汉文 ىلە اقپارات تورابىنا حوش كەلدىڭىزدەر!
اۋىلداستاردى بىرگە بايۋعا باستايمىن
2022-11-13 13:23:31     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

  ۋاكىل حاۋ شياڭلي:

   اۋىلداستاردى بىرگە بايۋعا باستايمىن

  □ انار بۇلت \ شينجياڭ گازەتىنىڭ ءتىلشىسى ياڭ شۋحان

وسى بىرنەشە كۇندە، پارتيا 20 - قۇرىلتايىنىڭ ۋاكىلى، شاعانتوعاي اۋدانى جانكىسى اۋىلى جانكىسى قىستاعى پارتيا ياچەيكاسىنىڭ شۋجيى حاۋ شياڭلي تارباعاتاي ايماعى وتكىزگەن ”پارتيا ۋاكىلدەرىنىڭ پارتيا 20 - قۇرىلتايىنىڭ رۋحى جونىندەگى ۇگىت لەكسياسى“ تىكە تاراتۋىنا دايىندىق جاسادى، قۇرىلتايعا قاتىناسقان كەزدەگى اسەرى جايلى ءسوز بولعاندا، ول اۋەلگىدەي تەبىرەنىپ: ”نەگىزگى ساتى ۋاكىلى رەتىندە، پارتيا 20 - قۇرىلتايىنىڭ بايانداماسىن سول جەردىڭ وزىندە تىڭداپ، ايرىقشا شابىتتاندىم، ەرەكشە جىگەرلەندىم، سونىمەن بىرگە بورىشىمنىڭ داڭقتى، جاۋاپكەرشىلىگىمنىڭ اۋىر ەكەندىگىن سەزىندىم“، - دەدى.

”ۇيرەنۋدىڭ، ۇگىتتەۋدىڭ، دايەكتىلەندىرۋدىڭ، تياناقتاندىرۋدىڭ ورلەۋىن دەرەۋ كوتەرىپ، پارتيا 20 - قۇرىلتايىنىڭ رۋحىن جۇرت جۇرەگىنە تەرەڭ ۇيالاتامىن“. حاۋ شياڭلي مىنالاردى ءبىلدىردى: پارتيا 20 - قۇرىلتايىنىڭ رۋحىن ۇيرەنۋدى ماڭداي الدى ساياسي مىندەت ەتىپ، ”نەنى ۇيرەنۋدى، قالاي ۇيرەنۋدى، قالاي ىستەۋدى“ ارقاۋ ەتە وتىرىپ، يكەمدى دە الۋان تۇردەگى ۇيرەنۋ، تالقىلاۋ قيمىلىن ۇيىمداستىرىپ، ورىستەتىپ، ءار ۇلت كادرلارى مەن بۇقاراسىن جاڭا جورىقتا جاڭا جاۋاپكەرشىلىك ارقالاۋعا، جاڭا ىسكەرلىك كورسەتۋگە تاربيەلەيمىن، جەتەكتەيمىن.

”جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى“. نەگىزگى ساتى كادرى رەتىندە، حاۋ شياڭلي مىنالاردى ءبىلدىردى: جانكىسى قىستاعىنىڭ ەرەكشە، باسىمدىققا يە بايلىعىن تياناق ەتىپ، اۋىل - قىستاق ساياحاتى كاسىپ سالاسىندا ىشكى جاقتا كومەسكى كۇشتى اشىپ، سىرتقى جاقتا بىرىككەن كۇش ۇيىستىرىپ، شارۋالاردىڭ كىرىسىن ارتتىرىپ، بايۋ جولىن كەڭەيتىپ، ساياحاتتى دامىتۋ، ەرەكشە باعىمشىلىق سياقتى جاقتارعا دەن قويىپ، تۇنىق سۋ، جاسىل تاۋدا قامتىلعان ەكولوگيالىق ءونىم قۇنىن باعالى بايلىققا اينالدىرىپ، اۋىل - قىستاقتىڭ ءتىپتى دە كوركەم، ءتىپتى دە باي، حالىق تۇرمىسىنىڭ ءتىپتى دە باقىتتى بولۋىنا مۇمكىندىك جاسايمىز“.

