شي جينپيڭ حات جولداپ جۇڭگو اقپارات اگەنتتىگى قۇرىلعاندىعىنىڭ 70 جىلدىعىن قۇتتىقتاپ، بىلاي دەپ باسا دارىپتەدى

حالىقارالىق تاراتۋ ءسوز جۇيەسىندە جاڭالىق اشىپ، حالىقارالىق تاراتۋ قابىلەتىن جوعارىلاتىپ، حاباردىڭ تارتىمدىلىعى مەن ناقتى ونىمدىلىگىن كۇشەيتۋ كەرەك

قۇتتىقتاۋ حات

جۇڭگو اقپارات اگەنتتىگى قۇرىلعاندىعىنىڭ 70 جىلدىعى قارساڭىندا، مەن جۇڭگو اقپارات اگەنتتىگىندەگى بارلىق جولداستاردى شىن جۇرەكتەن قۇتتىقتايمىن!

70 جىلدان بەرى، جۇڭگو اقپارات اگەنتتىگى وتانشىلدىق حابارلاۋ باعىتىنان جازباي، چياۋباۋلارعا قىزمەت وتەۋگە تاباندى بولىپ، جۇڭگو حيكاياسىن ويداعىداي بايانداۋ، جۇڭگو ءۇنىن ويداعىداي تاراتۋ ءۇشىن بەلسەندى رول اتقاردى. جۇڭگو اقپارات اگەنتتىگى قۇرىلعاندىعىنىڭ 70 جىلدىعىن جاڭا باستاما ەتىپ، حالىقارالىق تاراتۋ ءسوز جۇيەسىندە جاڭالىق اشىپ، توعىسپالى دامۋدى جەدەلدەتىپ، حالىقارالىق تاراتۋ قابىلەتىن جوعارىلاتىپ، حاباردىڭ تارتىمدىلىعى مەن ناقتى ونىمدىلىگىن كۇشەيتىپ، شەتەلدەردەگى جۇڭگو ءتىل - جازۋىنداعى مەديالارمەن بەلسەنە بايلانىس جاساپ، سەنىمدى، سۇيىكتى، ارداقتى جۇڭگو وبرازىن ايگىلەۋ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن جەبەۋ، جۇڭگو مەن شەتەلدىڭ وركەنيەت اۋىس - كۇيىسىن، جۇرت تىلەگىنىڭ توعىسۋىن ىلگەرىلەتۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىن.

شي جينپيڭ

2022 - جىلى 9 - ايدىڭ 23 - كۇنى

(شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى)

شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. جۇڭگو اقپارات اگەنتتىگى قۇرىلعاندىعىنىڭ 70 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، جۇڭگو اقپارات اگەنتتىگىندەگى بارلىق جولداستاردى شىن جۇرەكتەن قۇتتىقتادى.

شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 70 جىلدان بەرى، جۇڭگو اقپارات اگەنتتىگى وتانشىلدىق حابارلاۋ باعىتىنان جازباي، چياۋباۋلارعا قىزمەت وتەۋگە تاباندى بولىپ، جۇڭگو حيكاياسىن ويداعىداي بايانداۋ، جۇڭگو ءۇنىن ويداعىداي تاراتۋ ءۇشىن بەلسەندى رول اتقاردى.

شي جينپيڭ جۇڭگو اقپارات اگەنتتىگى قۇرىلعاندىعىنىڭ 70 جىلدىعىن جاڭا باستاما ەتىپ، حالىقارالىق تاراتۋ ءسوز جۇيەسىندە جاڭالىق اشىپ، توعىسپالى دامۋدى جەدەلدەتىپ، حالىقارالىق تاراتۋ قابىلەتىن جوعارىلاتىپ، حاباردىڭ تارتىمدىلىعى مەن ناقتى ونىمدىلىگىن كۇشەيتىپ، شەتەلدەردەگى جۇڭگو ءتىل - جازۋىنداعى مەديالارمەن بەلسەندى بايلانىس جاساپ، سەنىمدى، سۇيىكتى، ارداقتى جۇڭگو وبرازىن ايگىلەۋ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن جەبەۋ، جۇڭگو مەن شەتەلدىڭ وركەنيەت اۋىس - كۇيىسىن، جۇرت تىلەگىنىڭ توعىسۋىن ىلگەرىلەتۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتتى.

9 - ايدىڭ 23 - كۇنى تۇستەن بۇرىن جۇڭگو اقپارات اگەنتتىگى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭدە وتكىزىلدى، جينالىستا شي جينپيڭنىڭ قۇتتىقتاۋ حاتى وقىلدى. جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان جينالىسقا قاتىناستى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وتانشىلدىق حابارلاۋ باعىتىنان باستان - اياق جازباي، جۇڭگو اقپاراتىنىڭ ەرەكشەلىگىن كورنەكتىلەندىرىپ، شياڭگاڭدىق، اۋمىندىق، تايۋاندىق باۋىرلاستارعا، شەتەلدەردەگى چياۋباۋلارعا جانە حالىقارالىق قوعامعا جۇڭگو حيكاياسىن ويداعىداي بايانداپ، جۇڭگو مەن شەتەلدىڭ وركەنيەت اۋىس - كۇيىسىن جانە حالىق تىلەگىنىڭ توعىسۋىن ىلگەرىلەتىپ، شەتەلدەردەگى جۇڭگونى بىلەتىن، جۇڭگومەن دوس وتەتىن ”دوستار شەڭبەرىن“ ۇزدىكسىز زورايتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا جۇرت تىلەگى مەن كۇش - قۋاتىن ۇيىستىرۋ كەرەك.

جينالىستا جۇڭگو اقپارات اگەنتتىگىنىڭ جاۋاپتىلارى جانە قارت جولداستار، جاس جۇمىسشى - قىزمەتكەرلەر ۋاكىلدەرى لەبىز ءبىلدىردى.

جۇڭگو اقپارات اگەنتتىگى جۇڭگو اقپارات سالاسى مەن چياۋباۋلار سالاسىنداعى ايگىلى قايراتكەرلەردىڭ باستاماسىمەن 1952 - جىلى 10 - ايدىڭ 1 - كۇنى رەسمي قۇرىلعان. قازىر بۇل اگەنتتىكتىڭ ەل ءىشى - سىرتىندا 52 بولىمشەسى بار، 24 ساعات توقتاۋسىز ينفورماتسيا جاريالاۋ جۇيەسىن ورناتىپ، شەتەلدەردەگى باسىم كوپ ساندى جۇڭگو ءتىل - جازۋىنداعى مەديالاردى قامتىعان پايدالانۋشىلار تورىن قالىپتاستىرعان.