汉文 ىلە اقپارات تورابىنا حوش كەلدىڭىزدەر!
ما شيڭرۇي جاڭا جىل قارساڭىندا تاشقورعان تاجىك اۆتونوميالى اۋدانىنا بارىپ تەكسەرۋ - زەرتتەۋ جۇرگىزدى، حال سۇرادى، بۇكىل رايونداعى قالىڭ كادرلار مەن بۇقاراعا جاڭا جىلدىق تاماشا تىلەك تىلەدى
2023-01-03 10:08:46     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

وتاندى ٴسۇيىپ، شەكارانى قورعاۋ رۋحىن ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ٴار ۇلت بۇقاراسىن اناعۇرلىم باقىتتى دا تاماشا تۇرمىسقا كەنەلدىرۋ كەرەك 


شينجياڭ گازەتىنىڭ حابارى (ٴتىلشى ۋاڭ شيڭرۇي). جاڭا جىل قارساڭىندا اۆتونوميالى رايوندىق پارتكومنىڭ شۋجيى ما شيڭرۇي 12 - ايدىڭ 30 - كۇنى تاشقورعان تاجىك اۆتونوميالى اۋدانىنا كەلىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، ورتالىقتىڭ ەكونوميكالىق قىزمەت ٴماجىلىسى، ورتالىقتىڭ اۋىل - قىستاق قىزمەت ٴماجىلىسى سياقتىلاردىڭ قىزمەت ورنالاستىرۋلارىن دايەكتىلەندىرۋ، تياناقتاندىرۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ٴبىر تۇتاس جوسپارلاۋ، اۋىل - قىستاقتاردىڭ ىندەتتەن ساقتانۋ - تىزگىندەۋ، ەرەكشە كاسىپ سالاسىن جەتىلدىرۋ، ەگىنشى - مالشىلاردىڭ كىرىسىن ارتتىرۋ، اۋىل - قىستاقتى گۇلدەندىرۋ سياقتى قىزمەتتەرىن ويداعىداي ىستەۋ جونىندە تەكسەرۋ - زەرتتەۋ جۇرگىزىپ، ٴۇستىرتتىڭ ٴبىرىنشى شەبىندەگى كادرلار مەن بۇقاراعا امانداسىپ، ولاردان حال سۇراپ، اۆتونوميالى رايوندىق پارتكوم مەن ۇكىمەت اتىنان بۇكىل رايونداعى ٴار ۇلت كادرلارى مەن بۇقاراسىنا مەرەكەلىك تىلەك ايتتى جانە تاماشا باقىت تىلەدى.

ما شيڭرۇي ۇستىرتتەگى ٴار ۇلت بۇقاراسىنىڭ اۋرۋ كورسەتۋى، ەمدەلۋى، ىندەتتەن ساقتانۋ ٴدارى - دارمەكتەرىمەن قامتاماسىز ەتىلۋى سياقتى قىزمەتتەرگە ايرىقشا كوڭىل ٴبولىپ، تىزناپ اۋىلدىق شيپاحاناعا جانە بەلدىر اۋىلى بوسىتبەلدىر قىستاعى ەمحاناسىنا كەلىپ، نەگىزگى ساتى ەمدەۋ قىزمەتكەرلەرىمەن اڭگىمەلەسىپ، قاتىستى جاعدايدى ۇعىستى. ول بىلاي دەپ باسا دارىپتەدى: ۇستىرتتەگى ەگىن، مال شارۋاشىلىق وڭىرلەرىندە دەنساۋلىق ساقتاۋ، سالاماتتىق قىزمەت وتەۋ بايلىقتارى سالىستىرمالى تۇردە جەتكىلىكسىز، بايلىق كۇشتەرىن ٴبىر تۇتاس جوسپارلاۋدى جانە نەگىزگى ساتى ەمدەۋ قىزمەتكەرلەرىن ساقتانۋ - تىزگىندەۋ بىلىمدەرىمەن باۋلۋدى كۇشەيتىپ، اۋىل - قىستاقتاعى 3 دارەجەلى ەمدەۋ، دەنساۋلىق ساقتاۋ قۇرىلىمدارىنىڭ ەمدەۋ قىزمەتى مەن اۋرۋدىڭ الدىن الۋ جانە تىزگىندەۋ قىزمەتىن سايكەستىرۋ بويىنشا دارەجەگە ايىرىپ قىزمەت وتەۋىن كۇشەيتىپ، الدىڭعى شەپتەگى شەت، شالعاي وڭىرلەرگە ٴدارى - دارمەك تاراتۋ جانە زاپاس ساقتاۋ سەرپىنىن زورايتىپ، ٴار ۇلت بۇقاراسىنىڭ، اسىرەسە «ٴبىر قارت، ٴبىر بالا» سياقتى ٴتۇيىندى قاۋىمعا اناعۇرلىم قولايلى سالاماتتىقتى باقىلاۋ - تەكسەرۋ، انتيگەن تەكسەرۋ، شيپاگەرگە كورىنۋ، ٴدارى ىستەتۋ سياقتى قىزمەت وتەۋلەردى ازىرلەپ، كوپشىلىكتىڭ دەنساۋلىعى مەن قالىپتى ٴوندىرىس، تۇرمىس ٴتارتىبىن ەڭ جوعارى شەكتە ويداعىداي قورعاۋ كەرەك.