جۋىق جىلداردان بەرى، جانكىسى قىستاعىنداعى ءار ۇلت بۇقاراسى ىنتىماقتاسا كۇرەس جاساپ، ”كەدەيلىكتەن ارىلتۋدان قامال الۋدىڭ مەملەكەتتىك وزات كوللەكتيۆى“ اتاعىن يەلەدى.

”پارتيا 20 - قۇرىلتايىنىڭ بايانداماسىندا، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا ەكەندىگى العا قويىلدى“. حاۋ شياڭلي بىلاي دەدى: بۇقارالىق قىزمەتتى تىڭعىلىقتى ىستەۋدە، پارتيا ياچەيكاسىنىڭ رولىن ساۋلەلەندىرۋ − نەگىز، پارتيا مۇشەلەرىنىڭ باستاماشىلىق رولىن ساۋلەلەندىرۋ − تەتىك. ول مىنالاردى ءبىلدىردى: پارتيا 20 - قۇرىلتايىنىڭ رۋحىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ مىعىم كۇشىنە اينالدىرىپ، نەگىزگى ساتى پارتيا ۇيىمىن ويداعىداي قۇرىپ، دارىندىلار قۋاتىن توپتاپ، قۋاتتى دا پارمەندى پارتيا مۇشەلەرى قوسىنىن قۇرىپ، حالىقتىڭ حال - جاعدايىن وتباسىلارعا دەيىن بارىپ ۇعىسۋدى، قايشىلىقتى وتباسىلارعا دەيىن بارىپ شەشۋدى، ساياساتتى وتباسىلارعا دەيىن تياناقتاندىرۋدى، دالمە - ءدال قىزمەت وتەۋدى وتباسىلارعا دەيىن ورىستەتۋدى ورىنداپ، بۇقارانىڭ وزگەرىستەردى كورە الۋىنا، ناقتى يگىلىككە كەنەلۋىنە مۇمكىندىك جاسايمىز.

پارتيا 20 - قۇرىلتايىنىڭ بايانداماسىندا، اۋىل - قىستاقتى گۇلدەندىرۋدى جاپپاي ىلگەرىلەتۋ العا قويىلدى. حاۋ شياڭلي مىنالاردى ءبىلدىردى: كەلەسى قادامدا، قىستاق ”ەكى كوميتەتى“ القاسىن باستاپ، بۇقارانىڭ ويلاعانىمەن، اڭساعانىمەن، كۇتكەنىمەن تىعىز جاناسىپ، نەگىزگى ساتى پارتيا ۇيىمى باسشىلىق ەتكەن نەگىزگى ساتى بۇقاراسىنىڭ ءوزىن - ءوزى باسقارۋ مەحانيزمىن اقاۋسىزداندىرىپ، بۇقارا ۇناتا تىڭداپ، قۇمارتا كورەتىن تاسىلمەن وتانشىلدىق، كوللەكتيۆشىلدىك، سوتسياليستىك تاربيەنى ورىستەتىپ، قالىڭ بۇقارانى جۇڭگو حيكاياسىن، شينجياڭ حيكاياسىن ويداعىداي بايانداۋعا جۇمىلدىرامىن.

حاۋ شياڭلي بىلاي دەدى: پارتيا 20 - قۇرىلتايىنىڭ رۋحىن ءىس جۇزىندىك قىزمەت بارىسىندا دايەكتىلەندىرىپ، تياناقتاندىرىپ، ءوز قىزمەت مىندەتىمدى تياناق ەتە وتىرىپ اۋىل - قىستاق قىزمەتىن ويداعىداي ىستەپ، بۇقارانىڭ وزگەرىستەردى كورە الۋىنا، ناقتى يگىلىككە كەنەلۋىنە مۇمكىندىك جاساپ، اۋىلداستاردى بىرگە بايۋعا باستايمىن.