− ”اۆتونوميالى رايوننىڭ ۇلتتار ىنتىماعى، العاباسارلىعىنان ۇلگى كورسەتۋ رايونىنان ۇلگى كورسەتەتىن ورىن“ توعىزتاراۋ اۋدانىنىڭ توعىزتاراۋ قالاشىعى كوبەلەك كولى الەۋمەتتىك اۋماعى جونىندە

ۋاڭ جىحۋا (ٴوز ٴتىلشىمىز)

سۋرەتتە: الەۋمەتتىك اۋماق مادەنيەت بىرلەسكەن دوستىق قيمىلىن وتكىزۋدە.      (ماتەريالدىق سۋرەت)

شىنايى تۇسىنىستىك الەۋمەتتىك اۋماق پەن تۇرعىنداردى ”قوس باعىتتا اتتانىسقا كەلتىردى“؛ دەن قويا قىزمەت وتەۋ الەۋمەتتىك اۋماقتى ٴتىپتى دە قۇتايتتى؛ بىرگە شىرقالعان ٴان ”اناردىڭ دانىندەي“ ٴتىپتى دە تىعىز ۇيىستىردى... جۋىق جىلداردان بەرى توعىزتاراۋ اۋدانى توعىزتاراۋ قالاشىعىنداعى كوبەلەك كولى الەۋمەتتىك اۋماعى توعىستىرۋدى بىرگە جەبەۋ، ”ەكى جاقتى باسقارۋ، ەكى جاقتى قىزمەت وتەۋ“، مادەنيەت ارقىلى جەتەكشىلىك ەتۋ سياقتىلاردى تۇتقا ەتىپ، جاراسىمدى، باقىتتى جاڭا الەۋمەتتىك اۋماقتى بىرگە قۇرىپ، ٴار ۇلت تۇرعىندارىنا الەۋمەتتىك اۋماق ۇلكەن شاڭىراعىنىڭ مەيىرىن سەزىندىردى.

11  ـ ايدىڭ 16 ـ كۇنى ٴتىلشى كوبەلەك كولى الەۋمەتتىك اۋماعىنان بۇل اراداعى انار ٴدانى كىتاپ ٴۇيى، قىزمەت وتەۋ زالى، ەرىكتىلەر ٴۇيى، ايەلدەر مەن بالالار ٴۇيى، جۇڭحۋا مادەنيەت سارايى سياقتى فۋنكتسيالىق قيمىل ورىندارىنداعى قۇرىلعىلاردىڭ تولىق، ورتاسى جانعا جايلى بولىپ، ادامدارعا شاعىن الەۋمەتتىك اۋماقتا قاۋىرت قىزمەت وتەۋ پەيىلىن شىنايى سەزىندىرگەندىگىن كوردى.

”الەۋمەتتىك اۋماق ٴتۇرلى جاقتان قىزمەت وتەۋگە ەرەكشە كوڭىل ٴبولدى، ٴتۇرلى قيمىلداردى كوپتەپ ورىستەتتى، بالالار دا ۇنەمى وسىندا كەلىپ كىتاپ وقىپ، كوڭىل اشادى. مەنى ەڭ اسەرلەندىرەتىنى الەۋمەتتىك اۋماق كادرلارىنىڭ مەرزىم سايىن شاعىن اۋماققا بارىپ تازالىق ىستەپ، كوپشىلىككە تازا دا رەتتى تۇرمىس ورتاسىن ازىرلەپ بەرگەندىگى بولدى. مەن وسىندا تۋىپ ٴوستىم، توعىزتاراۋ اۋدانىنىڭ دامۋ وزگەرىسىن شىنايى سەزىنەم، سىرت جەردەن كەلگەن دوستارىم بۇل ارانى اۋىز جاپپاي القايدى، بۇل مەنى ماقتانىش سەزىمگە بولەيدى“ دەدى الەۋمەتتىك اۋماقتىڭ تۇرعىنى تيان ۋيدۇڭ.

بۇل − 3000 نان استام وتباسى، 7000 نان استام ادامى بار الەۋمەتتىك اۋماق، وندا جاڭادان سالىنعان شاعىن رايون كوپ، نەگىزگى جان سانى مەن جىلجىمالى جان سانى كوپ، باسقارۋ وتە قيىن. كوبەلەك كولى الەۋمەتتىك اۋماعى جىل باسىنان باستاپ الەۋمەتتىك اۋماقتى زەردەلى باسقارۋ ۇلگىسى جونىندە ىزدەنىس جاساپ، الەۋمەتتىك اۋماقتىڭ جالپىلىق زەردەلى قىزمەت وتەۋ توراپ تەكشەسىن قۇردى. تەكشە قۇرىلعاننان كەيىن تۇرعىندار قولفونداعى ۋيچات شاعىن باعدارلاماسىنداعى ”شينيجىشى“ دەتالى ارقىلى جەلىدە جۇمىس ٴبىتىرىپ، تۇرمىستاعى ۇلكەندى ـ كىشىلى ىستەردى اڭىس ەتە الادى.

