اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزدى

　　پارتيا 20 - قۇرىلتايى رۋحىنىڭ بۇكىل رايونداعى ساياسي كەڭەس جۇيەسىندە تياناقتانىپ تامىر تارتۋىن ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 18 - كۇنى ۇرىمجىدەن حابارلايدى. 11 - ايدىڭ 18 - كۇنى تۇستەن بۇرىن، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزىپ، پارتيا 20 - قۇرىلتايىنىڭ رۋحىن اناعۇرلىم جان - جاقتى، دالمە - ءدال ۇيرەندى، ءتۇسىندى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ءماجىلىستى باسقاردى ءارى ءسوز سويلەپ بىلاي دەپ باسا دارىپتەدى، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىل تۇردە پارتيا 20 - قۇرىلتايىنىڭ رۋحىمەن يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”تياناقتاندىرۋ“ مەن ”ۇيىستىرۋ“ ساياسي جاۋاپكەرشىلىگىن باتىل ارقالاپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ءىس - ارەكەتتە ايگىلەپ، ونىمدىلىكتە كورسەتىپ، كورىكتى شينجياڭ قۇرۋعا ساياسي كەڭەس كۇشىن قوسۋ كەرەك.

اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەلەرى پىكىر اۋىستىرىپ لەبىز ءبىلدىردى. كوپشىلىك ءبىر اۋىزدان بىلاي دەپ قارادى: پارتيا 20 - قۇرىلتايى تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي. باس شۋجي شي جينپيڭنىڭ جاساعان بايانداماسى − پارتيامىزدىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋىنىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنىڭ ساياسي جارناماسى جانە ارەكەت تۇعىرناماسى. ءبىز ”ەكىنى تۇراقتاندىرۋدى“ قورعاۋ، ”ەكىنى قورعاۋدى“ امالياتتا ايگىلەۋ ساياسي سانالىلىعىن، يدەيا سانالىلىعىن، ارەكەت سانالىلىعىن كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋىمىز كەرەك.

كوپشىلىكتىڭ لەبىزىن مۇقيات تىڭداعاننان كەيىن، نۇرلان ءابىلماجىن ءسوز سويلەدى. ول بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، پارتيا 20 - قۇرىلتايىنىڭ كەلەلى ءمانىن تەرەڭ تانىپ، جاپپاي ۇيرەنۋگە كۇش سالىپ، ۇيرەنۋ ارقىلى تولعانۋىنا، ءتۇسىنۋ ارقىلى ناتيجەگە يە بولۋعا شىنايى كەپىلدىك ەتىپ، اناعۇرلىم سانالىلىقپەن يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، ۇيرەنۋ جەتىستىگىن قىزمەتتى ىلگەرىلەتۋدىڭ ناقتى شاراسىنا اينالدىرىپ، كۇشتى تاريحي ىرىقتىلىق رۋحىمەن جاڭا جورىقتا ەكپىندەي ىلگەرىلەپ، جاڭا تاراۋ جازىپ، جاڭا جەڭىسكە قول جەتكىزۋ كەرەك. جاپپاي يگەرۋگە كۇش سالىپ، ”بەستى مىقتاپ يگەرۋ“ سىندى ماڭىزدى تالاپتاردى باتىل دايەكتىلەندىرىپ، تەرەڭ تۇسىنۋگە، تولىق مەڭگەرۋگە شىنايى كەپىلدىك ەتىپ، پارتيا 20 - قۇرىلتايىنىڭ رۋحىمەن ساياسي كەڭەس قىزمەتىنە تالىقپاي ءبىر تۇتاس جەتەكشىلىك ەتۋ كەرەك.

ءماجىلىس بىلاي دەپ باسا دارىپتەدى: دەڭگەيدى جوعارىلاتىپ، تياناقتاندىرۋدى يگەرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ”ەكى كەلەلى جاعدايدى“ كوكەيگە ءتۇيىپ، ”مەملەكەتتىڭ زور ءىسىن“ ەستە ساقتاپ، نازاردى پارتيا 20 - قۇرىلتايىندا جاسالعان ستراتەگيالىق ورنالاستىرۋلارعا شوعىرلاندىرىپ، اۆتونوميالى رايوندىق پارتكومنىڭ ورنالاستىرۋىمەن، تالابىمەن تىعىز بايلانىستىرىپ، مىندەت اتقارىپ جاۋاپكەرشىلىكتى ادا ەتۋدىڭ كىرىسۋ ءتۇيىنىن ءداپ باسىپ تاۋىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردە ۇكىمەت ءىسىن شوعىرلى تۇردە كەڭەسۋدى تەرەڭدەتىپ، باقىلاۋدى كۇشەيتىپ، تياناقتاندىرۋعا دەم بەرىپ، ورتاق تانىم ۇيىستىرىپ، كۇش - قۋاتتى توپتاۋ كەرەك. ارناۋلى كەڭەس قۇرىلىمىنىڭ فۋنكتسيالىق ورىن تۇراقتاندىرۋىن تياناق ەتىپ، جالپى بارىستىق حالىق دەموكراتياسىن سانالى تۇردە امالياتتا ايگىلەۋدى پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋىڭ كۇش سالۋ ءتۇيىنى ەتىپ، نازاردى پارتيا مەن ۇكىمەتتىڭ قاجەتىنە، بۇقارانىڭ تىلەگىنە، ساياسي كەڭەستىڭ قابىلەتىنە شوعىرلاندىرىپ، پارتيا 20 - قۇرىلتايى رۋحىنىڭ بۇكىل رايونداعى ساياسي كەڭەس جۇيەسىندە تياناقتانىپ تامىر تارتۋىن، ناقتى ونىمدىلىك كورسەتۋىن ىلگەرىلەتۋ كەرەك.