«ٴداۋىر ونەگەسى» لاچين بايەكە كوزى تىرىسىندە تىزناپ اۋىلىنىڭ شەكارا قورعاۋشىسى بولاتىن. ما شيڭرۇي ونىڭ ۇيىنە كەلىپ، تۋعان - تۋىستارىنا ىقىلاسپەن امانداسىپ، ولاردان حال سۇراپ، جاڭا جىل تىلەگىن جەتكىزدى. ول بىلاي دەدى: لاچين بايەكەنىڭ وتاندى ٴسۇيىپ، شەكارانى قورعاعان قاجىماس تاباندىلىعى، ۇلتتار ىنتىماعى، العاباسارلىعىن ىلگەرىلەتكەن تىڭعىلىقتى قىزمەتى، باسىن ٴباي تىگىپ باسقالاردى قۇتقارعان قاھارماندىق ارەكەتى جاڭا داۋىردەگى كوممۋنيستەردىڭ اۋەلگى ماقساتىن، بورىشىن جاندى تۇردە امالياتتا ايگىلەدى، ول جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تاباندى ىلگەرىلەتۋشىسى، وتاندى ٴسۇيىپ، شەكارانى قورعاعان «پامير قىرانى». ٴبىز ونىڭ اسقاق رۋحىنان ويداعىداي ۇيرەنىپ، جانىمىزداعى ونەگەلەردى ۇلگى تۇتىپ، ٴار ۇلت كادر - بۇقاراسىن اناعۇرلىم سانالى تۇردە پارتيانىڭ ٴسوزىن تىڭداپ، پارتياعا العىس ايتىپ، پارتياعا ىلەسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرىپ، كورىكتى شينجياڭدى قۇلشىنا قۇرۋعا تاربيەلەۋىمىز، جىگەرلەندىرۋىمىز كەرەك؛ ول قاتىستى جاۋاپتى جولداستارعا قاھارماننىڭ وتباسىنداعىلارعا جاقسى قارايلاسۋدى، ولاردىڭ ٴىس جۇزىندىك قيىنشىلىعىن ويداعىداي شەشۋدى تاپسىردى. بوسىتبەلدىر قىستاعىندا، ما شيڭرۇي شەكارا قورعاۋشى سۇلايمان حالىقبايدىڭ ۇيىنە بارىپ، ولاردىڭ جاڭا جىلىن قۇتتىقتادى، ونىڭ وتباسىنداعىلارمەن اڭگىمەلەسىپ، كىرىستەرىن سۇراپ، بولاشاقتارىن تىلگە تيەك ەتىپ، ولاردى وتاندى ٴسۇيىپ، شەكارانى قورعاۋ ٴداستۇرىن ساۋلەلەندىرىپ، اناعۇرلىم كوپ بۇقارانى جۇڭحۋا ۇلتى ورتاق تۇلعا تانىمىن بەرىك ورناتۋعا جەتەكتەپ، وتانىمىزدىڭ شەكارا لەنياسىن ويداعىداي قورعاۋعا شابىتتاندىردى. ما شيڭرۇي ولاردىڭ جاڭا جىلدا تۇرمىستارىنىڭ اناعۇرلىم باقىتتى، اناعۇرلىم تاماشا بولۋىن تىلەدى.

ٴۇستىرت سالت - سانا ساياحاتى وزىندىك ەرەكشەلىككە يە. ما شيڭرۇي پامير ساياحات رايونى ساياحاتشىلارعا قىزمەت وتەۋ ورتالىعىنا بارىپ، ساياحات كاسىبىنىڭ دامۋ جاعدايى جونىندەگى تانىستىرۋدى تىڭدادى. ول بىلاي دەپ باسا دارىپتەدى: ٴۇستىرت ساياحاتىنىڭ كومەسكى كۇشىن اشىپ، مادەنيەت پەن ساياحاتتىڭ توعىسۋىن جەبەپ، ەرەكشە ايگىلى ماركا تۇلعالاپ، كاسىپ سالاسىن جەتىلدىرۋدى، كاسىپورىننىڭ دامۋىن بۇقارانىڭ جۇمىستانۋىمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن اناعۇرلىم ويداعىداي ٴبىر تۇتاس جوسپارلاپ، اناعۇرلىم كوپ بۇقارانى كىرىسىن ارتتىرىپ بايۋعا جەتەكتەۋ كەرەك. قورعاي وتىرىپ اشۋعا تاباندى بولىپ، ٴۇستىرتتىڭ تاماشا ەكولوگيالىق ورتاسىن ويداعىداي قورعاپ، ادام مەن تابيعاتتىڭ جاراسىمدى قاتار ٴومىر ٴسۇرۋىن جەبەپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ ٴوزارا بىرلىگىن جۇزەگە اسىرۋ كەرەك.

ما شيڭرۇي چۇمان جەر جىلۋى الابىن اشۋ، پايدالانۋ جانە شىنجىن ەنەرگيا توبى فۋتا فوتوۆولتتىق نىسانىن جوبالاۋ قۇرىلىسىنىڭ جۇمىسى سياقتى جاعدايلاردى دا تەكسەرىپ - زەرتتەدى، ول بىلاي دەپ باسا دارىپتەدى: ٴۇستىرتتىڭ ەرەكشە بايلىعىنان ۇتىمدى پايدالانىپ، شينجياڭعا باعىتتامالى كومەكتەسۋ باسىمدىعىن ساۋلەلەندىرىپ، جالپىلىق ونىمدىلىكتى ارتتىرىپ، ەرەكشە كاسىپ سالاسىن كۇش سالا جەتىلدىرىپ، دامىتىپ، حالىق تۇرمىسى نىساندارىنىڭ قۇرىلىس سەرپىنىن كۇشەيتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم كوپ قوزعاۋشى قۋات جانە ومىرشەڭدىك كۇش ۇستەپ، دامۋ جەتىستىكتەرىنەن ٴار ۇلت بۇقاراسىن اناعۇرلىم كوپ، اناعۇرلىم جاقسى يگىلىكتەندىرۋ كەرەك.

قادەن كابەن قاتارلىلار تەكسەرۋ - زەرتتەۋگە قاتىناستى.