كوبەلەك كولى الەۋمەتتىك اۋماعى زەردەلى الەۋمەتتىك اۋماق جالپىلىق قىزمەت وتەۋ تەكشەسىنىڭ ٴبىرىنشى بەتىندە الەۋمەتتىك اۋماقتىڭ 3D كەسكىن سۋرەتى كورسەتىلىپ، مازمۇندى باسسا الەۋمەتتىك اۋماقتىڭ ٴتۇرلى ينفورماتسيالارىن كورۋگە، ٴۇي عيماراتتارىنىڭ، ٴتۇرلى قىزمەت وتەۋ ىستەرىنىڭ جاي - جاپسارىن اپساتتە بىلۋگە بولادى. قيىنشىلىعى جانە ارىز ـ ارمانى بارلار ايدارىنىڭ استىنان ٴتىلشى تۇرعىندار اڭىس ەتكەن جىلۋ جۇيەسىنىڭ ىستىق بولماۋى، سۋ ىعىستىرۋ قۇبىرىنىڭ وڭاي بوگەلۋى، اۆتوكولىك توقتاتۋ حاۋىپسىزدىگى سياقتى ماسەلەلەردى تەكسەرۋدەن ٴبىر جاقتى ەتۋگە، ودان ناتيجەسىن اڭىس ەتۋگە دەيىنگى جاعدايلاردى ٴبىر كورىپ ـ اق بىلۋگە بولاتىندىعىن بايقادى.

”ٴبىز جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى شىنايى يگەرىپ، ۇلتتاردىڭ ارالاسۋ، ىشتەسۋ، توعىسۋ جولىن بەلسەنە قاراستىرىپ جانە وندا جاڭالىق اشىپ، بۇقارانىڭ قاجەتىن ٴبىرىنشى تالعام، بۇقارانىڭ رازىلىعىن ٴبىرىنشى ولشەم ەتىپ، ٴتۇرلى بايلىقتار مەن قىزمەت وتەۋ قۇرىلعىلارىن توعىستىرىپ، ٴتۇرلى مادەنيەت، كوڭىل اشۋ، دوستاسۋ، ٴوزارا كومەكتەسۋ قيمىلدارىن ورىستەتىپ، الەۋمەتتىك اۋماقتىڭ ’شاعىن وتباسىنان ۇلكەن وتباسىنا‘ بۇرىلىس جاساۋىن ىلگەرىلەتتىك“،- دەپ تانىستىردى كوبەلەك كولى الەۋمەتتىك اۋماعى پارتيا ياچەيكاسىنىڭ ورىنباسار شۋجيى اينۇر ٴالىم.

بيىل 65 جاستاعى زەينەتكە شىققان وقىتۋشى كاميلا نۇرمۇحامەت قىزى توعىزتاراۋ اۋداندىق ”مەيىربان انالار“ قوعامىنىڭ ٴبىر مۇشەسى، سونداي ـ اق ٴبي اترەتىنىڭ باستىعى، ونىڭ وسى ۇلكەن شاڭىراق جونىندەگى تۇسىنىگى كوپشىلىكپەن بىرگە كوڭىلدى، قارايلاسىمدى، باقىتتى بولۋى ەدى. ول: ”مەيلى الەۋمەتتىك اۋماق، اۋىل ـ قالاشىق بولسىن، الدە اۋدان ورتالىعى بولسىن، ٴتۇرلى ادەبيەت ـ كوركەمونەر قيمىلدارى وتە كوپ. كوپشىلىك بىرگە ٴبي بيلەپ، كونسەرتكە قاتىناسىپ، ٴار ۇلت دوستارمەن تانىسىپ، وتە تاتۋ ـ ٴتاتتى ٴوتىپ جاتىرمىز، تۇرمىسىمىز جاقساردى، كوپشىلىك ٴوزارا ايانباي كومەكتەسەدى، ٴار جىلى مەرەكە كەزىندە، وقۋ ماۋسىمى باستالعاندا،  ”مەيىربان انالار“ قوعامى مەيىر باعىشتاۋ، جىلۋ اتاۋ قيمىلىن ورىستەتەدى، مەنىڭ اتسالىسىپ كەلگەنىمە 10 نەشە جىل بولدى، جەتىم ـ جەسىرلەرگە، قارتتارعا، بالالارعا، قيىنشىلىعى بار بۇقاراعا شامامىزدىڭ كەلىسىنشە كومەكتەسەمىز، ٴومىردىڭ ٴتىپتى دە قۇندى ەكەنىن سەزىندىم“ دەدى.

