ۋاكىل زورىگۇل نياز:
كورىكتى شينجياڭ قۇرۋداعى انار ءدانى بولامىن
□ انار بۇلت \ شينجياڭ گازەتىنىڭ ءتىلشىسى چىن چياڭۋي
بەيجيڭدەگى قۇرىلتايعا قاتىناسىپ قايتىپ كەلگەننەن كەيىن، پارتيا 20 - قۇرىلتايىنىڭ ۋاكىلى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى اسقىن جوعارى كەرنەۋلى ەلەكتر جەتكىزۋ بولىمشە سەرىكتەستىگى ەلەكتر كەرنەۋىن وزگەرتۋ اينالىم - قورعاۋ 2 - ورتالىعى تۇرپان كەرنەۋ وزگەرتىپ ەلەكتر جەتكىزۋ اينالىم - قورعاۋ بانىنىڭ بانجاڭى زورىگۇل نياز پارتيا 20 - قۇرىلتايىنىڭ رۋحىن ۇيرەنۋمەن، ۇگىت لەكسيا جاساۋمەن قاربالاس بولدى.
مەن ينتەرنەت جەلىسىنەن پايدالانىپ 3 رەت ۇگىت لەكسيا جاسادىم، مۇندا اۆتونوميالى رايوندىق ايەلدەر بىرلەستىگىنىڭ جانە بيڭتۋان ايەلدەر بىرلەستىگىنىڭ ۇيىمداستىرعانى، تاعى ءبىزدىڭ ەلەكتر جۇيەسىندەگى كاسىپورىندار ىشىندەگىسى بار. كوپشىلىكتىڭ پارتيا 20 - قۇرىلتايىنىڭ رۋحىن ۇيرەنۋ ىنتاسى اسا جوعارى بولدى، - دەدى زورىگۇل نياز.
ەلەكتر تورىنىڭ اينالىم - قورعاۋ ىستەرى الدىڭعى شەبىندە قىزمەت ىستەيتىن از ۇلت ەلەكتر قۋاتى قىزمەتكەرى رەتىندە، ”ەنەرگيا“ مەن ”جۇڭحۋا ۇلتى ورتاق تۇلعا تانىمى“ − زورىگۇل نياز ۇگىت لەكسياسىندا ءجيى قولدانىلعان ءسوز بولدى.
پارتيا 20 - قۇرىلتايىنىڭ بايانداماسىندا ”ەنەرگيا توڭكەرىسىن ىشكەرىلەي ىلگەرىلەتىپ، كومىردەن تازا، جوعارى ءونىمدى پايدالانۋدى كۇشەيتۋ“ العا قويىلدى. زورىگۇل نياز بۇدان تەرەڭ اسەر الدى، ول قىزمەت ىستەپ جاتقان 750 كيلوۆولتتىق تۇرپان كەرنەۋ وزگەرتۋ پۋنكتى وڭتۇستىك - سولتۇستىك شينجياڭ ەلەكتر تورىن تۇتاستىراتىن ماڭىزدى بۋىن، ونىڭ حاۋىپسىز جۇمىس جۇرگىزۋى ەلەكتر تورىنىڭ ورنىقتى ەلەكترمەن قامداۋى، شينجياڭنىڭ ەنەرگيا باسىمدىعىن ەكونوميكالىق باسىمدىققا اينالدىرۋدى جەدەلدەتۋ جونىنەن ماڭىزدى رولعا يە.
زورىگۇل نياز شينجياڭنىڭ ەنەرگيا، ەلەكتر قۋاتى ىستەرىنىڭ دامۋ تابىستارىن ۇگىت لەكسياعا ءسىڭىردى. ول بىلاي دەدى: سوڭعى جىلدارى شينجياڭ تازا ەنەرگيا ساياسات جۇيەسىن ۇزدىكسىز كەمەلدەندىرىپ، سۋ، جەل، كۇن ەنەرگياسى سياقتى تازا ەنەرگيانى اشۋدى، پايدالانۋدى جەدەلدەتىپ، ەنەرگيا ءوندىرۋ قۇرىلىمىن كوپ نەگىزدەنۋگە قاراي ويىستىردى. ەنەرگيا بايلىق باسىمدىعىن ساۋلەلەندىرۋ ءۇشىن، شينجياڭ ەلەكتر قۋاتىن اشۋدى، سىرتقا جەتكىزۋدى بار كۇشپەن جەبەدى، ”ەكى ەرەكشە جوعارى كەرنەۋلى تۇراقتى توك جەتكىزۋ ارناسى، ەكى ەرەكشە جوعارى كەرنەۋلى اينىمالى توك جەتكىزۋ ارناسى“ سىندى 4 سىرتقا جەتكىزۋ ارناسىن سالىپ، ەلەكتردى بۇكىل ەلدەگى 20 ولكە، رايون، قالاعا جەتكىزىپ، تيىمدىلىك جەتكىزگەن حالىق سانى 500 ميلليوننان استى.
