汉文 ىلە اقپارات تورابىنا حوش كەلدىڭىزدەر!
پارتيا 20 - قۇرىلتايىنىڭ رۋحىن تاراتۋشى، امالياتتا ايگىلەۋشى بولامىن
2022-11-12 13:27:46     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

  ۋاكىل كوۋ شياۋيان:

  پارتيا 20 - قۇرىلتايىنىڭ رۋحىن تاراتۋشى، امالياتتا ايگىلەۋشى بولامىن

□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر

ۇيرەنۋ ەستەلىگىن رەتتەدى، ۇگىت لەكسيا تەزيسىن جازدى، ينتەرنەت جەلىسىندە ۇگىت لەكسيا جاسادى... بۇل كۇندەرى، پارتيا 20 - قۇرىلتايىنىڭ ۋاكىلى، شينجياڭ ءوندىرىس - قۇرىلىس بيڭتۋانى 1 - شى ارال قالاسى 10 - تۋان 13 - ليانىنىڭ قىزمەتكەرى كوۋ شياۋياننىڭ كۇندەرى ءماندى دە ماعىنالى وتۋدە.

”پارتيا 20 - قۇرىلتايىنىڭ ۋاكىلى رەتىندە، مەن اۋىلداستاردىڭ ءۇمىتىن ارقالاپ، ءساتى ءتۇسىپ بەيجيڭ حالىق سارايىندا باس شۋجي شي جينپيڭ جاساعان 20 - قۇرىلتاي بايانداماسىن تىڭداعانىمدى ايرىقشا ماقتانىش سەزىنەمىن ءارى جاۋاپكەرشىلىگىمنىڭ كەلەلى، بورىشىمنىڭ داڭقتى ەكەنىن تەرەڭ سەزىندىم“. كوۋ شياۋيان بىلاي دەدى: پارتيا 20 - قۇرىلتايىنىڭ رۋحىن تاراتۋشى، امالياتتا ايگىلەۋشى بولىپ، پارتيا 20 - قۇرىلتايىنىڭ رۋحىن سان مىڭداعان وتباسىعا جەتكىزەمىن.

پارتيا 20 - قۇرىلتايىنىڭ بايانداماسىنداعى اۋىل - قىستاقتى گۇلدەندىرۋدى جاپپاي ىلگەرىلەتۋ، حالىق تۇرمىسىن قامتاماسىز ەتۋدى جانە جاقسارتۋدى كورنەكتىلەندىرۋ سياقتى مازمۇندار كوۋ شياۋياندى قاتتى اسەرلەندىردى. 2015 - جىلى كوۋ شياۋيان باتىلدىقپەن ىزدەنىپ، ارال قالاسى جينشيۋ جيايۋان جەمىس - جيدەك، كوكونىس شارۋالار كاسىپتىك سەلبەستىك كووپەراتيۆىن قۇرىپ، قۇرىلعىلى اۋىل شارۋاشىلىعىن، ساياحات كاسىبىن، ەرەكشە باعىمشىلىق كاسىبىن دامىتۋ ارقىلى جۇمىسشى - قىزمەتكەرلەردى، بۇقارانى كىرىستى ارتتىرىپ، بايۋعا باستاپ، اۋىل - قىستاقتى گۇلدەندىرۋگە كۇش ۇستەدى. قازىر بۇل سەلبەستىك كووپەراتيۆىندە 130دان استام جۇمىسكەر بار، جان باسىندىق جىلدىق ورتاشا كىرىس 35 مىڭ يۋاننىڭ ۇستىندە.

”جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن! پارتيانىڭ مەيىر - شاپاعاتىنا بولەنىپ ەسەيگەن ۇرپاق رەتىندە، ءبىز وتان ۇلى شاڭىراعىنىڭ مەيىرى مەن قامقورلىعىن شىنايى سەزىندىك“، - دەدى كوۋ شياۋيان تەرەڭ تەبىرەنىسپەن.

بيىل 7 - ايدا باس شۋجي شي جينپيڭ شينجياڭدى كوزدەن كەشىرگەندە: بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، تاماشا، باقىتتى مەكەن قۇرىپ، باقىتتى دا تاماشا تۇرمىس كەشىرۋ كەرەك، - دەپ باسا دارىپتەگەن ەدى. ”ءاربىر اۋىز سوزدەگى ىقىلاستى تاپسىرما كوپشىلىكتىڭ جىگەرى مەن ومىرشەڭدىك كۇشىن تاسقىنداتتى. ءبىز اناعۇرلىم سانالى تۇردە پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسىپ، ءىس جۇزىندىك ارەكەتىمىز ارقىلى باس شۋجيدىڭ، پارتيا ورتالىق كوميتەتىنىڭ ىقىلاستى قامقورلىعىن اقتايمىز“، - دەدى كوۋ شياۋيان.

پارتيا 20 - قۇرىلتايىنىڭ بايانداماسىندا، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، قالا مەن اۋىلدى توعىستىرا دامىتۋعا تاباندى بولىپ، قالا، اۋىل نەگىزگى فاكتورلارىنىڭ اۋىسۋىن ىركىلىسسىزدەندىرۋ، اۋىل شارۋاشىلىعى جاعىندا قۋاتتى ەل قۇرۋدى تەزدەتىپ، اۋىل - قىستاقتىڭ شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ العا قويىلدى.

”مەن پارتيا 20 - قۇرىلتايىندا بەلگىلەنگەن نىسانا - مىندەتتەرگە قاراي ۇزدىكسىز قۇلشىنىپ، جەرگىلىكتى ورىننىڭ ەرەكشە بايلىق باسىمدىعىنان تولىق پايدالانىپ، اناعۇرلىم كوپ دامۋ تاسىلىنە ىزدەنىس جاساپ، اۋىل شارۋاشىلىعى ونىمدەرىنىڭ ۇستەمە قۇنىن جوعارىلاتىپ، سەلبەستىك كووپەراتيۆىن دامىتىپ، زورايتىپ، ونى جۇمىسشى - قىزمەتكەرلەردىڭ، بۇقارانىڭ اۋقاتتانۋىنا كومەكتەسىپ، اۋىل - قىستاقتى كوركەيتۋگە دەم بەرەتىن پارمەندى جەبەۋشىگە اينالدىرامىن“، - دەدى كوۋ شياۋيان.