بيىل كوبەلەك كولى الەۋمەتتىك اۋماعى قاراستى رايونداعى بۇقاراعا حاتكەرلىك، سۋرەت جاسامپازدىعى اۋىس ـ كۇيىسى، تۋعان كۇندى قۇتتىقتاۋ جينالىسى، مەرەكەلىك بىرلەسكەن دوستىق قيمىلى سياقتى مادەنيەت، دەنە تاربيە قيمىلدارىن 20 نەشە رەت ورىستەتىپ، جاستار مەن ورەندەرگە ٴمورال ساباقحاناسى، ”قاۋاشاقتاردى قورعاۋ قيمىلى“ سياقتى مادەنيەت تاقىرىبىندا 5 رەت ۇگىت قيمىلىن ورىستەتتى، كوپشىلىك ٴبىرىن ـ ٴبىرى تۇسىنەتىن، ٴبىرىن ـ ٴبىرى ايالايتىن، ٴوزارا كومەكتەسىپ، سۇيەمەلدەيتىن بولدى، ۇلتتار ىنتىماعى حيكايالارى شىنىندا ايتىپ تاۋىسقىسىز.

الەۋمەتتىك اۋماق تۇرعىنى پىڭ جۇيحۋا بيىل قالقانشا بەز قاتەرلى وسپەسىنە شالدىعىپ، بالنيتساعا جاتىپ وپەراتسيا جاساتۋىنا كوپ قاراجات قاجەت بولادى، ونسىز دا ٴال - اۋقاتى ناشارلاۋ وتباسى قيىنشىلىق قىسپاعىندا قالادى. الەۋمەتتىك اۋماق كادرلارى جاعدايدى ۇعىسقاننان كەيىن، وعان 5000 يۋان سالماقتى ناۋقاستان قۇتقارۋ كومەك قاراجاتىن بەرەدى.

حالىق تۇرمىسىن قامتاماسىز ەتۋدى كۇشەيتىپ، ىنتىماقتى، سۇيىسپەنشىلىكتى نىعايتىپ، كوبەلەك كولى الەۋمەتتىك اۋماعى قوعامدىق قۇتقارۋدا ەڭ تومەنگى شەكتەن تۇسىرمەي قامتاماسىز ەتۋ فۋنكتسياسىن ۇزدىكسىز كۇشەيتىپ، وقۋ ـ اعارتۋ، تۇرعىن ٴۇي قۇرىلىسى، دەنساۋلىق ساقتاۋ، ەمدەۋ قامسىزداندىرۋى، مۇگەدەكتەر بىرلەستىگى سياقتى تاراۋلاردىڭ ساندى مالىمەتتەرىمەن سالىستىرۋ جانە ينفورماتسيادان ورتاق يگىلىكتەنۋ ارقىلى كوپ تاراۋ سەلبەسكەن قيىنشىلىعى بار قاۋىمدى ۇدايىلانعان باقىلاۋ ـ تەكسەرۋ مەحانيزمىن قالىپتاستىرۋدى جەبەپ، قيىنشىلىعى بار بۇقاراعا اناعۇرلىم قولايلى، تەز، جوعارى ٴونىمدى قىزمەت كورسەتتى. قازىر الەۋمەتتىك اۋماق قيىنشىلىعى بار 2 وتباسىنا 10 مىڭ يۋان سالماقتى ناۋقاستان قۇتقارۋ كومەك قاراجاتىن بەردى؛ 2 جوعارى مەكتەپ وقۋشىسىنا 4000 يۋان شارۋاشىلىق قۇرۋ كومەك قاراجاتىن تاراتتى؛ 117 تۇرعىننىڭ شارۋاشىلىق قۇرۋ كۋرسى كۋالىگىن الۋىنا كومەكتەستى؛ 31 تۇرعىنعا 949 مىڭ يۋان يكەمدى جۇمىستانۋ قوسىمشا قاراجاتىن تاراتتى؛ قيىنشىلىعى بار 171 وتباسىنا 51 مىڭ يۋاندىق قۇنعا يە حال سۇراۋ بۇيىمدارىن تاراتتى.

بيىل 9 ـ ايدا كوبەلەك كولى الەۋمەتتىك اۋماعىنا ”2023 ـ جىلى شينجياڭ ۇيعۇر اۆتونوميالى رايونىنىڭ ۇلتتار ىنتىماعى، العاباسارلىعىنان ۇلگى كورسەتەتىن رايون، ۇلگى كورسەتەتىن ورىن“ اتاعى بەرىلدى، بۇل باقىتتى دا جاراسىمدى ۇلكەن شاڭىراققا بەرىلگەن ەڭ جاقسى تۇسىندىرمە بولدى. ”ٴبىر جاعادان باس، ٴبىر جەڭنەن قول شىعارىپ، جوعارى ٴونىمدى قىزمەت وتەدىك. الەۋمەتتىك اۋماقتىڭ سۇيىسپەنشىلىكتى توعىستىرىپ، بىرگە قۇرۋداعى ماڭىزدى شارالارىنىڭ ارقاسىندا، الەۋمەتتىك اۋماعىمىز مەيىر - شاپاعاتقا ٴتىپتى دە بولەنە تۇسپەك“ - دەدى كوبەلەك كولى الەۋمەتتىك اۋماعى پارتيا ياچەيكاسىنىڭ شۋجيى ما بين.