وبلىستىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ ۇلت قىزمەتى جانە شينجياڭدى ىنتىماقتاسا ورنىقتىرۋ جونىندەگى ماڭىزدى بايىمداۋلارىن ارناۋلى ۇيرەندى

جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ،جاڭا داۋىردەگى ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك

 ٴتىلشىمىز لي شين ـ ان، ەرىكتى ٴتىلشى ليۋ گوچياڭ حابارلايدى. اۆتونوميالى وبلىستىق پارتكومنىڭ نازاريا ۇيرەنۋ وزەكتى گرۋپپاسى 5 ـ ايدىڭ 24 ـ كۇنى ارناۋلى تاقىرىپتا ۇيرەنۋ ٴماجىلىسىن اشىپ، باس شۋجي شي جينپيڭنىڭ ۇلت قىزمەتى جانە شينجياڭدى ىنتىماقتاسا ورنىقتىرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ٴتۇسىنىپ، اۆتونوميالى رايوندىق 10 ـ كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنىپ، دايەكتىلەندىرىپ، پارتيانىڭ ۇلت نازارياسىمەن وي ـ سانانى قارۋلاندىرىپ، ونى امالياتقا جەتەكشىلىك ەتكىزىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ٴونىمدى تۇردە ىلگەرىلەتتى. وبلىستىق پارتكومنىڭ شۋجيى پۋ شۋەمەي توپتىق ۇيرەنۋدى باسقاردى.

ماجىلىستە وبلىس باسشىلارىنان پۋ شۋەمەي، ەلشات تۇرسىنباي ۇلى، نياز اشىم، ليۋ شينلي، قايرات اشىك ۇلى جانە وبلىستىق وقۋ - اعارتۋ مەكەمەسىنىڭ، وبلىستىق مادەنيەت - ساياحات مەكەمەسىنىڭ جاۋاپتىلارى پىكىر اۋىستىرىپ، ٴسوز سويلەدى، وبلىستىق پارتكومنىڭ  باسقا تۇراقتى مۇشەلەرى جازباشا پىكىر اۋىستىرۋ ماتەريالىن تاپسىردى. رازبەك قامزا ۇلى، ديڭ باڭۋىن، جياۋ شياۋفان، ياڭ شينپيڭ قاتارلى وبلىس باسشىلارى توپتىق ۇيرەنۋگە قاتىناستى.

پۋ شۋەمەي بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتىنە وسكەلەڭ ٴمان بەرىپ، پارتيانىڭ ۇلت نازارياسى مەن ۇلت ساياساتىن ۇزدىكسىز اقاۋسىزداندىرىپ جانە كەمەلدەندىرىپ، ۇلت ماسەلەسىن يگەرۋ، ۇلت قىزمەتىن ويداعىداي ىستەۋدەن باعالى تاجىريبەلەر توپتاپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندە ماڭىزدى يدەيا قالىپتاستىردى. اسىرەسە، باس شۋجي شي جينپيڭنىڭ 2021 ـ جىلى 8 ـ ايدا اشىلعان ورتالىقتىڭ ۇلت قىزمەتى ماجىلىسىندە سويلەگەن ماڭىزدى ٴسوزى جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ٴجۇرۋ سياقتى كەلەلى ماسەلەلەرگە عىلمي جاۋاپ بەردى، بۇل پارتيانىڭ ۇلت قىزمەتى امالياتىنىڭ ەڭ جاڭا قورىتىندىسى، ماركسيزمدىك ۇلت نازارياسىن جۇڭگوشالاندىرۋدىڭ ەڭ جاڭا جەتىستىگى بولىپ، ٴبىزدىڭ جاڭا داۋىردەگى پارتيانىڭ ۇلت قىزمەتىن ويداعىداي ىستەۋىمىز ٴۇشىن العا باسۋ بەتالىسىن ايقىنداپ، ٴتۇبىرلى بويسۇنۋ ولشەمىن ازىرلەدى. 