”وسى جاقتان الىپ قاراعاندا، ءبىز شينجياڭنىڭ ەلەكتر قۋاتى ىستەرىنىڭ دامۋىنا قىزمەت وتەپ قالماستان، تاعى ەلىمىزدىڭ ەنەرگيا بايلىعىن زور كولەمدە ورنالاستىرۋ، مەملەكەتتىڭ ەنەرگيامەن قامداۋىن قامتاماسىزداندىرۋ، ەنەرگيا ۇنەمدەپ، ىعىستىرۋدى ازايتۋ جانە قورشاعان ورتانىڭ قىسىمىن جەڭىلدەتۋدى جەبەۋ سياقتى ماڭىزدى مىندەتتەردى ارقالاپ وتىرمىز“، - دەدى زورىگۇل نياز.
پارتيا 20 - قۇرىلتايىنىڭ بايانداماسىندا بىلاي دەپ العا قويىلدى: ”جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلت ماسەلەسىن جۇڭگوشا شەشۋدىڭ دۇرىس جولىمەن بۇلجىماي ءجۇرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، پارتيانىڭ ۇلت قىزمەتىن كۇشەيتىپ جانە جاقسارتىپ، ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋ كەرەك“.
از ۇلت پارتيا ۋاكىلى رەتىندە، زورىگۇل نياز مەكەمەدەگى بولماشى اڭگىمەلەردەن پايدالانىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ ماڭىزىن ءتۇسىندىردى. قىزمەتكە قاتىناسقان 20 نەشە جىلدان بەرى زورىگۇل نياز ىلگەرىندى - كەيىندى 750 كيلوۆولتتىق 5 كەرنەۋ وزگەرتۋ پۋنكتىنىڭ تەكسەرىپ وتكىزىپ الۋ، قولدانىسقا بەرۋ جانە اينالىم - قورعاۋ قىزمەتىنە ات سالىستى، وسى كەرنەۋ وزگەرتۋ پۋنكتتەرىندەگى قىزمەتكەرلەردىڭ بارلىعى كوپ ۇلتتان قۇرالعان. ”750 كيلوۆولتتىق تۇرپان كەرنەۋ وزگەرتۋ پۋنكتىندە مەن ۇيعۇر، قازاق، حۇيزۋ، مانزۋ، حانزۋ سياقتى تۇرلىشە ۇلتتاعى قىزمەتتەستەرمەن بىرگە تاماقتانىپ، بىرگە تۇرىپ، بىرگە ەڭبەك ىستەدىم، مەيلى قايسى ۇلت بولساق تا، كوپشىلىكتىڭ ۇقساس ءبىر ورتاق نىساناسى بار، ول كەرنەۋ وزگەرتۋ پۋنكتىنىڭ حاۋىپسىز جۇمىس جۇرگىزۋىنە شىنايى كەپىلدىك ەتىپ، جابدىقتىڭ حاۋىپسىزدىگىن قامتاماسىزداندىرۋ“. زورىگۇل نياز بىلاي دەدى: ”شينجياڭ دامۋدىڭ داڭعىل جولىنا ءتۇستى، مەن ءار ۇلت اعا - ءىنى، اپەكە - سىڭلىلەردىڭ، ءسوزسىز، اناردىڭ دانىندەي تىعىز ۇيىسىپ، شينجياڭدى اناعۇرلىم كورىكتى ەتىپ قۇرىپ شىعاتىندىعىنا سەنەمىن“.