قيمىلى - شاعان مەرەكەسىندە مەيىر باعىشتاۋ جەلىلەس قيمىلىنىڭ ٴبىرى ەسەپتەلىنەدى، وبلىستىق باس جۇمىسشى ۇيىمى 800 مىڭ يۋان قاراجات شىعارىپ، كاسىپورىنداردىڭ جۇمىسشى - قىزمەتكەرلەرىنە، مەرەكە كەزىندە قىزمەت ورنىندا تاباندىلىقپەن قىزمەت ىستەيتىن الدىڭعى شەپ قىزمەتكەرلەرىنە، سونداي - اق جاڭادان كاسىپتەنگەندەرگە مەرەكەلىك سالەم جەتكىزۋدى جوسپارلادى. ولارعا پارتيا مەن ۇكىمەتتىڭ قامقورلىعى مەن سۇيىسپەنشىلىگىن جەتكىزبەكشىمىز».