پۋ شۋەمەي مىنالاردى باسا دارىپتەدى: «ون ەكى ٴسوزسىزدىڭ» باعالى تاجىريبەلەرىن تەرەڭ يگەرۋگە كوڭىل قويىپ، كۇش سالىپ، ونىڭ وزەكتى ٴمانىن، رۋحاني ٴمانىن جانە امالياتتىق تالابىن ىشكەرىلەي ۇيرەنىپ، تەرەڭ ٴتۇسىنىپ، ونى شىن مانىندەگى ناقتى شاراعا جانە ناقتى ارەكەتكە اينالدىرۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولۋ سىندى وسى نەگىزگى ارقاۋدى تەرەڭ يگەرۋگە كوڭىل قويىپ، كۇش سالىپ، ۇگىت - تاربيەنى ۇدايىلاندىرۋ مەحانيزمىن اقاۋسىزداندىرىپ، كەمەلدەندىرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ٴار ۇلت بۇقاراسىن «بەس كوزقاراستى» دۇرىس ورناتۋعا جەتەكتەۋ كەرەك. جۇڭحۋا ۇلتى تاريحى جونىندە دۇرىس تانىمدى بەرىك ورناتۋعا كوڭىل قويىپ، كۇش سالىپ، جۇڭحۋا ۇلتى ورتاق تۇلعا تانىمىن بەرىك ورناتۋ جاعىنداعى زەرتتەۋدى، ٴتۇسىندىرۋدى كۇشەيتىپ، تاريحتى، مادەني ەسكەرتكىشتەردى سويلەتىپ، ٴار ۇلت كادرلارى مەن بۇقاراسىن جۇڭحۋا ۇلتىنىڭ جانە جۇڭحۋا وركەنيەتىنىڭ قالىپتاسۋى مەن تاريحي ەرەكشەلىگىن دۇرىس يگەرۋگە، جۇڭحۋا ۇلتىن شىنايى مويىنداۋ سەزىمىن، تاۋەلدىلىك سەزىمىن، ماقتانىش سەزىمىن ۇزدىكسىز كۇشەيتۋگە تاربيەلەۋ، جەتەكتەۋ كەرەك. ۇلتتاردىڭ جاپپاي وسىزامانداندىرۋ جولىندا بىرگە كۇرەس جۇرگىزۋىن عىلمي تانۋ، ىلگەرىلەتۋدىڭ باي مازمۇنىنا كوڭىل قويىپ، كۇش سالىپ، بارلىق رەفورما مەن دامۋعا جۇڭحۋا ۇلتى ورتاق تۇلعا تانىمىن ايگىلەۋ ٴمانىن ۇستەپ، ٴبىر تۇتاستىقتى قورعاۋدىڭ، بولشەكتەۋشىلىككە قارسى تۇرۋدىڭ ٴمانى، حالىق تۇرمىسىن جاقسارتۋدىڭ، جۇرت تىلەگىن ۇيىستىرۋدىڭ ٴمانى ارقىلى دامۋدىڭ ساپاسى مەن ونىمدىلىگىن كۇش سالا جوعارىلاتىپ، ەكونوميكالىق قۋاتتى ارتتىرىپ، حالىق تۇرمىسىن قامتاماسىز ەتىپ جانە جاقسارتىپ، ٴار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك. ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەۋگە كوڭىل قويىپ، كۇش سالىپ، مەملەكەتتە ٴبىر تۇتاس قولدانىلاتىن ٴتىل - جازۋ تاربيەسىن جانە ونى جالپىلاستىرۋ تەبىنىن ارتتىرىپ، ۇلتتار ٴوزارا بىتە قايناسقان قوعامدىق قۇرىلىم مەن الەۋمەتتىك اۋماق ورتاسىن بەلسەنە قۇرىپ، ۇلتتار ىنتىماعى العاباسارلىعىندا وزات ورىن قۇرۋدى جاپپاي، ىشكەرىلەي، ۇزدىكسىز ورىستەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ساپالىلاندىرۋ، كەمەلدەندىرۋ، سونداي - اق جياڭسۋ ولكەسىنىڭ شينجياڭعا باعىتتامالى كومەكتەسەتىن ورىندارىنداعى نەگىزگى ساتى كادر - جۇرتشىلىعى جانە جاستار - ورەندەرمەن «قول ۇستاسۋ، جۇپ قۇراۋ» قىزمەتىن كۇشەيتىپ، ٴار ۇلت حالقى بىرگە قونىستاناتىن، بىرگە ۇيرەنەتىن، بىرگە جۇمىس جۇرگىزىپ، بىرگە شاتتاناتىن، بىرگە قۇرىپ، بىرگە يگىلىكتەنەتىن قوعامدىق جاعدايدى قۇلشىنا ازىرلەۋ كەرەك. ۇلت قىزمەتىندەگى «4 جاقتىڭ» كەلەلى قاتىناسىن دۇرىس ٴبىر جاقتى ەتۋگە كوڭىل قويىپ، كۇش سالىپ، ەڭ جوعارى شەكتە جۇرتتى ىنتىماقتاستىرىپ، حالىق قالاۋىنا يە بولىپ، جۇرت تىلەگىن ۇيىستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىنىڭ نەگىزىن ۇزدىكسىز بەكەمدەۋ كەرەك. ۇلت ىستەرىن جونگە سالۋدى زاڭمەن باسقارۋ ورەسىن جوعارىلاتۋعا كوڭىل قويىپ، كۇش سالىپ، زاڭمەن باسقارۋ تانىمىن بەرىك ورناتىپ، زاڭمەن باسقارۋ وي جەلىسىن كۇشەيتىپ، نەگىزگى زاڭدى، زاڭداردى، زاڭ - ەرەجەلەردى، پارتيانىڭ ۇلت نازارياسى مەن ۇلت ساياساتىن زاڭ جالپىلاستىرۋدىڭ ٴتۇيىندى مازمۇنى ەتىپ، ٴار ۇلت كادرلارى مەن بۇقاراسىن زاڭعا قۇرمەت ەتۋگە، زاڭدى ۇيرەنۋگە، زاڭعا بويسۇنۋعا، زاڭدى قولدانۋعا تاربيەلەپ، جەتەكتەپ، ۇلتتاردىڭ تەرەزەسىنىڭ تەڭ بولۋىنا، زاڭ الدىندا بارلىق ادامنىڭ تەرەزەسىنىڭ تەڭ بولۋىنا تاباندى بولۋ كەرەك. پارتيانىڭ ۇلت قىزمەتىنە جاپپاي باسشىلىعىن كۇشەيتۋگە جانە كەمەلدەندىرۋگە كوڭىل قويىپ، كۇش سالىپ، «ەكىنى تۇراقتاندىرۋدى» باتىل قورعاپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» امالياتتا ايگىلەپ، «مەملەكەتتىڭ ٴىرى ٴىسىن» ەستە بەرىك ساقتاپ، تۇلعالىق جاۋاپكەرشىلىكتى باتىل اتقارىپ، پارتيانىڭ باسشىلىعىن ۇلت قىزمەتىنىڭ تۇتاس بارىسىمەن، ٴار جاعىمەن شىنايى ساباقتاستىرىپ، ىلە وبلىسىنىڭ ۇلت قىزمەتىنىڭ باستان - اياق دۇرىس بەتالىسپەن العا باسۋىنا كەپىلدىك ەتۋ كەرەك. 

اۆتونوميالى وبلىستىڭ قاتىستى تاراۋلارىنداعى جاۋاپتى جولداستار توپتىق ۇيرەنۋگە قاتىناستى.