ول تەرەڭ سۇيىسپەنشىلىك پەن ٴۇمىتتى اسقاقتاتتى
چىن يانپيڭ
شاعىن شولۋ:
”ەڭ سۇيىكتى ايەل مۇعالىم“، ”قيىنشىلىققا قاسقايا قارسى اتتانعان ’90 - جىلدىڭ تۇلەگىنە‘ ماداق“، ”ۇلتتار ىنتىماعىنىڭ ۇلگىسى“... ٴبىر تۇندە تۇتاس توراپتا تانىمال بولعان، 30 جاسقا تولماعان ۋاڭ دان بۇلاي بولارىن كۇتپەگەن ەدى، ٴتىپتى، ويلاۋعا دا مۇرساسى كەلمەگەن - دى.
11 - ايدىڭ 28 - كۇنى قۇلجا قالاسىنا جۇمىس بىتىرۋگە بارا جاتقان موڭعۇلكۇرە اۋداندىق پارتكوم پارتيا مەكتەبىنىڭ وقىتۋشىسى ۋاڭ دان كەزەكشى اۆتوموبيلدە ەرتە تولعاعى كەلگەن جۇكتى ايەلگە كەزدەيسوق جولىعىپ قالادى، وسىنداي قاتەرلى ساتتە ول لەزدە بوساندىرۋشى بولىپ، كولىكتى ”تۋىت ۇيىنە“ اينالدىرىپ، قۇلجا اۋداندىق حالىق شيپاحاناسى تۋىت ٴبولىمى شيپاگەرىنىڭ تەلەفوندا جەتەكشىلىك ەتۋىندە ۇيعۇر ايەل قاليميرا ىبىرايىمدى ٴساتتى بوساندىرادى. ەشقانداي ەمدەۋ تاجىريبەسى جوق ٴارى تۋىت كەشىرمەسى بولماعان جاس جونىنەن العاندا ونىڭ العىرلىعى مەن باتىلدىعى ادامدى قايران قالدىردى!
ۇيعۇر وقۋشىعا بۇيرەگىن تەگىن جىلۋعا اتاعان حانزۋ قىز ۋاڭ ياننادان پارتيا گەربىن جارقىراتقان قىرعىز اعاي ابدۇجاپار مەڭدى، ودان سۋعا كەتكەن حانزۋ ۇل بالانى قۇتقارىپ ەرلىكپەن قۇربان بولعان تاجىك ۇلتىنىڭ تاڭداۋلى پارتيا مۇشەسى لاچين بايكاعا، سونداي ـ اق بىلەگى ۇزىلگەن ۇيعۇر ۇل بالانى ۋاقىتتى ۇتا قۇتقارعان ۇشاق قىزمەتكەرلەرىنە، شيپاحانانىڭ ەمدەۋ قىزمەتكەرلەرىنە دەيىن... ولاردىڭ بارلىعىنىڭ شينجياڭدىق ىزگى جاندار دەگەن جارقىن اتى بار. شينجياڭدا ٴبىر ـ بىرىمەن بىتە قايناسقان ۇلتتار ىنتىماعى سۇيىسپەنشىلىگى الدەقاشان ٴار ۇلت حالقىنىڭ قانىنا ٴسىڭىپ، ۇلتتار ىنتىماعىنىڭ جۇرەكتەستەر شەڭبەرىن سىزىپ قالدىردى.
ۋاڭ داننىڭ سالاۋاتى تىم ەرەكشە، حالىق وقىتۋشىسى بولعان ول ٴىس ـ ارەكەتى ارقىلى ٴوزى قىزۋ سۇيەتىن ىستەردى ىستەدى، ياعني ورەلى ونەگەسى ارقىلى ىزگىلىكتىڭ تۇقىمىن سەپتى ٴارى ونى جالعاستىردى! ۇستازدىق كۇش - قۋاتىمەن ۇلتتار ىنتىماعىنىڭ امالياتتا ايگىلەۋشىسى، قورعاۋشىسى جانە تاراتۋشىسى بولا ٴبىلدى.
ۋاڭ دان شيپاگەر بولماسا دا، ونىڭ ارەكەتى شيپاگەردە بولاتىن مەيىرباندىقتى ايگىلەدى.
انا بولىپ كورمەگەن ونىڭ: ”بالام، جىلاپ جىبەرشى، ويتپەگەندە ٴبىز قاتتى الاڭدايمىز، قايراتتان! “ دەگەن سوزدەرى بارلىق ادامدى تەبىرەنتتى!
قىزۋ ىنتا قىزۋ مەرەيگە شومدىردى، وسى قاقاعان ايازدا ۋاڭ دان تەرەڭ سۇيىسپەنشىلىك پەن ٴۇمىتتى اسقاقتاتتى. ساعان العىس! ساعان قۇرمەت! مىنە، بۇل − جاستاردا بولۋعا ٴتيىستى بەينە، سان مىڭداعان ”ۋاڭ دان“ قوعامنىڭ العا باسۋىنا، ىزگىلىككە تالپىنۋعا جويقىن كۇشىن ۇيىستىردى!