باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جين حۋ مەن زەيني مامەت: ٴبىر – ٴبىرىنىڭ قامىن جەيتىن جاناشىر تۋىستار
2021-07-16 11:34:01     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

اۆتورى: فان ۋىن

”قيىنشىلىعىڭ بولسا جين حۋدى ىزدە، ول الەۋمەتتىك اۋماعىمىزداعى ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ باستىعى، ءارى مەنىڭ جۇپ قۇراعان تۋىسىم“، - دەدى شينجياڭ قارامايلى قالاسى قارامايلى رايونى جەڭىس جولى ٴمالى باسقارماسى جەڭىس الەۋمەتتىك اۋماعىنىڭ عيمارات باستىعى زەيني مامەت ەل - جۇرتتىڭ بارىنە.

1.jpg

جين حۋ (سولدا) زەيني مامەتكە امانداسا كەلىپ، ونىڭ دەنساۋلىق جاعدايىن ۇعىستى.

   2020 – جىلدىڭ باسىندا قارامايلى قالالىق پارتكومعا توتە قاراستى ورگاندار قىزمەت كوميتەتىنىڭ جەڭىس الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جين حۋ قىزمەتكە كەلىپ كوپ وتپەي، ادامدارعا باۋىرمال زەينيگە نازار اۋداردى. وتباسىلارىنا كىرىپ احۋال ۇعىسۋ بارىسىندا، جين حۋ زەينيدىڭ نەمەرەسىنىڭ ەكى قۇلاعىنىڭ ەستۋ قۋاتى كەدەرگىگە ۇشىراپ، مۇگەدەكتىك كۋالىگىن ءبىتىرىپ جاتقانىن بىلەدى. احۋالدى جان – جاقتىلى ۇعىسقاننان كەيىن، جين حۋ زەينيگە بىلاي دەيدى: ”اپاي، ابىرجىماڭىز، ٴتارتىپ بويىنشا ٴبىر – بىرلەپ كورەيىك، ٴساتتى بىتەتىنى انىق، بالاعا تىڭداتقى ٴوتىنىش ەتۋگە بولا ما، جوق پا، سۇيەمەلدەۋ ساياساتتارىن تاعى ۇعىسىپ كورەيىن“. زەيني ەستىگەننەن كەيىن، جين حۋدىڭ قولىن قاتتى قىسىپ: ”كوپ راقىمەت، اۋرە بولدىڭ“، - دەيدى تەبىرەنىپ.

  جين حۋ مەن زەيني جۇپ قۇراپ تۋىس بولعاننان كەيىن، بالانى بىرگە الىپ بارىپ ساراپتاۋ جاساتىپ، تىڭداتقىعا داعدىلاندىرۋ جۇرگىزدى. ەكى اي سايكەستىرۋ ارقىلى جين حۋ اقىرى تىڭداتقىنى زەينيدىڭ قولىنا جەتكىزىپ بەردى، بالا تىڭداتقىنى تاققاننان كەيىن، قۋانعانىنان جين حۋدى قۇشاقتاپ راقىمەت ايتتى.

  زەيني جوعارى قان قىسىم سياقتى سوزىلمالى ناۋقاستارعا شالدىققان، جين حۋ مۇنى بىلگەننەن كەيىن، وعان ٴدارىنى ۋاعىندا ٴىشۋدى جانە كۇندەلىكتى تاماقتانۋداعى كوڭىل بولۋگە ٴتيىستى ىستەردى قايتا – قايتا تاپسىردى. ٴبىر جولى زەينيدىڭ قان قىسىمى وتە جوعارىلاپ، باسى اينالىپ، كوزى قاراۋىتىپ، عيماراتتان تۇسە المايدى، جين حۋ مۇنى بىلگەننەن كەيىن، دەرەۋ الەۋمەتتىك اۋماق دەنساۋلىق ساقتاۋ قىزمەت ورتالىعىنىڭ شيپاگەرىنە بايلانىس جاساپ، شيپاگەر زەينىيدىڭ ۇيىنە كەلىپ، ونى ەمدەيدى. ەمدەلگەننەن كەيىن، زەينيدىڭ اۋرۋى باسەڭدەيدى، ول الەۋمەتتىك اۋماققا كەلىپ جين حۋعا راقىمەتىن ايتادى. جين حۋ الاڭداپ: ”اپاي، وسى بىرنەشە كۇندە سىرتقا شىعۋعا اسىقپاي، ۇيدە دەمالىڭىز. قان قىسىمىڭىز سونشا جوعارى تۇرسا، الدا – جالدا ەستەن تانىپ جىعىلساڭىز قايتەسىز؟“ – دەدى. زەيني: ”ٴدارى ٴىشىپ دەمالعاننان كەيىن، كوپ جاقسى بولىپ قالدىم، ٴسوز جوق، كوبىرەك كوڭىل بولەمىن، وزىڭە راقىمەت ايتقالى كەلدىم“، - دەدى كۇلىمسىرەپ.

  بيىل ”1 – مامىر“ قارساڭىندا جۇپ قۇراپ تۋىستاسقان كادرلار، ”ۇعىسۋ، تيىمدىلىك جاسۋ، توعىستىرۋ“ قىزمەت اترەتى جانە الەۋمەتتىك اۋماق ”ەكى كوميتەتى“ ەرىكتى قىزمەت وتەۋ قيمىلىن ۇيىمداستىرىپ ورىستەتتى، جين حۋدىڭ ابىگەر بولىپ جۇرگەنىن كورگەن زەيني: ”باۋىرىم، مەن كومەكتەسەتىن ىستەر بار ما؟ مەنىڭ دە الەۋمەتتىك اۋماق ٴۇشىن ۇلەس قوسقىم كەلەدى“، - دەدى.

  الەۋمەتتىك اۋماق شاعىن الاڭدا كينو قويۋدى ۇيىمداستىرعاندا، زەيني نەمەرەسىن الىپ، الاڭعا ەرتە كەلدى ٴارى ورىندىق قويۋعا كومەكتەستى. ىمىرت ۇيىرىلگەندە، كەشكى استى جەپ بولعان تۇرعىندار ارت – ارتىنان الاڭعا كەلىپ، كينونىڭ باستالۋىن كۇتتى. زەيني جين حۋدىڭ قاسىنا كەلىپ: ”باۋىرىم كەشكى استى ٴالى جەمەگەن بولارسىڭ، وزىڭە ٴمانتى الا كەلدىم، تەز جەپ الا عوي“، - دەدى. جين حۋ اسەرلەنە ٴمانتىنى الىپ، راقىمەت ايتتى.

  جين حۋمەن ٴبىراز ۋاقىت بىرگە ءجۇرىپ، زەيني الەۋمەتتىك اۋماقتىڭ قيمىلدارىنا ونان ارى بەلسەنە قاتىناستى. تۇرعىندار: ”زەينيدىڭ قيمىلعا قاتىناسۋى بۇرىنعى قىزمەت ىستەگەنىنەن دە بەلسەندى بولىپ كەتتى“، - دەدى قالجىڭداپ. زەيني ٴماز – مايرام بولىپ: ”ارينە سولاي بولادى، جين اترەت باستىعى مەنىڭ باۋىرىم، ونىڭ ۇستىنە الەۋمەتتىك اۋماعىمىز ٴۇشىن ەسە قوسا السام، ٴوزىم دە ىشتەي قۋانامىن“، - دەدى.

  (اۆتوردىڭ قىزمەت ورنى: شينجياڭ قارامايلى قالالىق حالىق ۇكىمەتى سىرتقى ىستەر كەڭسەسى)

  اۋدارعان: قادىر ماقان